’ಮಾಯಾವತಿ’ ಆಗ್ತಾರಾ ಬಾಲಿವುಡ್ ಈ ನಟಿ?

ತೆರೆಮೇಲೆ ಜೋರಾಗಿದೆ ಬಯೋಪಿಕ್‌ಗಳ ಅಬ್ಬರ | ಬರಲಿದೆ ಮಾಯಾವತಿ ಬಯೋಪಿಕ್ | ಮಾಯಾವತಿಯಾಗಿ ವಿದ್ಯಾಬಾಲನ್ ಅಭಿನಯಿಸ್ತಾರಾ? 

ಬೆಂಗಳೂರು (ಮಾ. 29): ಬಾಲಿವುಡ್ ನಲ್ಲಿ ಬಯೋಪಿಕ್ ಗಳ ಅಬ್ಬರ ಜೋರಾಗುತ್ತಿದೆ. ಮೋದಿ, ಜಯಲಲಿತಾ, ಮನಮೋಹನ್ ಸಿಂಗ್ ಆಯ್ತು ಇದೀಗ ಬಿಎಸ್ಪಿ ಮುಖ್ಯಸ್ಥೆ ಮಾಯಾವತಿ ಬಯೋಪಿಕ್ ಕೂಡಾ ತೆರೆ ಮೇಲೆ ಬರುತ್ತದೆ ಎನ್ನಲಾಗಿದೆ. 

ಉತ್ತರ ಪ್ರದೇಶ ಮಾಜಿ ಮುಖ್ಯಮಂತ್ರಿ, ಬಿಎಸ್ಪಿ ಮುಖ್ಯಸ್ಥೆ ಮಾಯಾವತಿ ಬಯೋಪಿಕ್ ಮಾಡಲಾಗುತ್ತದೆ ಎನ್ನಲಾಗುತ್ತಿದ್ದು ಸದ್ಯದಲ್ಲೇ ತೆರೆ ಮೇಲೆ ಬರಲಿದ್ದಾರೆ. ಖ್ಯಾತ ನಿರ್ದೇಶಕ ಸುಭಾಷ್ ಕಪೂರ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಮಾಯಾವತಿ ಪಾತ್ರದಲ್ಲಿ ವಿದ್ಯಾಬಾಲನ್ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾತು ಬಾಲಿವುಡ್ ಅಂಗಳದಲ್ಲಿ ಓಡಾಡುತ್ತಿದೆ.  ಆದರೆ ಈ ಬಗ್ಗೆ ವಿದ್ಯಾ ಬಾಲನ್ ಆಗಲಿ ಅಥವಾ ನಿರ್ದೇಶಕರಾಗಲಿ ಖಚಿತಪಡಿಸಿಲ್ಲ. 

ವಿದ್ಯಾಬಾಲನ್ ಈಗಾಗಲೇ ಎನ್ ಟಿಆರ್ ಬಯೋಪಿಕ್ ನಲ್ಲಿ ಅವರ ಹೆಂಡತಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದೇ ರೀತಿ ಇಂದಿರಾ ಗಾಂಧಿ ಜೀವನಾಧಾರಿತ ವೆಬ್- ಸೀರೀಸ್ ನಲ್ಲೂ ಕಾಣಿಸಿಕೊಂಡಿದ್ದಾರೆ.