ಈ ನಟಿಯನ್ನು ಮದುವೆಯಾಗ್ಬೇಕು ಅಂದ್ರೆ ಹುಡುಗನಿಗೆ ಈ ಕ್ವಾಲಿಟಿಗಳಿರಬೇಕಂತೆ!

ಬಹುಭಾಷಾ ನಟಿ ಅದಾ ಶರ್ಮಾ ಹುಡುಗನನ್ನು ಹುಡುಕುತ್ತಿದ್ದಾರಂತೆ! ತಾನು ಮದುವೆಯಾಗುವ ಹುಡುಗನಲ್ಲಿ ಈ ಎಲ್ಲಾ ಕ್ವಾಲಿಟಿಗಳಿರಬೇಕು ಎಂದು ಒಂದಷ್ಟು ಪಟ್ಟಿ ಮಾಡಿದ್ದಾರೆ. ಈ ಕ್ವಾಲಿಟಿಗಳು ನಿಮ್ಮಲ್ಲಿದ್ದರೆ ನೀವೂ ಅಪ್ಲೈ ಮಾಡಬಹುದು. 

ಬಾಲಿವುಡ್ ಸೇರಿದಂತೆ ಸೌತ್ ಇಂಡಿಯನ್ ಇಂಡಸ್ಟ್ರಿಯಲ್ಲಿ ಅದಾ ಶರ್ಮಾ ಹೆಸರು ಚಿರಪರಿಚಿತ. ಬಹುಬೇಡಿಕೆ ನಟಿಯೂ ಹೌದು.  ಸದ್ಯ ಅದಾ ಶರ್ಮಾ 'ಕಮಾಂಡೋ-3', ಬೈಪಾಸ್ ರೋಡ್, 'ಮನ್ ಟು ಮನ್' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. 

ಈ ನಡುವೆ ಅದಾ ಶರ್ಮಾ ಉದ್ಯಮಿಯೊಬ್ಬರ ಜೊತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಮಾತು ಕೇಳಿ ಬಂದಿತ್ತು. ಇದೆಲ್ಲಾ  ಸುಳ್ಳು ಎಂದು ಅದಾ ಶರ್ಮಾ ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. 

ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ, ಮದುವೆಯಾಗಬೇಕೆಂದಿರುವ ಹುಡುಗ ಹೇಗಿರಬೇಕು ಎಂದು ಹೇಳಿದ್ದಾರೆ.  ಹುಡುಗನ ಜಾತಿ, ಧರ್ಮ, ಬಣ್ಣ, ಶೂ ಸೈಜ್, ವೀಸಾ, ಇನ್ಸ್ಟಾಗ್ರಾಮ್ ಫಾಲೋವರ್ಸ್, ಜಾತಕ ಇದ್ಯಾವುದನ್ನೂ ನೋಡುವುದಿಲ್ಲ. ಅವೆಲ್ಲಾ ಬೇಕಾಗಿಯೂ ಇಲ್ಲ. ನಗುನಗುತ್ತಾ 3 ಹೊತ್ತು ಅಡುಗೆ ಮಾಡಿ ಹಾಕಬೇಕು. ಜೊತೆಗೆ ರೆಗ್ಯುಲರ್ ಆಗಿ ಶೇವ್ ಮಾಡಬೇಕು' ಎಂದಿದ್ದಾರೆ. 

ಇಷ್ಟಕ್ಕೆ ಸುಮ್ಮನಾಗಿಲ್ಲ. ಪಟ್ಟಿ ಇನ್ನೂ ಉದ್ದದ್ದಿದೆ. ಅವನು ಭಾರತೀಯ ಶೈಲಿಯ ಉಡುಗೆಗಳನ್ನೇ ತೊಡಬೇಕು. ಮನೆಯ ಆವರಣದಲ್ಲಿ ಆಲ್ಕೋಹಾಲ್ ಹಾಗೂ ಮಾಂಸವನ್ನು ನಿಷೇಧಿಸಲಾಗಿದೆ. ಭಾರತೀಯ ಎಲ್ಲಾ ಭಾಷೆಯ ಚಿತ್ರಗಳನ್ನು ಆತ ಗೌರವಿಸಬೇಕು. ಚಿತ್ರವನ್ನು ನೋಡಿ ಎಂಜಾಯ್ ಮಾಡಬೇಕು' ಎಂದು ಹೇಳಿದ್ದಾರೆ. ಈ ಎಲ್ಲಾ ಕ್ವಾಲಿಟಿಗಳು ನಿಮ್ಮಲ್ಲಿದ್ದರೆ ನೀವೂ ಅಪ್ಲಿಕೇಶನ್ ಹಾಕಬಹುದು! 

ಅದಾ ಶರ್ಮಾ ಮಾರ್ಷಲ್ ಆರ್ಟ್ಸ್, ಜಿಮ್ನಾಸ್ಟಿಕ್ಸ್, ಕಥಕ್, ಸಾಲ್ಸಾ, ಜ್ಯಾಸ್, ಬ್ಯಾಲೆ ಹಾಗೂ ಬೆಲ್ಲಿ ಡ್ಯಾನ್ಸಲ್ಲಿ ನಿಪುಣೆಯಂತೆ.