ಸಾಹಸಮಯ ದೃಶ್ಯಗಳನ್ನು ಮಾಡುವಾಗ ತಮ್ಮ ಬದಲು ಬೇರೊಬ್ಬರನ್ನು ಬಳಸಿಕೊಳ್ಳುವುದು ಮಾಮೂಲು. ಆದರೆ ಕೆಲವೊಂದು ನಟಿಯರು ಸಾಹಸಮಯ ದೃಶ್ಯ ಮಾಡುವಲ್ಲಿ ಎತ್ತಿದ ಕೈ. ಆ ನಟಿಯರು ಯಾರು?
ಸಿನಿಮಾಗಳು ಮಹಿಳಾ ಪ್ರಧಾನ ಆಗಿರುವುದಿಲ್ಲ ಎಂಬ ಕೂಗು ಇಂದು ನಿನ್ನೆಯದ್ದಲ್ಲ. ಬಹಳ ವರ್ಷಗಳಿಂದಲೂ ಇದು ನಡೆದೇ ಬಂದಿದೆ. ಇದಕ್ಕಾಗಿ ಹಲವು ನಟಿಯರು ಬಹಿರಂಗವಾಗಿ ಅಸಮಾಧಾನವನ್ನೂ ಹೊರಹಾಕುತ್ತಿದ್ದಾರೆ.ಅಲ್ಲೊಂದು, ಇಲ್ಲೊಂದು ಚಿತ್ರಗಳಲ್ಲಿ ನಟಿಯರು ಪ್ರಧಾನವಾಗಿ ಕಾಣಿಸಿಕೊಳ್ಳುವುದು ಇದೆ ಬಿಟ್ಟರೆ ಬಹುತೇಕ ಚಿತ್ರಗಳು ಪುರುಷ ಪ್ರಧಾನವೇ ಆಗಿರುತ್ತದೆ. ಇದು ಎಷ್ಟರಮಟ್ಟಿಗೆ ಎಂದರೆ ಕೆಲವೊಂದು ಚಿತ್ರಗಳಲ್ಲಿ ನಟಿಯರನ್ನು ಐಟಂ ಸಾಂಗ್ಗಳಿಗಷ್ಟೇ (Item songs) ಬಳಸಿಕೊಳ್ಳುವುದೂ ಇದೆ. ಇದರ ಹೊರತಾಗಿಯೂ ಕೆಲವು ಚಿತ್ರಗಳಲ್ಲಿ ಸಾಹಸಮಯ ಚಿತ್ರಗಳಲ್ಲಿ ನಟಿಯರು ಕಾಣಿಸಿಕೊಳ್ಳುವುದು ಇದೆ. ಐತಿಹಾಸಿಕ ಪಾತ್ರಗಳನ್ನು ಮಾಡುವುದರಿಂದ ಹಿಡಿದು ಯಾವುದೇ ಪಾತ್ರಗಳಲ್ಲಿಯೂ ಅವರು ಸಾಹಸಮಯ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳಬೇಕಿದೆ. ದೀಪಿಕಾ ಪಡುಕೋಣೆ ಅಭಿನಯದ ಪಠಾಣ್ (Pathaan) ಚಿತ್ರದಲ್ಲಿ ಅವರ ಸಾಹಸಮಯ ದೃಶ್ಯದ ಬಳಿಕ ಇದು ಮತ್ತಷ್ಟು ಮುನ್ನೆಲೆಗೆ ಬಂದಿದೆ.
