ಅತಿ ಹೆಚ್ಚು ಲಾಭ ಗಳಿಸಿದ ಭಾರತದ ಸಿನಿಮಾ; 15 ಕೋಟಿಗೆ ಸಿಕ್ಕಿದ್ದು 858 ಕೋಟಿ, ಇದು ಮುಸ್ಲಿಂ ಬಾಲೆಯ ಕಥೆ

ಕೇವಲ 15 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾದ ಸಿನಿಮಾ ಬರೋಬ್ಬರಿ 858 ಕೋಟಿ ರೂ. ಗಳಿಕೆ ಮಾಡಿ, ಅತ್ಯಧಿಕ ಲಾಭ ಗಳಿಸಿದ ಚಿತ್ರ ಎನಿಸಿಕೊಂಡಿದೆ. 19 ವರ್ಷದ ನಟಿ ನಟನೆಯ ಈ ಚಿತ್ರ ಚೀನಾದಲ್ಲಿ ಭಾರತಕ್ಕಿಂತ 14 ಪಟ್ಟು ಹೆಚ್ಚು ಗಳಿಕೆ ಕಂಡಿತು.

ಮುಂಬೈ: ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್‌ನಲ್ಲಿ ನೈಜ ಘಟನೆಗಳಾಧರಿತ ಸಿನಿಮಾಗಳು ಬರುತ್ತಿವೆ. ಕೆಲವು ಸಿನಿಮಾಗಳು ಬಾಕ್ಸ್ ಆಫಿಸ್‌ನಲ್ಲಿ ದಾಖಲೆ ಬರೆದ್ರೆ, ಒಂದಿಷ್ಟು ಚಿತ್ರಗಳು ಮೊದಲೇ ದಿನವೇ ನೀರಸ ಪ್ರತಿಕ್ರಿಯೆ ಪಡೆದುಕೊಂಡು ಚಿತ್ರಮಂದಿರದಿಂದ ಹೊರಗೆ ಬೀಳುತ್ತವೆ. ಹೊಸತನದ ಕಥೆಯುಳ್ಳ ಸಿನಿಮಾಗಳನ್ನು ಪ್ರೇಕ್ಷಕರು ಕೈ ಬಿಡಲ್ಲ ಎಂಬುದಕ್ಕೆ ಈ ಚಿತ್ರವೇ ಸಾಕ್ಷಿಯಾಗಿದೆ. ಕೇವಲ 15 ಕೋಟಿಯಲ್ಲಿ ನಿರ್ಮಾಣವಾದ ಈ ಸಿನಿಮಾ  ಬರೋಬ್ಬರಿ 858 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಈ ಸಿನಿಮಾ ನಿರ್ಮಾಪಕರಿಗೆ 12 ರಿಂದ 14 ಲಾಭವನ್ನು ನೀಡಿದೆ. ಈವರೆಗಿನ ಅತ್ಯಧಿಕ ಲಾಭ ನೀಡಿದ ಸಿನಿಮಾ ಎಂಬ ಹೆಗ್ಗಳಿಗೆ ಈ ಚಿತ್ರ ಪಾತ್ರವಾಗಿದೆ. 

ಈ ಸಿನಿಮಾದಲ್ಲಿ 19 ವರ್ಷದ ನಟಿಯೇ ನಾಯಕಿ ಮತ್ತು ಹೀರೋ. ಯಾವುದೇ ಹೆಚ್ಚು ಪ್ರಚಾರವಿಲ್ಲದೇ ಬಿಡುಗಡೆಯಾದ ಈ ಸಿನಿಮಾ ತನ್ನ ಗಟ್ಟಿಯಾದ ಕತೆಯೊಂದಿಗೆ ಪ್ರೇಕ್ಷಕರನ್ನು ಸೆಳೆದಿತ್ತು. ವಿಶ್ವದಾದ್ಯಂತ 800 ಕೋಟಿಗೂ ಅಧಿಕ ಹಣ ಕಲೆಕ್ಷನ್ ಮಾಡುವ ಮೂಲಕ ಬಾಲಿವುಡ್ ದಿಗ್ಗಜರನ್ನು ಅಚ್ಚರಿಗೊಳಿಸಿತ್ತು. ಯಾವುದು ಈ ಸಿನಿಮಾ ಎಂದು ಕೇಳುತ್ತಿದ್ದೀರಾ? ಆ ಕುರಿತ ಮಾಹಿತಿ ಇಲ್ಲಿದೆ. 

