ಇನ್ಫೋಸಿಸ್ ಸಂಸ್ಥಾಪಕ ಬಿಲಿಯನೇರ್ ನಾರಾಯಣ ಮೂರ್ತಿಯವರ ಏಕೈಕ ಪುತ್ರ ರೋಹನ್ ಮೂರ್ತಿ. ಬಹುಕೋಟಿ ಆಸ್ತಿಯ ಒಡೆಯರಾಗಿದ್ರೂ ಇವರು ಇನ್ಫೋಸಿಸ್ ಒಡೆತನವನ್ನು ಹೊಂದಿಲ್ಲ. ಸಂಸ್ಥೆಯ ಯಾವ ವ್ಯವಹಾರದಲ್ಲೂ ಭಾಗಿಯಾಗೋದಿಲ್ಲ. ಅದ್ಯಾಕೆ?
ದೇಶದ ಅತ್ಯನ್ನುತ ಕಂಪೆನಿಗಳಲ್ಲಿ ಒಂದು ಇನ್ಫೋಸಿಸ್. ಪ್ರಸ್ತುತ 5.65 ಟ್ರಿಲಿಯನ್ ರೂ.ಗಿಂತ ಹೆಚ್ಚಿನ ಮಾರುಕಟ್ಟೆ ಮೌಲ್ಯವನ್ನು ಹೊಂದಿದೆ. ಲಕ್ಷಾಂತರ ಮಂದಿ ದೇಶದ ವಿವಿಧೆಡೆ ಹಬ್ಬಿರುವ ಇನ್ಫೋಸಿಸ್‌ನ ಬ್ರ್ಯಾಂಚ್‌ಗಳಲ್ಲಿ ಕೆಲಸ ಮಾಡುತ್ತಾರೆ. ಆದರೆ ಎಲ್ಲಾ ಉದ್ಯಮಿಗಳ ಮಕ್ಕಳಂತೆ ಇನ್ಫೋಸಿಸ್ ನಾರಾಯಣ ಮೂರ್ತಿಯವರ ಮಗ ರೋಹನ್ ಮೂರ್ತಿ ಈ ಬೃಹತ್ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿಲ್ಲ ಅನ್ನೋದು ನಿಮ್ಗೆ ಗೊತ್ತಿದ್ಯಾ?
ರೋಹನ್ ಅವರು ಭಾರತದ ಅತಿದೊಡ್ಡ ಐಟಿ ಕಂಪನಿ ಇನ್ಫೋಸಿಸ್‌ನ ಸಂಸ್ಥಾಪಕ ಎನ್‌ಆರ್ ನಾರಾಯಣ ಮೂರ್ತಿ ಮತ್ತು ಸುಧಾ ಮೂರ್ತಿ. ಇವರ ಮಕ್ಕಳು ರೋಹನ್ ಮೂರ್ತಿ ಹಾಗೂ ಸಹೋದರಿ ಅಕ್ಷತಾ ಮೂರ್ತಿ, ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಅವರ ಪತ್ನಿ. ರೋಹನ್ ಮೂರ್ತಿ, ಅಧಿಕೃತವಾಗಿ ಇನ್ಫೋಸಿಸ್‌ನ ಕೋಟಿ ಕೋಟಿ ಆಸ್ತಿಯ ಒಡೆಯರು. ಆದರೆ ಅವರು ನಾರಾಯಣ ಮೂರ್ತಿಯವರ ಇನ್ಫೋಸಿಸ್ ಸಂಸ್ಥೆಯ ಲೀಡರ್‌ಶಿಪ್ ವಹಿಸಿಕೊಂಡಿಲ್ಲ. ಬದಲಿಗೆ ತಾವೇ ಸ್ವತಃ ಉದ್ಯಮವೊಂದನ್ನು ಆರಂಭಿಸಿದ್ದಾರೆ.
ಇನ್ಫಿ ಮೂರ್ತಿಗೂ ತಟ್ಟಿದ ಡೀಪ್‌ಫೇಕ್‌ ವಿಡಿಯೋ ಬಿಸಿ: ಹೂಡಿಕೆ ಕುರಿತ ನಕಲಿ ವಿಡಿಯೋ ವೈರಲ್‌!
