ದೆಹಲಿ(ಜು.27): ದೆಹಲಿಯ ಸಿನೆಮಾ ಹಾಲ್‌ಗಳು, ಚಿತ್ರಮಂದಿರಗಳು ಮತ್ತು ಮಲ್ಟಿಪ್ಲೆಕ್ಸ್‌ಗಳು ಸೋಮವಾರದಿಂದ ಶೇಕಡಾ 50 ರಷ್ಟು ಸಾಮರ್ಥ್ಯದಲ್ಲಿ ಮತ್ತೆ ತೆರೆಯಲು ತಯಾರಿ ಆರಂಭಿಸಿವೆ.
ನಾವು ಎಲ್ಲಾ ಕೋವಿಡ್ ಪ್ರೋಟೋಕಾಲ್‌ಗಳಿಗೆ ಬದ್ಧರಾಗಿರುತ್ತೇವೆ. ಮಾಸ್ಕ್ ಇಲ್ಲದೆ ಪ್ರವೇಶವಿಲ್ಲ. ಸ್ಥಿರವಾದ ಸ್ಯಾನಿಟೈಸೇಶನ್ ತಪಾಸಣೆ ಜಾರಿಯಲ್ಲಿರುತ್ತದೆ. ಟಿಕೆಟ್‌ಗಳಿಂದ ಆಹಾರದವರೆಗೆ ನಾವು ಸಂಪೂರ್ಣವಾಗಿ ಸಂಪರ್ಕವಿಲ್ಲದೆ ಇರುತ್ತೇವೆ ಎಂದು ಡಿಲೈಟ್ ಸಿನೆಮಾದ ವ್ಯವಸ್ಥಾಪಕ ಜೆ.ಜೆ.ವರ್ಮಾ ಎನ್‌ಡಿಟಿವಿಗೆ ತಿಳಿಸಿದ್ದಾರೆ.
ಅನುಮತಿ ಇದ್ರೂ ಶೋ ಇಲ್ಲ: ಟಾಕೀಸ್‌ ಓಪನ್ ಮಾಡಲು ಹಿಂದೇಟು..!
ಕೊರೋನಾ ಲಾಕ್‌ಡೌನ್‌ನಿಂದ ಸಿನೆಮಾ ಹಾಲ್‌ಗಳನ್ನು ಮುಚ್ಚಿದಾಗ ಒಟಿಟಿ ಪ್ಲಾಟ್‌ಫಾರ್ಮ್‌ಗಳು ಲಾಭ ಗಳಿಸಿರುವ ಬಗ್ಗೆ ಪ್ರತಿಕ್ರಿಯಿಸಿ ಲಾಕ್‌ಡೌನ್ ಸಮಯದಲ್ಲಿ ಒಟಿಟಿ ಪ್ಲಾಟ್‌ಫಾರ್ಮ್‌ಗಳು ಖಂಡಿತವಾಗಿಯೂ ಲಾಭ ಗಳಿಸಿವೆ. ಆದರೆ ಚಿತ್ರಮಂದಿರಗಳು ತೆರೆಯುತ್ತವೆ. ನಾವೂ ಸ್ವಲ್ಪ ಲಾಭ ಗಳಿಸಲು ಪ್ರಾರಂಭಿಸುತ್ತೇವೆ ನಮ್ಮ ನಷ್ಟವನ್ನು ಮಡಳಿ ಪಡೆಯಬಹುದು ಎಂದು ನಾವು ಆಶಿಸುತ್ತೇವೆ ಎಂದಿದ್ದಾರೆ.
ಮುಂದಿನ ಮೂರು ತಿಂಗಳುಗಳು ಕೋವಿಡ್ ಪ್ರಕರಣಗಳ ಉಲ್ಬಣವನ್ನು ತಡೆಗಟ್ಟುವಲ್ಲಿ ಮಹತ್ವದ್ದಾಗಿದೆ. ಅನ್ಲಾಕ್ ಚಟುವಟಿಕೆಗಳು ಸೋಂಕುಗಳ ಹೆಚ್ಚಳಕ್ಕೆ ಕಾರಣವಾಗುವುದರಿಂದ ನೀತಿ ಆಯೋಗ್ ಸದಸ್ಯ ವಿ.ಕೆ.ಪಾಲ್ ಇತ್ತೀಚೆಗೆ ದೆಹಲಿ ಸರ್ಕಾರವನ್ನು ಎಚ್ಚರಿಸಿದ್ದಾರೆ.
ಅನ್ಲಾಕ್ ಚಟುವಟಿಕೆಯು ಪ್ರಕರಣಗಳ ಹೆಚ್ಚಳಕ್ಕೆ ಕಾರಣವಾಗಬಹುದು, ಆದರೆ ಪ್ರಸ್ತುತ ಪ್ರಕರಣಗಳ ಸಕಾರಾತ್ಮಕ ಪ್ರಮಾಣವು ಅತ್ಯಂತ ಕಡಿಮೆ ಹಂತದಲ್ಲಿದೆ ಎಂದು ದೆಹಲಿ ವಿಪತ್ತು ನಿರ್ವಹಣಾ ಪ್ರಾಧಿಕಾರದ (ಡಿಡಿಎಂಎ) ಸಭೆಯಲ್ಲಿ ವಿಕೆ ಪಾಲ್ ಹೇಳಿದ್ದಾರೆ.
ಸ್ಯಾಂಡಲ್‌ವುಡ್‌ನಲ್ಲಿಯೂ ಕಿಚ್ಚ ಸುದೀಪ್, ದುನಿಯಾ ವಿಜಯ್ ಸೇರಿದಂತೆ ಸ್ಟಾರ್ ನಟರ ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿದ್ದು, ಥಿಯೇಟರ್ ಓಪನಿಂಗ್‌ಗಾಗಿ ಕಾಯುತ್ತಿವೆ. ಚಿತ್ರಮಂದಿರಗಳು ಓಪನ್ ಆದರೆ ಸ್ಯಾಂಡಲ್‌ವುಡ್ ಸಿನಿ ಪ್ರಿಯರು ಬಿಗ್ ಬಜೆಟ್ ಸಿನಿಮಾಗಳನ್ನು ಸಾಲು ಸಾಲಾಗಿ ಎಂಜಾಯ್ ಮಾಡಲಿದ್ದಾರೆ.