ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್‌ನ ನವೀಕರಿಸಿದ ಮಾದರಿಯನ್ನು ಈಗಾಗಲೇ ಭಾರತೀಯ ರಸ್ತೆಗಳಲ್ಲಿ ಪರೀಕ್ಷಿಸಲಾಗಿದೆ ಮತ್ತು 2023 ಆಟೋ ಎಕ್ಸ್ಪೋದಲ್ಲಿ ಇದರ ಅನಾವರಣವನ್ನು ನಿರೀಕ್ಷಿಸಲಾಗುತ್ತಿದೆ.
ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಕಿಯಾ (Kia) ಕಂಪನಿಯ ಸೆಲ್ಟೋಸ್ (Seltos) ಅತ್ಯುತ್ತಮ ಮಾರಾಟ ದಾಖಲಿಸಿದ್ದು, ದೇಶದಲ್ಲಿ ಕಂಪನಿ ನೆಲೆಯೂರಲು ತಳಹದಿ ಹಾಕಿಕೊಟ್ಟಿದೆ. 2019ರಲ್ಲಿ ಭಾರತದಲ್ಲಿ ಮೊದಲ ಕಾರನ್ನು ಬಿಡುಗಡೆಗೊಳಿಸಿದೆ ಕೊರಿಯನ್ ಮೂಲದ ಕಾರು ತಯಾರಕ ಕಂಪನಿಯ ಸೆಲ್ಟೋಸ್ ಇಂದಿಗೂ ಅತ್ಯುತ್ತಮ ಮಾರಾಟ ದಾಖಲೆಯನ್ನು ಹೊಂದಿದೆ. ದಕ್ಷಿಣ ಕೊರಿಯಾದಲ್ಲಿ ಕಿಯಾ, ಸೆಲ್ಟೋಸ್ ಫೇಸ್ಲಿಫ್ಟ್ (Seltos Facelift) ಅನ್ನು ಪರಿಚಯಿಸಿದೆ. ಕಿಯಾ ಈಗ ಉತ್ತರ ಅಮೆರಿಕಾದ ಮಾರುಕಟ್ಟೆಗೆ ಸೆಲ್ಟೋಸ್‌ನ ಫೇಸ್ಲಿಫ್ಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಭಾರತದಲ್ಲಿ ಕೂಡ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಲು ಕಂಪನಿ ಸಿದ್ಧತೆ ನಡೆಸಿದೆ. ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್‌ನ ನವೀಕರಿಸಿದ ಮಾದರಿಯನ್ನು ಈಗಾಗಲೇ ಭಾರತೀಯ ರಸ್ತೆಗಳಲ್ಲಿ ಪರೀಕ್ಷಿಸಲಾಗಿದ್ದು, 2023 ಆಟೋ ಎಕ್ಸ್ಪೋದಲ್ಲಿ ಇದರ ಅನಾವರಣವನ್ನು ನಿರೀಕ್ಷಿಸಲಾಗುತ್ತಿದೆ.