ಹಲವು ಸಂಕಷ್ಟಗಳನ್ನು ಎದುರಿಸಿ ಸೊರೊಕೊ ಸ್ಥಾಪಿಸಿದ ರೋಹನ್ ಮೂರ್ತಿ
ಆದರೆ ಉದ್ಯಮವನ್ನು ಆರಂಭಿಸುವ ರೋಹನ್ ಮೂರ್ತಿಯವರ ಹಾದಿ ಅಷ್ಟು ಸುಲಭದ್ದಾಗಿರಲ್ಲಿಲ್ಲ. ಕಠಿಣ ಪರಿಶ್ರಮ ಮತ್ತು ಅಸಾಧಾರಣ ಸವಾಲುಗಳನ್ನು ಎದುರಿಸಬೇಕಾಗಿತ್ತು. ಆರಂಭಿಕ ಪ್ರೋಗ್ರಾಮಿಂಗ್ ಡ್ರೈವ್‌ನಿಂದ ಅವರ ಸ್ಟಾರ್ಟ್-ಅಪ್-ಸೊರೊಕೊವನ್ನು ಸ್ಥಾಪಿಸುವ ಮತ್ತು ಸ್ಕೇಲಿಂಗ್ ಮಾಡುವವರೆಗೆ ರೋಹನ್ ಮೂರ್ತಿ ಹಲವಾರು ಬಾರಿ ತೊಂದರೆಗಳನ್ನು ಎದುರಿಸಿದರು.
ಬೆಂಗಳೂರಿನ ಬಿಷಪ್ ಕಾಟನ್ ಹುಡುಗರ ಶಾಲೆಯಲ್ಲಿ ರೋಹನ್ ಮೂರ್ತಿ, ತಮ್ಮ ಶಾಲಾ ಶಿಕ್ಷಣವನ್ನು ಪೂರೈಸಿದರು. ನಂತರ, ಅವರು ಕಾರ್ನೆಲ್ ವಿಶ್ವವಿದ್ಯಾಲಯದಲ್ಲಿ ವ್ಯಾಸಂಗ ಮಾಡಿದರು. ಬಳಿಕ ಕಂಪ್ಯೂಟರ್ ವಿಜ್ಞಾನದಲ್ಲಿ ಪದವಿ ಪಡೆದರು. ಆ ಬಳಿಕ ಹಾರ್ವರ್ಡ್ ವಿಶ್ವವಿದ್ಯಾಲಯದಲ್ಲಿ ಕಂಪ್ಯೂಟರ್ ಎಂಜಿನಿಯರಿಂಗ್‌ನಲ್ಲಿ ತಮ್ಮ ಪಿಎಚ್‌ಡಿಯನ್ನು ಅವಕಾಶವಾದಿ ವೈರ್‌ಲೆಸ್ ನೆಟ್‌ವರ್ಕ್‌ಗಳಲ್ಲಿ ವಿಶೇಷತೆಯೊಂದಿಗೆ ಪೂರ್ಣಗೊಳಿಸಿದರು.
ದಿಗ್ಗಜ ಕಂಪೆನಿ ಟಿಸಿಎಸ್‌, ಇನ್ಫೋಸಿಸ್, ವಿಪ್ರೋ ಉದ್ಯೋಗಿಗಳ ಸ್ಯಾಲರಿ ನಾವು, ನೀವು ಅಂದುಕೊಂಡಷ್ಟಲ್ಲ!