ಯಾವ ನಟಿಯರು ತಮ್ಮ ಸ್ಟಂಟ್ಗಳನ್ನು ತಾವೇ ಮಾಡುತ್ತಾರೆ ಅಥವಾ ಯಾವ ಚಿತ್ರದಲ್ಲಿ ಅವರು ಸ್ಟಂಟ್ (Stunt) ಮಾಡಿ ಸೈ ಎನಿಸಿಕೊಂಡಿದ್ದಾರೆ ಎನ್ನುವುದು ನಿಮಗೆ ಗೊತ್ತೆ? ಸಾಮಾನ್ಯವಾಗಿ ನಟನೇ ಇರಲಿ, ನಟಿಯೇ ಇರಲಿ ಸ್ಟಂಟ್ ದೃಶ್ಯಗಳನ್ನು ಡೂಪ್ಲಿಕೇಟ್ಗಳು ಮಾಡುತ್ತಾರೆ. ಅನೇಕ ಬಾಲಿವುಡ್ ನಟಿಯರು ಸಮರ ಕಲೆಗಳಲ್ಲಿ ತರಬೇತಿ ಪಡೆದಿಲ್ಲ ಅಥವಾ ಬಹುಮಹಡಿ ಕಟ್ಟಡದಿಂದ ಜಿಗಿಯುವಷ್ಟು ತರಬೇತಿ ಪಡೆದಿರುವುದಿಲ್ಲ. ಆದ್ದರಿಂದ ಅವರ ಪರವಾಗಿ ಡೂಪ್ಲಿಕೇಟ್ಗಳು ಸ್ಟಂಟ್ ಅಥವಾ ಸ್ಟಂಟ್ ಡಬಲ್ ಬಳಸುತ್ತಾರೆ. ಇದರ ಹೊರತಾಗಿಯೂ ತಮ್ಮ ಸಾಹಸ ದೃಶ್ಯವನ್ನು ತಾವೇ ಮಾಡಲು ಸಮರ ಕಲೆಗಳು ಮತ್ತು ಹೋರಾಟದ ಅಭ್ಯಾಸಗಳಲ್ಲಿ ತರಬೇತಿ ಪಡೆದ ಬಾಲಿವುಡ್ ನಟಿಯರೂ ಇದ್ದಾರೆ.
Anikha Surendran: 'ಬ್ರಾ' ಬಗ್ಗೆ ಪಾಠ ಮಾಡಿದ್ದ ನಟಿಯಿಂದ ಈಗ ಲಿಪ್ಲಾಕ್ ಅನುಭವ
ಅನುಷ್ಕಾ ಶರ್ಮಾ (Anushka Sharma), ಕಂಗನಾ ರಣಾವತ್
ನೀವು ಸುಲ್ತಾನ್ ಚಿತ್ರ ವೀಕ್ಷಿಸಿದ್ದೀರಾ? ಈ ಚಿತ್ರಕ್ಕಾಗಿ ಅನುಷ್ಕಾ ಶರ್ಮಾ ಅವರು ಕುಸ್ತಿ ಮತ್ತು ಹೋರಾಟದಲ್ಲಿ ತರಬೇತಿ ಪಡೆದಿದ್ದರು. ಆದ್ದರಿಂದ ಅವರು ಸಾಹಸ ದೃಶ್ಯಗಳನ್ನು ಸ್ಟಂಟ್ ಡಬಲ್ ಸಹಾಯವಿಲ್ಲದೆ ನಿರ್ವಹಿಸಬಹುದು. ಇವರು ಒಬ್ಬ ವ್ಯಕ್ತಿಯನ್ನು ತಮ್ಮ ಕಾಲಿನಿಂದ ಎತ್ತಿಕೊಂಡು ಮರಳಿನ ಮೇಲೆ ಬೀಳಿಸಿದ ದೃಶ್ಯವಿದ್ದು, ಅದನ್ನೂ ಇವರೇ ಮಾಡಿದ್ದಾರೆ. ಸುಲ್ತಾನ್ ಮಾತ್ರವಲ್ಲದೆ, ಅನುಷ್ಕಾ ಶರ್ಮಾ ಅನೇಕ ಚಿತ್ರಗಳಲ್ಲಿ ಸಾಹಸ ದೃಶ್ಯಗಳನ್ನು ಪ್ರದರ್ಶಿಸಿದ್ದಾರೆ. ಅವರ ಚೊಚ್ಚಲ ನಿರ್ಮಾಣ ಸಾಹಸ NH10 ನಲ್ಲಿ, ಅವರು ಸಾಹಸ ದೃಶ್ಯಗಳನ್ನು ಸ್ಟಂಟ್ ಡಬಲ್ ಸಹಾಯವಿಲ್ಲದೆ ಪ್ರದರ್ಶಿಸಿದರು. ಇನ್ನು, ಕಂಗನಾ ರಣಾವತ್ (Kangana Ranaut) ತಮ್ಮ ನಟನಾ ಕೌಶಲ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ. ಅವರು ಈ ಹಿಂದೆ ಅನೇಕ ಶಕ್ತಿಶಾಲಿ ಪ್ರದರ್ಶನಗಳನ್ನು ನೀಡಿದ್ದಾರೆ. ಆದಾಗ್ಯೂ, ಅವರು 'ಮಣಿಕರ್ಣಿಕಾ: ದಿ ಕ್ವೀನ್ ಆಫ್ ಝಾನ್ಸಿ' ಗಾಗಿ ಸಾಹಸಗಳನ್ನು ಪ್ರದರ್ಶಿಸಿದ್ದಾರೆ. ಅವರು ರಿವಾಲ್ವರ್ ರಾಣಿ ಮತ್ತು ಕ್ರಿಶ್ 3 ನಲ್ಲಿ ಅನೇಕ ಆಕ್ಷನ್ ಸೀಕ್ವೆನ್ಸ್‌ಗಳನ್ನು ಪೂರ್ಣಗೊಳಿಸಿದ್ದಾರೆ.
