ಬಾಲಿವುಡ್‌ನಲ್ಲಿ ಸೇನೆಯದ್ದೇ ಹವಾ; ಬರಲಿದೆ ಇನ್ನಷ್ಟು ಸಿನಿಮಾ

ಉರಿ, ಕೇಸರಿ ಯಶಸ್ಸಿನ ನಂತರ ಬಾಲಿವುಡ್‌ನಲ್ಲಿ ಸೇನಾಧಾರಿತ ಸಿನಿಮಾಗಳದ್ದೇ ಹವಾ! | ಬರಲಿದೆ ಇನ್ನೂ ಹತ್ತು ಸಿನಿಮಾಗಳು | 

ಬೆಂಗಳೂರು (ಏ. 08): ಬಾಲಿವುಡ್ ನಲ್ಲಿ ಸೇನೆಗೆ ಸಂಬಂಧಿಸಿದ ಚಿತ್ರಗಳ ಕಾರುಬಾರು ಜೋರಾಗಿದೆ. ಉರಿ, ಕೇಸರಿ ಸಿನಿಮಾ ಸಕ್ಸಸ್ ನಂತರ ಆರ್ಮಿಗೆ ಸಂಬಂಧಿಸಿದ ಇನ್ನೂ 10 ಸಿನಿಮಾಗಳು ತೆರೆಗೆ ಬರಲು ಸಿದ್ಧವಾಗಿವೆ. 

ಖ್ಯಾತ ನಿರ್ದೇಶಕರಾದ ಸಂಜಯ್ ಲೀಲಾ ಬನ್ಸಾಲಿ, ಭೂಷಣ್ ಕುಮಾರ್, ಅಭಿಷೇಕ್ ಕಪೂರ್ ಈ ಸಿನಿಮಾಗಳನ್ನು ಮಾಡಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ. 

ಅಜಯ್ ದೇವಗನ್ ಭೂಜ್ 

ಅಜಯ್ ದೇವಗನ್ ಭೂಜ್ ಎನ್ನುವ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. 1971 ರಲ್ಲಿ ನಡೆದ ಇಂಡೋ-ಪಾಕ್ ಯುದ್ಧದಲ್ಲಿ ವಿಂಗ್ ಕಮಾಂಡರ್ ವಿಜಯ್ ಕಾರ್ಣಿಕ್ ಅವರ ಶೌರ್ಯ, ಸಾಹಸಾಧಾರಿತ ಸಿನಿಮಾ ಇದಾಗಿದೆ. 

ಕಾರ್ಗಿಲ್ ಗರ್ಲ್ ಆದ ಜಾನ್ಹವಿ ಕಪೂರ್ 

ಶ್ರೀದೇವಿ ಪುತ್ರಿ ಜಾನ್ಹವಿ ಕಪೂರ್ ಕಾರ್ಗಿಲ್ ಹುಡುಗಿಯಾಗಿದ್ದಾರೆ. ಮೊದಲ ಮಹಿಳಾ ಪೈಲಟ್ ಗುಂಜನ್ ಸಕ್ಸೇನಾ ಜೀವನಾಧಾರಿತ ಚಿತ್ರ ಇದಾಗಿದ್ದು ಈ ಚಿತ್ರದಲ್ಲಿ ಜಾನ್ಹವಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ.  ಅದೇ ರೀತಿ ಮೇಘನಾ ಗುಲ್ಜಾರ್ ಫೀಲ್ಡ್ ಮಾರ್ಷಲ್ ಸ್ಯಾಮ್ ಮಾಣಿಕ್ ಶಾ ಬಯೋಪಿಕ್ ನಲ್ಲಿ ನಟಿಸುತ್ತಿದ್ದಾರೆ. 

ಇನ್ನೂ ಬರಬಹುದಾದ ಸಿನಿಮಾಗಳು 

ದಿ. ವಿಕ್ರಂ ಬಾತ್ರಾ: ಸಿದ್ಧಾರ್ಥ್ ಮಲೋತ್ರಾ ಮಾಡುತ್ತಿದ್ದಾರೆ. 

ಅರುಣ್ ಕೇತರ್ ಪಾಲ್: ನಿರ್ಮಾಪಕ ದಿನೇಶ್ ವಿಜನ್ ತಂಡ ತಯಾರಿ ನಡೆಸುತ್ತಿದೆ. 

ಬಿಷ್ಣು ಶ್ರೇಷ್ಠ: ಇವರ ಬಯೋಪಿಕ್ ಮಾಡಲು ಹಿಮೇಶ್ ರೇಶಮಿಯಾ ರೈಟ್ಸ್ ತೆಗೆದುಕೊಂಡಿದ್ದಾರೆ. 

ಜಸ್ವಂತ್ ಸಿಂಗ್ ರಾವತ್: ಸುಶಾಂತ್ ಸಿಂಗ್ ರಜಪೂತ್ ಈ ಸಿನಿಮಾ ಮಾಡುತ್ತಿದ್ದಾರೆ.