15 ಶತಕೋಟಿ ಮಾರುಕಟ್ಟೆ ಮೌಲ್ಯ ಹೊಂದಿರುವ ರೋಹನ್ ಮೂರ್ತಿ ಸಂಸ್ಥೆ
2014ರಲ್ಲಿ ಹೆಸರಾಂತ ಕಂಪ್ಯೂಟರ್ ವಿಜ್ಞಾನಿಗಳಾದ ಅರ್ಜುನ್ ನಾರಾಯಣ್ ಮತ್ತು ಜಾರ್ಜ್ ನೈಚಿಸ್ ಅವರೊಂದಿಗೆ ಸೊರೊಕೊವನ್ನು ಸಹ-ಸ್ಥಾಪಿಸಿದರು. ಕೃತಕ ಬುದ್ಧಿಮತ್ತೆ ಸಂಪನ್ಮೂಲಗಳನ್ನು ಬಳಸಿಕೊಂಡು ತಂತ್ರಜ್ಞಾನದಲ್ಲಿ ಪರಿಣತಿ ಹೊಂದುವ ಮೂಲಕ ವ್ಯವಹಾರಗಳು ಡಿಜಿಟಲ್ ರೂಪಾಂತರವನ್ನು ನಿರ್ವಹಿಸುವ ವಿಧಾನವನ್ನು ಕಂಪನಿಯು ಮಾರ್ಪಡಿಸಿದೆ. ಆರಂಭದಲ್ಲಿ ಈ ಉದ್ಯಮದ ತಾಂತ್ರಿಕ ಕಾರ್ಯಾಚರಣೆಗಳ ಮುಖ್ಯಸ್ಥರಾಗಿದ್ದರು.
ಇತ್ತೀಚಿನ ವರ್ಷಗಳಲ್ಲಿ, ಕಂಪೆನಿಯು ಬೃಹತ್ ಅಭಿವೃದ್ಧಿಯನ್ನು ಕಂಡಿತು. ಇದನ್ನು ಮುಂದುವರಿಸಲು, ಜಾಗತಿಕವಾಗಿ 500 ಮಿಲಿಯನ್ ವೈಟ್ ಕಾಲರ್ ಉದ್ಯೋಗಿಗಳನ್ನು ಒಳಗೊಂಡಿರುವ 15 ಶತಕೋಟಿ ಮಾರುಕಟ್ಟೆಯನ್ನು ವಶಪಡಿಸಿಕೊಳ್ಳುವ ಮೂಲಕ ಲಾಭವನ್ನು ಅಳೆಯಲು ಮಹತ್ವಾಕಾಂಕ್ಷೆಯ ಕಾರ್ಯತಂತ್ರಗಳನ್ನು ಮಾಡಲಾಗುತ್ತಿದೆ ಎಂದು ಫೋರ್ಬ್ಸ್ ವರದಿ ಮಾಡಿದೆ. ನೆಲ್ಸನ್‌ಹಾಲ್ ವೆಂಡರ್ ಮೌಲ್ಯಮಾಪನ ಮತ್ತು ಅಸೆಸ್‌ಮೆಂಟ್ ಟೂಲ್ (NEAT) ಸೊರೊಕೊ ತನ್ನ ಆದಾಯದ ಅಂಕಿಅಂಶಗಳನ್ನು ಬಹಿರಂಗಪಡಿಸದಿದ್ದರೂ ಸೊರೊಕೊದ ಟಾಪ್-ಲೈನ್ ಆದಾಯವು 2022 ರಲ್ಲಿ $18 ಮಿಲಿಯನ್ (Rs 1,48,06,75,500 ಅಥವಾ Rs 148 ಕೋಟಿ) ಎಂದು ಊಹಿಸುತ್ತದೆ.
ನಾರಾಯಣ ಮೂರ್ತಿಯವರ ಮಗನಾಗಿರುವ ಕಾರಣ ರೋಹನ್, 5.55 ಟ್ರಿಲಿಯನ್ (ರೂ. 5.55 ಲಕ್ಷ ಕೋಟಿ) ಮೌಲ್ಯದ ಇನ್ಫೋಸಿಸ್ ಕಂಪನಿಯ ಬೃಹತ್ ಪಾಲನ್ನು ಪಡೆದಿದ್ದಾರೆ. ಬ್ಯುಸಿನೆಸ್ ಟುಡೇ ಪ್ರಕಾರ, 6,08,12,892 ಷೇರುಗಳನ್ನು ಹೊಂದಿರುವ ರೋಹನ್ ಮೂರ್ತಿ ಅಥವಾ ಇನ್ಫೋಸಿಸ್‌ನ ಶೇಕಡಾ 1.67 ರಷ್ಟು ಲಾಭಾಂಶದ ಆದಾಯದಲ್ಲಿ 106.42 ಕೋಟಿ ರೂ. ಪಡೆಯುತ್ತಾರೆ.