ಯಾವುದು ಈ ಸಿನಿಮಾ?
ಸೀಕ್ರೆಟ್ ಸೂಪರ್‌ ಸ್ಡಾರ್ ಸಿನಿಮಾ 19ನೇ ಅಕ್ಟೋಬರ್ 2017ರಂದು ಬಿಡುಗಡೆಯಾಗಿತ್ತು. ಕಿರಣ್ ರಾವ್ ಮತ್ತು ಆಮಿರ್ ಖಾನ್ ಜಂಟಿಯಾಗಿ 'ಸೀಕ್ರೆಟ್ ಸೂಪರ್‌ಸ್ಟಾರ್' ಸಿನಿಮಾವನ್ನು ನಿರ್ಮಾಣ ಮಾಡಿದ್ದರು. ಈ ಚಿತ್ರದಲ್ಲಿ ಜೈರಾ ವಾಸೀಮ್ ತಮ್ಮ ನಟನೆಯ ಮೂಲಕ ಎಲ್ಲರ ಹೃದಯವನ್ನು ಗೆದ್ದಿದ್ದರು. ಭಾರತದಲ್ಲಿ 'ಸೀಕ್ರೆಟ್ ಸೂಪರ್‌ಸ್ಟಾರ್' ಬಾಕ್ಸ್‌ಆಫಿಸ್‌ನಲ್ಲಿ 62 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಇದಾದ ಬಳಿಕ 19 ಜನವರಿ 2018ರಂದು ಚೀನಾದಲ್ಲಿ 'ಸೀಕ್ರೆಟ್ ಸೂಪರ್‌ಸ್ಟಾರ್' ಬಿಡುಗಡೆಯಾಯ್ತು. ಚೀನಿಯರಿಗೆ ಈ ಸಿನಿಮಾ ಎಷ್ಟು ಇಷ್ಟಪಟ್ಟರು ಅಂದ್ರೆ ಭಾರತದಲ್ಲಿ ಗಳಿಸಿದ ಹಣಕ್ಕಿಂತ 14 ಪಟ್ಟು ನೀಡಿದರು. ಒಟ್ಟು 858 ಕೋಟಿ ರೂಪಾಯಿ ಗಳಿಸವವ ಮೂಲಕ ಸೀಕ್ರೆಟ್ ಸೂಪರ್‌ಸ್ಟಾರ್ ಭಾರತದ ಅತಿ ಹೆಚ್ಚು ಲಾಭ ಗಳಿಸಿದ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. 