ಕಿಯಾ ಬಿಡುಗಡೆಗೊಳಿಸಿದ ಟೀಸರ್ ಪ್ರಕಾರ, ಕಿಯಾ ಸೆಲ್ಟೋಸ್ ಫೇಸ್ಲಿಫ್ಟ್ ಪರಿಷ್ಕೃತ ಟೈಗರ್ ನೋಸ್ ಗ್ರಿಲ್, ಹೊಸ ವಿನ್ಯಾಸದ LED DLRಗಳು, ಸಿಲ್ವರ್ ಫಾಕ್ಸ್ ಸ್ಕಿಡ್ ಪ್ಲೇಟ್‌ಗಳೊಂದಿಗೆ ಟ್ವೀಕ್ ಮಾಡಿದ ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳು, ಹೊಸ ಎಲ್ಇಡಿ ಟೈಲ್ ಲೈಟ್‌ಗಳು ಮತ್ತು ರಿಫ್ಲೆಕ್ಟರ್‌ಗಳು ಹಾಗೂ ಮರುವಿನ್ಯಾಸಗೊಳಿಸಲಾದ ಟೈಲ್ ಗೇಟ್‌ಗಳನ್ನು ಒಳಗೊಂಡಿದೆ. ದಕ್ಷಿಣ ಕೊರಿಯಾದ ಮಾರುಕಟ್ಟೆಗೆ ಅನಾವರಣಗೊಳಿಸಲಾದ ನವೀಕರಿಸಿದ ಮಾದರಿಯ ಪ್ರಕಾರ, ಸ್ಲೀಕರ್ ಫಾಗ್ ಲೈಟ್ಸ್ ಸೆಟಪ್, ಕಾಂಟ್ರಾಸ್ಟ್ ಬ್ಲ್ಯಾಕ್ ರೂಫ್ ಮತ್ತು ಹೊಸ ಡೈಮಂಡ್ ರೂಪದ ಹೊಸ ವಿನ್ಯಾಸ ಪಡೆಯಲಿದೆ.
ಹೊಸ ಕಿಯಾ ಸೆಲ್ಟೋಸ್‌ನಲ್ಲಿ ದೋಷ: ಬೇಸತ್ತು ವಾಹನಕ್ಕೆ ಬೆಂಕಿ ಇಟ್ಟ ಮಾಲೀಕರು
2023 ಕಿಯಾ ಸೆಲ್ಟೋಸ್ ಇಂಟೀರಿಯರ್‌ನಲ್ಲಿ, ಫೇಸ್ಲಿಫ್ಟ್ ಡ್ಯಾಶ್‌ಬೋರ್ಡ್‌ನಲ್ಲಿ ಸಿಂಗಲ್-ಪೀಸ್ ಯೂನಿಟ್ ಇರಲಿದ್ದು, ಇದರಲ್ಲಿ ಎರಡು 10.25-ಇಂಚಿನ ಸ್ಕ್ರೀನ್‌ಗಳನ್ನು ಸಂಪೂರ್ಣವಾಗಿ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಮತ್ತು ಇನ್ಫೋಟೈನ್ಮೆಂಟ್ ಸಿಸ್ಟಮ್‌ಗಳೊಂದಿಗೆ ಬರಲಿದೆ.
ಮುಂಬರುವ ಕಿಯಾ ಸೆಲ್ಟೋಸ್ ಫೇಸ್ಲಿಫ್ಟ್ ಅನ್ನು 1.5-ಲೀಟರ್ NA ಪೆಟ್ರೋಲ್ ಮೋಟಾರ್, 1.5-ಲೀಟರ್ ಡೀಸೆಲ್ ಮತ್ತು 1.4-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಸೇರಿದಂತೆ ಅದೇ ಪವರ್ಟ್ರೇನ್ ಆಯ್ಕೆಗಳೊಂದಿಗೆ ನೀಡುವ ನಿರೀಕ್ಲೆ ಇದೆ. ಟ್ರಾನ್ಸ್ಮಿಷನ್ ಆಯ್ಕೆಗಳು ಆರು-ಸ್ಪೀಡಿನ ಮ್ಯಾನ್ಯುಯಲ್ ಯುನಿಟ್, ಐಎಂಟಿ (iMT) ಯುನಿಟ್, ಆರು-ಸ್ಪೀಡಿನ ಟಾರ್ಕ್ ಪರಿವರ್ತಕ ಸ್ವಯಂಚಾಲಿತ ಘಟಕ, ಸಿವಿಟಿ (CVT) ಯುನಿಟ್ ಮತ್ತು ಏಳು-ಸ್ಪೀಡ್ ಡಿಸಿಟಿ (DCT) ಯುನಿಟ್‌ಗಳನ್ನು ಒಳಗೊಂಡಿರಬಹುದು.