ಐಶ್ವರ್ಯಾ ರೈ ಬಚ್ಚನ್ (Aishwarya Rai), ಪ್ರಿಯಾಂಕಾ ಚೋಪ್ರಾ
ಜೋಧಾ ಅಕ್ಬರ್ ಚಿತ್ರದಲ್ಲಿ ನಟಿ ಐಶ್ವರ್ಯಾ ರೈ ಬಚ್ಚನ್ ಅದ್ಭುತ ಪ್ರದರ್ಶನ ನೀಡಿದರು. ಆದರೆ, ಕತ್ತಿವರಸೆಯ ದೃಶ್ಯವನ್ನು ಆಕೆಯೇ ನಿರ್ವಹಿಸಿದ್ದು ಕೆಲವರಿಗೆ ಮಾತ್ರ ಗೊತ್ತು. ಅದರಂತೆಯೇ ಇವರು ರಾವಣ ಮತ್ತು ಜಜ್ಬಾ ಚಿತ್ರಗಳಲ್ಲಿಯೂ ಸ್ಟಂಟ್ ಡಬಲ್ ಬಳಸಲಿಲ್ಲ. ಧೂಮ್ 2 ನಲ್ಲಿ ಅನೇಕ ಸಾಹಸ ದೃಶ್ಯಗಳನ್ನು ಇವರೇ ಪ್ರದರ್ಶಿಸಿದ್ದಾರೆ. ಪ್ರಿಯಾಂಕಾ ಚೋಪ್ರಾ (Priyanka Chopra) ಬಹುಮುಖ ನಟಿ. ಇವರು ಕೂಡ ಸ್ಟಂಟ್‌ಗಳು ಮತ್ತು ಆಕ್ಷನ್ ದೃಶ್ಯಗಳಿಗೆ ಬಂದಾಗ ಖುದ್ದು ಅದನ್ನು ಪ್ರದರ್ಶಿಸುತ್ತಾರೆ. ಮೇರಿ ಕೋಮ್ ಚಲನಚಿತ್ರಕ್ಕಾಗಿ, ನಟಿ ತಮ್ಮ ದೇಹವನ್ನು ಸಂಪೂರ್ಣವಾಗಿ ಮಾರ್ಪಡಿಸಿಕೊಂಡರು ಮತ್ತು ಭಾರತೀಯ ಹವ್ಯಾಸಿ ಬಾಕ್ಸರ್ ಪಾತ್ರವನ್ನು ನಿರ್ವಹಿಸಿದರು. ಮೇರಿ ಕೋಮ್‌ಗಾಗಿ, ನಟಿ ಸ್ಟಂಟ್ ಡಬಲ್‌ನ ಸಹಾಯವಿಲ್ಲದೆ ಅನೇಕ ದೃಶ್ಯಗಳನ್ನು ಪ್ರದರ್ಶಿಸಿದರು.
Kantara ಸಿಂಗಾರ ಸಿರಿಯೇ ಹಾಡಿನಲ್ಲಿರುವ 'ಕೊಂಗಾಟ' ಪದಕ್ಕೇನರ್ಥ? ಪ್ರಮೋದ್ ಹೇಳ್ತಾರೆ ಕೇಳಿ..