ಇದನ್ನೂ ಓದಿ: ಇಳಯರಾಜ ಹಾಗೂ ಯುವನ್ ಟ್ಯೂನ್ ಕಥೆ: ತಂದೆ-ಮಗನ ಸಂಗೀತ ಸಂಬಂಧದ ಅಪರೂಪದ ಘಟನೆ

ಸೀಕ್ರೆಟ್ ಸೂಪರ್‌ಸ್ಟಾರ್ ಕಥೆ ಏನು? 
ಇಂಸಿಯಾ ಮಲೀಕ್ ಎಂಬ ಮುಸ್ಲಿಂ ಬಾಲಕಿ ತನ್ನ ಗುರುತು ಮರೆಮಾಚಿ ಯುಟ್ಯೂಬ್‌ನಲ್ಲಿ ತನ್ನ ಹಾಡುಗಳನ್ನು ಅಪ್ಲೋಡ್ ಮಾಡುತ್ತಿರುತ್ತಾಳೆ. ಬುರ್ಖಾ ಧರಿಸಿರುವ ಕಾರಣ ಯಾರು ಈ ಕಲಾವಿದೆ ಎಂಬ ವಿಷಯ ಯಾರಿಗೂ ಗೊತ್ತಾಗಲ್ಲ. ಈ ವಿಡಿಯೋ ನೋಡಿದ ಖ್ಯಾತ ಸಂಗೀತ ನಿರ್ದೇಶಕ ಶಕ್ತಿ ಕುಮಾರ್ ಎಂಬಾತ ಈಕೆಯನ್ನು ಸಂಪರ್ಕಿಸಿ ಸಿನಿಮಾದಲ್ಲಿ ಹಾಡು ಅವಕಾಶವನ್ನು ನೀಡುತ್ತಾನೆ. ಈ ವಿಷಯವನ್ನು ಬಾಲಕಿ ಮನೆಯಲ್ಲಿ ಯಾರಿಗೂ ತಿಳಿಸಿರಲ್ಲ. ತಂದೆಯ ದೌರ್ಜನ್ಯಕ್ಕೆ ಬಾಲಕಿಯ ಇಡೀ ಕುಟುಂಬ ನಲುಗಿರುತ್ತದೆ. ಮುಂದೆ ಇಡೀ ಕುಟುಂಬ ರಿಯಾದ್‌ಗೆ ಶಿಫ್ಟ್ ಆಗಲು ನಿರ್ಧರಿಸುತ್ತದೆ. ಈ ವೇಳೆ ಬಾಲಕಿ ವಿದೇಶಕ್ಕೆ ತೆರಳದೇ ಮುಂಬೈಗೆ ತೆರಳುತ್ತಾಳೆ.

ಮುಂಬೈನಲ್ಲಿ ನಡೆಯುತ್ತಿರುವ ಪ್ರಶಸ್ತಿ ಸಮಾರಂಭಕ್ಕೆ ತೆರಳುತ್ತಾಳೆ. ಅಲ್ಲಿ ಉತ್ತಮ ಗಾಯಕಿ ಪ್ರಶಸ್ತಿಗೆ ಬಾಲಕಿಯ ಹೆಸರು ನಾಮಿನೇಟ್ ಆಗಿರುತ್ತದೆ. ಆ ಪ್ರಶಸ್ತಿ ಆಯ್ಕೆಗೆ ಸಿಗುತ್ತಾ ಇಲ್ಲ ಅನ್ನೋದು ಚಿತ್ರದ ಸಸ್ಪೆನ್ಸ್. ಈ ಚಿತ್ರಕ್ಕೆ ಬಂಡವಾಳ ಹಾಕಿರುವ ಆಮಿರ್ ಖಾನ್ ಸಿನಿಮಾದಲ್ಲಿ ಶಕ್ತಿ ಕುಮಾರ್ ಆಗಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ನಟಿಸಿದ್ದ ಜೈರಾ ವಾಸಿಂ ಸಿನಿಮಾ ಲೋಕಕ್ಕೆ ಗುಡ್‌ಬೈ ಹೇಳಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ತಮ್ಮೆಲ್ಲಾ ಫೋಟೋಗಳನ್ನು ಡಿಲೀಟ್ ಸಹ ಮಾಡಿದ್ದಾರೆ.

ಇದನ್ನೂ ಓದಿ: ಟೈಟ್ ಸೆಕ್ಯೂರಿಟಿ ನಡುವೆ ಸ್ಟಾರ್ ನಟರ ಸಿನಿಮಾ ಶೂಟಿಂಗ್, ಡೆವಿಲ್, BRB ಸೆಟ್‌ನಲ್ಲಿ ಸೆಕ್ಯೂರಿಟಿ ಕೋಟೆ