ಕಿಯಾದ ಕಾಂಪ್ಯಾಕ್ಟ್ SUV ಬೆಲೆ 10.49 ಲಕ್ಷ ರೂ. ಮತ್ತು 18.65 ಲಕ್ಷ ರೂ.ಗಳ ನಡುವೆ ಇದೆ. ಸೆಲ್ಟೋಸ್ ಅನ್ನು ಎರಡು ವಿಶಾಲವಾದ ಟ್ರಿಮ್ಗಳಲ್ಲಿ ನೀಡಲಾಗುತ್ತದೆ: ಟೆಕ್ (HT) ಲೈನ್ ಮತ್ತು GT ಲೈನ್. ಮೊದಲಿನವು ಐದು ವೇರಿಯಂಟ್‌ಗಳನ್ನು ಹೊಂದಿದೆ (HTE, HTK, HTK+, HTX, ಮತ್ತು HTX+), ಆದರೆ ಎರಡನೆಯದು ಕೇವಲ ಎರಡು ವೇರಿಯಂಟ್‌ಗಳನ್ನು ಹೊಂದಿದೆ. GTX(O) ಮತ್ತು GTX+. ಉನ್ನತ-ಶ್ರೇಣಿಯ X ಲೈನ್ ರೂಪಾಂತರವು (GTX ಆಧರಿಸಿ) ಮ್ಯಾಟ್ ದೇಹದ ಬಣ್ಣವನ್ನು ಹೊಂದಿದೆ ಅದು ಹೆಚ್ಚು ಗಟ್ಟಿಮುಟ್ಟಾದ ನೋಟ ನೀಡುತ್ತದೆ. ಸೆಲ್ಟೋಸ್ ಐದು ಆಸನಗಳನ್ನು ಹೊಂದಿದೆ.
ಹೊಸ ದಾಖಲೆ ಬರೆದ ಕಿಯಾ ಸೆಲ್ಟೋಸ್, 3 ವರ್ಷದಲ್ಲಿ 3 ಲಕ್ಷ ಕಾರು ಮಾರಾಟ!
ಸುರಕ್ಷತಾ ವಿಭಾಗದಲ್ಲಿ ಕಿಯಾ ಆರು ಏರ್ಬ್ಯಾಗ್ಗಳು, ಟಿಪಿಎಂಎಸ್ (ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್ಸಿ), ಹಿಲ್ ಅಸಿಸ್ಟ್, ಬ್ರೇಕ್ ಅಸಿಸ್ಟ್ ಮತ್ತು ಇಬಿಡಿಯೊಂದಿಗೆ ಎಬಿಎಸ್ ಪ್ರಮಾಣಿತ ಸುರಕ್ಷತಾ ಸಾಧನಗಳು ಹಾಗೂ ಪ್ಯಾಕೇಜ್ ವಾಹನ ಸ್ಥಿರತೆ ನಿರ್ವಹಣೆ (VSM) ಅನ್ನು ಸಹ ಒಳಗೊಂಡಿದೆ. ಸೆಲ್ಟೋಸ್ ಸ್ಕೋಡಾ ಕುಶಾಕ್ (Skoda Kushaq), ಎಂಜಿ ಆಸ್ಟರ್ (M.G.Astor), ಹ್ಯುಂಡೈ ಕ್ರೆಟಾ (Hyundai Creta), ಟೊಯೊಟಾ ಹೈರ್ಡರ್ (Toyoto hyryder), ಮಾರುತಿ ಗ್ರ್ಯಾಂಡ್ ವಿಟಾರಾ (Maruti Grand Vitara) ಮತ್ತು ಫೋಕ್ಸ್‌ವ್ಯಾಗನ್ ಟೈಗುನ್ (Volkswagen Taigun)ಗಳಿಗೆ ಸ್ಪರ್ಧೆ ನೀಡಲಿದೆ.