ಜಾಕ್ವೆಲಿನ್ ಫರ್ನಾಂಡಿಸ್ (Jaqualine Fernadies), ದೀಪಿಕಾ ಪಡುಕೋಣೆ
ರೇಸ್ 2 ನಲ್ಲಿ ಸೈಫ್ ಅಲಿ ಖಾನ್ ಮತ್ತು ಜಾಕ್ವೆಲಿನ್ ಫರ್ನಾಂಡೀಸ್ ನಡುವಿನ ಫೆನ್ಸಿಂಗ್ ಫೈಟ್ ದೃಶ್ಯ ನಿಮಗೆ ನೆನಪಿದೆಯೇ? ಯಾವುದೇ ಸ್ಟಂಟ್ ಡಬಲ್ ಇಲ್ಲದೆ ನಟಿ ಅದನ್ನು ಪ್ರದರ್ಶಿಸಿದರು. ತಮ್ಮ ಅಂತರಾಷ್ಟ್ರೀಯ ಪ್ರಾಜೆಕ್ಟ್, 'ಡೆಫಿನಿಷನ್ ಆಫ್ ಫಿಯರ್' ನಲ್ಲಿ, ಸ್ಟಂಟ್ ಡಬಲ್ ಅನ್ನು ಬಳಸಲು ಅವರು ಹಿಂಜರಿದರು. ಖುದ್ದು ಆ ದೃಶ್ಯಗಳನ್ನು ಮಾಡಿದರು. ಇನ್ನು ದೀಪಿಕಾ ಪಡುಕೋಣೆ (Deepika Padukone) ಆಲ್‌ರೌಂಡರ್ ನಟಿ, ಅದನ್ನು ಮತ್ತೆ ಮತ್ತೆ ಸಾಬೀತುಪಡಿಸಿದ್ದಾರೆ. ಬಾಜಿರಾವ್ ಮಸ್ತಾನಿ ಚಿತ್ರದಲ್ಲಿ, ಸಾಹಸ ದೃಶ್ಯವನ್ನು ಚಿತ್ರೀಕರಿಸಲು ಅವರು ಸುಮಾರು 20 ಕೆಜಿ ತೂಕದ ರಕ್ಷಾಕವಚವನ್ನು ಧರಿಸಿದ್ದರು. ದಿವಾ 'xXx: ರಿಟರ್ನ್ ಆಫ್ ಕ್ಸಾಂಡರ್ ಕೇಜ್' ಮತ್ತು 'ಚಾಂದಿನಿ ಚೌಕ್ ಟು ಚೈನಾ' ನಲ್ಲಿ ಅನೇಕ ಆಕ್ಷನ್ ಸೀಕ್ವೆನ್ಸ್‌ಗಳನ್ನು ಸಹ ಪ್ರದರ್ಶಿಸಿದ್ದಾರೆ. ಇನ್ನು ಪಠಾಣ್ ಕುರಿತು ಹೇಳಲೇಬೇಕಾಗಿಲ್ಲ.
ಸೋನಾಕ್ಷಿ ಸಿನ್ಹಾ (Sonakshi Sinha), ಕತ್ರಿನಾ ಕೈಫ್
ಸೋನಾಕ್ಷಿ ಸಿನ್ಹಾ ತಮ್ಮ ಸಾಹಸ ದೃಶ್ಯಗಳನ್ನು ನಿರ್ವಹಿಸಲು ಸ್ಟಂಟ್ ಡಬಲ್ ಸಹಾಯವನ್ನು ಬಳಸಲು ನಿರಾಕರಿಸಿದ ಮತ್ತೊಬ್ಬ ನಟಿ. 'ಫೋರ್ಸ್ 2' ಮತ್ತು ಅಕಿರಾಗಾಗಿ, ಅವರು ಸ್ಟಂಟ್ ದೃಶ್ಯ ಪ್ರದರ್ಶಿಸಿದಿರು.ಇವರು ಮಿಶ್ರ ಸಮರ ಕಲೆಗಳಲ್ಲಿ ತರಬೇತಿ ಪಡೆದಿದ್ದಾರೆ. ನಟಿ ಕತ್ರಿನಾ ಕೈಫ್ (Katrina Kaif) ಕೂಡ ಫಿಟ್ನೆಸ್ ಗುರಿಗಳನ್ನು ನೀಡುವ ಕೆಲವೇ ಕೆಲವು ಬಾಲಿವುಡ್ ನಟಿಯರಲ್ಲಿ ಒಬ್ಬರು. ಬ್ಯಾಂಗ್ ಬ್ಯಾಂಗ್, ಫ್ಯಾಂಟಮ್, ಧೂಮ್ 3, ಟೈಗರ್ ಜಿಂದಾ ಹೈ ಮತ್ತು ಏಕ್ ಥಾ ಟೈಗರ್ ಮುಂತಾದ ಚಲನಚಿತ್ರಗಳಲ್ಲಿ ಸಾಹಸ ಪ್ರದರ್ಶನಕ್ಕಾಗಿ ಅವರು ಪ್ರಸಿದ್ಧರಾಗಿದ್ದಾರೆ.
Disha Irani: ಉರ್ಫಿಗೇ ಕಾಂಪಿಟೀಷನ್ನಾ? ಪ್ಯಾಂಟ್ ಬಟನ್ ಬಿಚ್ಚಿ ಒಳ ಉಡುಪು ತೋರಿದ ನಟಿ