ಟಿಡಿಎಸ್ ಸಲ್ಲಿಕೆ ದಿನಾಂಕ ಜೂ.30ರವರೆಗೆ ವಿಸ್ತರಣೆ!
ಸಾರಾಂಶ
* ಮೂಲದಲ್ಲೇ ಕಡಿತ ಆಗುವ ತೆರಿಗೆ * ಟಿಡಿಎಸ್ ಸಲ್ಲಿಕೆ ದಿನಾಂಕ ಜೂ.30ರವರೆಗೆ ವಿಸ್ತರಣೆ * ಫಾರ್ಮ್- 16 ನೀಡುವ ದಿನಾಕ ಜುಲೈ 15ಕ್ಕೆ ವಿಸ್ತಾರ
ನವದೆಹಲಿ: ಕಂಪನಿಗಳು ತಮ್ಮ ಉದ್ಯೋಗಿಗಳ ಟಿಡಿಎಸ್ ಅನ್ನು (ಮೂಲದಲ್ಲೇ ಕಡಿತ ಆಗುವ ತೆರಿಗೆ) ತರಿಗೆ ಇಲಾಖೆಗೆ ತುಂಬುವ ಗಡುವನ್ನು ಮೇ 31ರಿಂದ ಜೂನ್ 30ರವರೆಗೆ ವಿಸ್ತರಿಸಲಾಗಿದೆ. ಇದೇ ವೇಳೆ, ಕಂಪನಿಗಳು ತೆರಿಗೆ ಕಡಿತಕ್ಕೆ ಸಂಬಂಧಿಸಿದ ಫಾಮ್ರ್-16 ಅನ್ನು ಉದ್ಯೋಗಿಗಳಿಗೆ ನೀಡುವ ಗಡುವನ್ನು ಜೂನ್ 15ರಿಂದ ಜುಲೈ 15ಕ್ಕೆ ವಿಸ್ತರಿಸಲಾಗಿದೆ.
‘ಕೋವಿಡ್ ಸೋಂಕಿನ ಈ ಸಂಕಷ್ಟದ ಸಮಯದಲ್ಲಿ ಕಂಪನಿಗಳು ಹಾಗೂ ತೆರಿಗೆದಾರರಿಗೆ ಈಗಿನ ಗಡುವಿನಲ್ಲಿ ಕರ್ತವ್ಯ ಪೂರೈಸುವುದು ಕಷ್ಟಆಗಬಹುದು. ಹೀಗಾಗಿ ಗಡುವು ವಿಸ್ತರಿಸಲಾಗಿದೆ’ ಎಂದು ತೆರಿಗೆ ಇಲಾಖೆ ಹೇಳಿದೆ.
ತೆರಿಗೆ ಇಲಾಖೆ ಇತ್ತೀಚೆಗೆ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ದಿನಾಂಕವನ್ನು ತೆರಿಗೆ ಇಲಾಖೆ ಸೆಪ್ಟೆಂಬರ್ 30ಕ್ಕೆ ವಿಸ್ತರಿಸಿತ್ತು.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.