Auto Desk: ದಕ್ಷಿಣ ಕೊರಿಯಾದ ಕಾರು ತಯಾರಕ ಹ್ಯುಂಡೈ (Hyundai) ಮತ್ತು ಅದರ ಅಂಗಸಂಸ್ಥೆ ಕಿಯಾ (Kia), ಅಮೆರಿಕದಲ್ಲಿ ಮಾರಾಟ ಮಾಡಿರುವ ಲಕ್ಷಾಂತರ ಕಾರುಗಳಲ್ಲಿ ಬೆಂಕಿ ಅವಘಡದ ಅಪಾಯ ಎದುರಾಗಿದೆ.ಪರಿಣಾಮವಾಗಿ ಕಿಯಾ, ಅಮೆರಿಕದ ಒಟ್ಟು 4,84,000 ವಾಹನಗಳ ಮಾಲೀಕರನ್ನು ತಮ್ಮ ವಾಹನವನ್ನು ಇತರ ವಾಹನಗಳು ಅಥವಾ ಕಟ್ಟಡಗಳಿಂದ ಹೊರಗೆ ಮತ್ತು ದೂರ ನಿಲ್ಲಿಸುವಂತೆ ಸೂಚನೆ ನೀಡಿದೆ.
ಈ ಎಲ್ಲಾ ವಾಹನಗಳನ್ನು ಹಿಂಪಡೆದು ಅದರಲ್ಲಿನ ದೋಷವನ್ನು ಸರಿಪಡಿಸುವವರೆಗೆ ಈ ಕಾರು ಬೆಂಕಿಯ ಅಪಾಯವನ್ನು ನಿರಂತರ ಎದುರಿಸಲಿವೆ. ಇದರಲ್ಲಿ ಅಳವಡಿಕೆಯಾಗಿರುವ ಹೈಡ್ರಾಲಿಕ್ ಎಲೆಕ್ಟ್ರಾನಿಕ್ ಕಂಟ್ರೋಲ್ ಯೂನಿಟ್ (Hydralic Electronic Control Unit-HECU) ಮಾಡ್ಯೂಲ್ ಸಮರ್ಪಕವಾಗಿ ಕಾರ್ಯನಿರ್ವಹಿಸದ ಹಿನ್ನೆಲೆಯಲ್ಲಿ ಹ್ಯುಂಡೈ ಮತ್ತು ಕಿಯಾ ಎರಡೂ ಕಾರು ತಯಾರಕ ಸಂಸ್ಥೆಗಳು ಅಮೆರಿಕದಲ್ಲಿ ಪ್ರತ್ಯೇಕವಾಗಿ ತಮ್ಮ ವಾಹನಗಳಿಗೆ ಹಿಂಪಡೆಯುವುದಾಗಿ ಘೋಷಿಸಿವೆ.
undefined
ಇದನ್ನೂ ಓದಿ: Kashmir Tweet Row: ಪಾಕಿಸ್ತಾನಿ ಡೀಲರ್‌ನ ವಿವಾದಾತ್ಮಕ ಪೋಸ್ಟ್‌ಗೆ ವಿಷಾದ ವ್ಯಕ್ತಪಡಿಸಿದ ಹುಂಡೈ ಇಂಡಿಯಾ!
ಈ ನಿಯಂತ್ರಣ ಘಟಕದ ಅಸಮರ್ಪಕ ಕಾರ್ಯವು ವಿದ್ಯುತ್ ಶಾರ್ಟ್ಗೆ ಕಾರಣವಾಗಬಹುದು. ಇದರ ಪರಿಣಾಮವಾಗಿ ಎಂಜಿನ್ ಕಂಪಾರ್ಟ್ಮೆಂಟ್ ಬೆಂಕಿ ತಗುಲಬಹುದು. ಕಂಪನಿಗಳ ವಿತರಕರು ಹಿಂಪಡೆದ ವಾಹನಗಳಲ್ಲಿ ಬೆಂಕಿಯ ಅಪಾಯವನ್ನು ಪರಿಹರಿಸಲು ಸರ್ಕ್ಯೂಟ್ ಬೋರ್ಡ್ಗೆ ಹೊಸ ಫ್ಯೂಸ್ ಅನ್ನು ಅಳವಡಿಸಲಿದ್ದಾರೆ.
2014-2016ನೇ ಸಾಲಿನಲ್ಲಿದ ಕೆಲವು ಕಿಯಾ ಸ್ಪೋರ್ಟೇಜ್ ( Kia Sportage), 2016-2018ರಲ್ಲಿ ಮಾರಾಟವಾದ ಕಿಯಾ ಕೆ900 (Kia K900) ಮತ್ತು 2016-2018 ನೇ ಸಾಲಿನಲ್ಲಿ ಬಿಡುಗಡೆಯಾದ ಹ್ಯುಂಡೈ ಸಾಂಟಾ ಫೆ (Hyundai Santa fe) ವಾಹನಗಳನ್ನು ಒಳಗೊಂಡಿದೆ. ಇವುಗಳಲ್ಲಿ 126,747 ಕಿಯಾ ವಾಹನಗಳು ಮತ್ತು 357,830 ಹ್ಯುಂಡೈ ವಾಹನಗಳು ಸೇರಿವೆ. ಈ ಕಾರುಗಳಲ್ಲಿನ ದೋಷಗಳಿಂದ ಈಗಾಗಲೇ 11 ಬೆಂಕಿ ಅವಘಢಗಳು ವರದಿಯಾಗಿವೆ. ಆದರೆ, ಯಾವುದೇ ವ್ಯಕ್ತಿಗಳಿ ಗಾಯಗಳಾಗಿರುವ, ಸಾವು ನೋವಿನ ಘಟನೆಗಳು ವರದಿಯಾಗಿಲ್ಲ.
