ಈ ಎರಡೂ ತೆರಿಗೆಯ ಬದಲಾವಣೆಯಿಂದಾಗಿ ತೆರಿಗೆದಾರರಿಗೆ 17,500 ರೂಪಾಯಿ ಉಳಿತಾಯವಾಗಲಿದೆ. ಆದರೆ ಹಳೆ ತೆರಿಗೆ ಸ್ಲಾಬ್‌ನಲ್ಲಿ ಕೇಂದ್ರ ಸರ್ಕಾರ ಯಾವುದೇ ಬದಲಾವಣೆಯನ್ನು ತಂದಿಲ್ಲ.
ನವದೆಹಲಿ: ಮೋದಿ ಸರ್ಕಾರದ ಮೂರನೇ ಅವಧಿಯ ಮೊದಲ ಬಜೆಟ್ ಮಂಡನೆ ಮಾಡಲಾಗಿದೆ. ಈ ಬಾರಿಯ ಬಜೆಟ್‌ನಲ್ಲಿ ಸಂಬಳ ಪಡೆಯುವ ಮಧ್ಯಮ ವರ್ಗದ ಜನತೆಗೆ ರಿಲೀಫ್ ನೀಡಲಾಗಿದೆ. ಹೊಸ ತೆರಿಗೆ ಪದ್ದತಿ ಪ್ರಕಾರ, ಈಗ 3 ಲಕ್ಷದಿಂದ 7 ಲಕ್ಷ ರೂಪಾಯಿ ಆದಾಯದ ಮೇಲೆ ಶೇ.5ರಷ್ಟು ತೆರಿಗೆ ಪಾವತಿಸಬೇಕಾಗುತ್ತದೆ. ಹೊಸ ತೆರಿಗೆ ಅನ್ವಯ 50 ಸಾವಿರ ಬದಲಾಗಿ 75 ಸಾವಿರ ರೂಪಾಯಿ ಸ್ಟಾಂಡರ್ಟ್ ಡಿಡಕ್ಷನ್ ಸಿಗಲಿದೆ. ಈ ಎರಡೂ ತೆರಿಗೆಯ ಬದಲಾವಣೆಯಿಂದಾಗಿ ತೆರಿಗೆದಾರರಿಗೆ 17,500 ರೂಪಾಯಿ ಉಳಿತಾಯವಾಗಲಿದೆ. ಆದರೆ ಹಳೆ ತೆರಿಗೆ ಸ್ಲಾಬ್‌ನಲ್ಲಿ ಕೇಂದ್ರ ಸರ್ಕಾರ ಯಾವುದೇ ಬದಲಾವಣೆಯನ್ನು ತಂದಿಲ್ಲ.
ಹೊಸ ತೆರಿಗೆಯ ಆರು ಹಂತಗಳು
undefined
3 ಲಕ್ಷ ರೂಪಾಯಿವರೆಗೆ: 0
3 ಲಕ್ಷದಿಂದ 7 ಲಕ್ಷ ರೂ.ವರೆಗೆ: ಶೇ.5
7 ಲಕ್ಷದಿಂದ 10 ಲಕ್ಷ ರೂ.ವರೆಗೆ: ಶೇ.10
10 ಲಕ್ಷದಿಂದ 12 ಲಕ್ಷ ರೂ.ವರೆಗೆ: ಶೇ.15
12 ಲಕ್ಷದಿಂದ 15 ಲಕ್ಷ ರೂ.ವರೆಗೆ: ಶೇ.20
15 ಲಕ್ಷಕ್ಕಿಂತ ಅಧಿಕ: ಶೇ.30
ಹಳೆ ತೆರಿಗೆಯಲ್ಲಿ ನಾಲ್ಕು ಹಂತಗಳು. ಶೇ.30ರಷ್ಟು ಟ್ಯಾಕ್ಸ್
2.5 ಲಕ್ಷವರೆಗೆ: 0 ತೆರಿಗೆ ಇಲ್ಲ
2.5 ಲಕ್ಷದಿಂದ 5 ಲಕ್ಷ ರೂ.ವರೆಗೆ: ಶೇ.5 (12,500 ರೂಪಾಯಿ)
5 ಲಕ್ಷದಿಂದ 10 ಲಕ್ಷ ರೂ.ವರೆಗೆ: ಶೇ.20 (1,12,500 ರೂ) ಇದು 5 ಲಕ್ಷಕ್ಕೆ 15,500 ರೂ. ಮತ್ತು ಇನ್ನುಳಿದ ಮೊತ್ತದ ಮೇಲೆ 1,00,000 ರೂ.ಸೇರುತ್ತದೆ. ಹಾಗಾಗಿ ಒಟ್ಟು ತೆರಿಗೆ 1,12,500 ರೂಪಾಯಿ ಆಗುತ್ತದೆ)
10 ಲಕ್ಷ ರೂಪಾಯಿಗೂ ಅಧಿಕ: ಶೇ.30 (1,12,500 ರೂಪಾಯಿ ಅಧಿಕ ಆಗುತ್ತೆ)
ಹಳೆ ತೆರಿಗೆ ಪದ್ಧತಿಯಲ್ಲಿ 5 ಲಕ್ಷ ರೂ. ಆದಾಯದ ಮೇಲೆ 12,500 ರೂ. ಟ್ಯಾಕ್ಸ್ ಪಾವತಿಸಬೇಕಾಗುತ್ತದೆ. ಆದಾಯ ತೆರಿಗೆ ಆಕ್ಟ್ ಪ್ರಕಾರ ಸೆಕ್ಷನ್ 87A ಅಡಿಯಲ್ಲಿ 12,500 ರೂ.ಗೆ ವಿನಾಯ್ತಿ ಸಿಗುತ್ತದೆ. ಒಂದು ವೇಳೆ ನಿಮ್ಮ ಆದಾಯ 5 ಲಕ್ಷ ರೂಪಾಯಿ ಮೇಲೆ 1 ರೂ.ಹೆಚ್ಚಾದರೂ ಸೆಕ್ಷನ್ 87A ಅಡಿಯಲ್ಲಿ ಸಿಗುವ 12,500 ರೂ. ವಿನಾಯ್ತಿ ಸಿಗಲ್ಲ. 1 ರೂಪಾಯಿ ಹೆಚ್ಚಾದ್ರೂ ಶೇ.20ರಷ್ಟು ಅಂದ್ರೆ 20 ಪೈಸೆ ತೆರಿಗೆ ಪಾವತಿ ಮಾಡಬೇಕಾಗುತ್ತದೆ. ವಿಮೆ, ಮಕ್ಕಳ ಶಾಲಾ ಶುಲ್ಕ, ಮನೆ ಬಾಡಿಗೆ ಮೇಲೆ ನಿಮಗೆ ತೆರಿಗೆ ವಿನಾಯ್ತಿ ಸಿಗುತ್ತದೆ.