ಇದನ್ನೂ ಓದಿ: Kia Carens launch ಫೆ.15ಕ್ಕೆ ಕಿಯಾ ಕ್ಯಾರೆನ್ಸ್ ಕಾರು ಬಿಡುಗಡೆ, MPV ವಿಭಾಗದಲ್ಲಿ ಹೊಸ ಸಂಚಲನ!
ಅಮೆರಿಕದ ರಸ್ತೆ ಸುರಕ್ಷತಾ ಸಂಸ್ಥೆ – ರಾಷ್ಟ್ರೀಯ ಹೆದ್ದಾರಿ ಸಂಚಾರ ಸುರಕ್ಷತಾ ಆಡಳಿತ (National highway traffic safety administration -NHTSA) ಈ ವಾಹನಗಳ ಮಾಲೀಕರಿಗೆ ಕಂಪನಿ ನೀಡಿರುವ ಮುಂಜಾಗ್ರತಾ ಸಲಹೆಗಳನ್ನು ಪಾಲಿಸುವಂತೆ ಒತ್ತಾಯಿಸಿದೆ. ಕಾರಿನಲ್ಲಿ ಆಂಟಿ-ಲಾಕ್ ಬ್ರೇಕ್ ಸಿಸ್ಟಮ್ನಲ್ಲಿನ ವಿದ್ಯುತ್ ಘಟಕ, ಆಂತರಿಕ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ಎದುರಿಸಬಹುದು ಎಂದು ವಾಹನ ತಯಾರಕರು ಎಚ್ಚರಿಕೆ ನೀಡಿದ್ದಾರೆ. ವಾಹನವನ್ನು ಚಾಲನೆ ಮಾಡುವಾಗ ಅಥವಾ ನಿಲ್ಲಿಸುವಾಗ ಬೆಂಕಿ ತಗುಲುವ ಅಪಾಯವಿದೆ. ಹೀಗಾಗಿ, ವಾಹನ ಆಫ್ ಮಾಡಿದರೂ ಅದನ್ನು ಇತರ ವಾಹನಗಳಿಂದ ದೂರ ನಿಲ್ಲಿಸುವ ಅಗತ್ಯವಿದೆ.
ಕೊರಿಯನ್ ವಾಹನ ತಯಾರಕರು ಬೆಂಕಿಯ ಅಪಾಯಗಳಿಗಾಗಿ ವಾಹನಗಳನ್ನು ಹಿಂಪಡೆಯುವುದಾಗಿ ಘೋಷಿಸಿರುವುದು ಮತ್ತು ವಾಹನಗಳನ್ನು ಹಿಂಪಡೆದು, ಅದನ್ನು ಸರಿಪಡಿಸಿದ್ದು ಇದೇಮೊದಲಲ್ಲ. ಕಳೆದ ನವೆಂಬರ್ನಲ್ಲಿ, ಎನ್ಎಚ್ಟಿಎಸ್ಎ ಕಾರಿನಲ್ಲಿನ ಲೋಪಗಳನ್ನು ಬಹಿರಂಗಪಡಿಸಿದ ಹ್ಯುಂಡೈಣ ಮಾಜಿ ಉದ್ಯೋಗಿಗೆ ಮೊದಲ ಬಾರಿಗೆ ಬಹುಮಾನವನ್ನು ನೀಡಿತ್ತು. 2016 ರಲ್ಲಿ ದೋಷಗಳ ಕುರಿತು ವರದಿ ಮಾಡಿದ್ದಕ್ಕಾಗಿ 24 ಮಿಲಿಯನ್ ಡಾಲರ್ಗಿಂತಲೂ ಹೆಚ್ಚು ಹಣವನ್ನು ನೀಡಲಾಯಿತು. ಹ್ಯುಂಡೈ ತನ್ನ ಥೀಟಾ II (Theta II) ಎಂಜಿನ್ಗಳಿಗೆ ಲಿಂಕ್ ಮಾಡಿದ ವಿನ್ಯಾಸ ದೋಷವನ್ನು ಪರಿಹರಿಸಲು ಈಗಲೂ ವಿಫಲವಾಗಿದೆ. ಈ ಸಮಸ್ಯೆಯು ಎಂಜಿನ್ಗಳನ್ನು ವಶಪಡಿಸಿಕೊಳ್ಳಲು ಮತ್ತು ಬೆಂಕಿ ತಗುಲಲು ಕಾರಣವಾಗಬಹುದು.
2020 ರಲ್ಲಿ, ಹ್ಯುಂಡೈ ಮತ್ತು ಕಿಯಾದ ಅಮೆರಿಕ ಘಟಕಗಳು ದಾಖಲೆಯ 210 ಮಿಲಿಯನ್ ಡಾಲರ್ ದಂಡ ಪಾವತಿಸಿವೆ. ಇದಾದ ನಂತರ ಕೂಡ ಸಮಯಕ್ಕೆ ಸರಿಯಾಗಿ ವಾಹನಗಳನ್ನು ಮರುಪಡೆಯಲು ವಿಫಲರಾಗಿವೆ ಎಂದು ಎನ್ಎಚ್ಟಿಎಸ್ಎ ಆರೋಪಿಸಿದೆ. ಅಮೆರಿಕದಲ್ಲಿ ಇವಿ (Ev) ವಲಯದಲ್ಲಿ ಕ್ರಾಂತಿ ಮೂಡಿಸಿರುವ ಟೆಸ್ಲಾ ಕೂಡ ಹಲವು ಕಾರಣಗಳಿಗೆ ಕಾರುಗಳನ್ನು ಹಿಂಪಡೆದಿದೆ.