ಭಾರತದಲ್ಲಿ ಹೂಡಿಕೆಗೆ ಇದೇ ಸರಿಯಾದ ಸಮಯ, ಅಮೆರಿಕದ ಉದ್ಯಮಿಗಳಿಗೆ ಮೋದಿ ಮಾತು

ಅಮೆರಿಕದ ಉದ್ಯಮಿಗಳು ಭಾರತದಲ್ಲಿ ತಮ್ಮ ಹೂಡಿಕೆಯನ್ನು ಇನ್ನಷ್ಟು ಏರಿಸಬೇಕು. ಭಾರತದಲ್ಲಿ ಹೂಡಿಕೆ ಮಾಡಲು ಇದಕ್ಕಿಂತ ಸರಿಯಾದ ಸಮಯ ಸಿಗೋದಿಲ್ಲ.ಭಾರತವು ನೀಡುವ ವಿಶಾಲ ಅವಕಾಶಗಳ ಲಾಭವನ್ನು ಪಡೆಯಲು ಎರಡೂ ಸರ್ಕಾರಗಳು ದಾರಿ ಮಾಡಿಕೊಟ್ಟಿರುವುದರಿಂದ ಇದರ ಲಾಭ ಪಡೆದುಕೊಳ್ಳಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ನವದೆಹಲಿ (ಜೂ.26): ಅಮೆರಿಕದ ಉದ್ಯಮಿಗಳಿಗೆ ರತ್ನಗಂಬಳಿ ಹಾಸುವ ನಿರ್ಧಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತದಲ್ಲಿ ಹೂಡಿಕೆ ಮಾಡಲು ಇದುವೇ ಸರಿಯಾದ ಸಮಯ ಎಂದು ಹೇಳಿದ್ದಾರೆ. ಅದಕ್ಕೆ ಕಾರಣವನ್ನೂ ನೀಡಿರುವ ಅವರು, ಎರಡೂ ದೇಶಗಳ ಸರ್ಕಾರಗಳು ವ್ಯವಹಾರಗಳು ಮತ್ತು ಕಂಪನಿಗಳಿಗೆ ಅವಕಾಶವನ್ನು ಬಳಸಿಕೊಳ್ಳಲು ಮತ್ತು ಸರಿಯಾದ ವ್ಯವಸ್ಥೆಗಳನ್ನು ನೀಡಲು ಸೂಕ್ತ ಅಡಿಪಾಯಗಳನ್ನು ನಿರ್ಮಿಸಿದೆ. ಕಳೆದ ಶುಕ್ರವಾರ ಇಲ್ಲಿನ ಕೆನಡಿ ಸೆಂಟರ್‌ನಲ್ಲಿ ಭಾರತ ಮತ್ತು ಯುಎಸ್‌ನ ವ್ಯಾಪಾರ ಮುಖಂಡರು ಮತ್ತು ಸಮಾಜಸೇವಕರು ಹಾಗೂ ಭಾರತೀಯ-ಅಮೆರಿಕನ್ ಸಮುದಾಯದ ಇತರ ಪ್ರಮುಖ ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಭಾರತ-ಯುಎಸ್ ಪಾಲುದಾರಿಕೆ ಅನುಕೂಲಕ್ಕಾಗಿ ಅಲ್ಲ ಆದರೆ ಕನ್ವಿಕ್ಷನ್. ಹಂಚಿಕೆಯ ಬದ್ಧತೆಗಳು ಮತ್ತು ಸಹಾನುಭೂತಿಗಾಗಿ ಇದೆ ಎಂದು ಹೇಳಿದ್ದಾರೆ.  ಭಾರತದಲ್ಲಿ ಪ್ರಸ್ತುತ ನಡೆಯುತ್ತಿರುವ ಆಳವಾದ ಪರಿವರ್ತನೆ ಮತ್ತು ವಿವಿಧ ಕ್ಷೇತ್ರಗಳಲ್ಲಿ ದಾಪುಗಾಲು ಹಾಕುತ್ತಿರುವುದನ್ನು ತಿಳಿಸಿದ ಪ್ರಧಾನಮಂತ್ರಿ ನರೇಂದ್ರ ಮೋದಿ, ಭಾರತದೊಂದಿಗೆ ಪಾಲುದಾರಿಕೆಯನ್ನು ರೂಪಿಸಲು ವೃತ್ತಿಪರರನ್ನು ಆಹ್ವಾನಿಸಿದರು.

"ವಾಷಿಂಗ್ಟನ್ DC ಯಲ್ಲಿ, ವಿವಿಧ ಕ್ಷೇತ್ರಗಳಾದ್ಯಂತ ಪ್ರಮುಖ ವೃತ್ತಿಪರರೊಂದಿಗೆ ತೊಡಗಿಸಿಕೊಳ್ಳುವ ಸಂವಾದವನ್ನು ಹೊಂದಿದೆ. @SecBlinken ಸಹ ಕಾರ್ಯಕ್ರಮಕ್ಕೆ ಸೇರಿಕೊಂಡಿದ್ದರಿಂದ ಸಂತೋಷವಾಗಿದೆ. ಭಾರತವು ಒದಗಿಸುವ ವಿಶಾಲವಾದ ಅವಕಾಶಗಳನ್ನು ಈ ಸಂವಾದ ಎತ್ತಿ ತೋರಿಸಿದೆ. ಭಾರತದ ಬೆಳವಣಿಗೆಯ ಕಥೆಯಲ್ಲಿ ಹೂಡಿಕೆ ಮಾಡಲು ಇದು ಹೇಗೆ ಕ್ಷಣವಾಗಿದೆ ಎಂದು ಪುನರುಚ್ಛರಿಸಿದೆ' ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.

ಕಳೆದ ಮೂರು ದಿನಗಳ ಅಮೆರಿಕ ಪ್ರವಾಸದಲ್ಲಿ ದ್ವಿಪಕ್ಷೀಯ ಬಾಂಧವ್ಯವನ್ನು ಮತ್ತಷ್ಟು ಬಲಪಡಿಸಲು ಹಲವು ಐತಿಹಾಸಿಕ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಮೋದಿ ಹೇಳಿದರು. ರಕ್ಷಣೆಯಿಂದ ವಾಯುಯಾನ, ಉತ್ಪಾದನೆಗೆ ಅನ್ವಯಿಕ ಸಾಮಗ್ರಿಗಳು ಮತ್ತು ಐಟಿ ಮತ್ತು ಬಾಹ್ಯಾಕಾಶ ಕ್ಷೇತ್ರಗಳಲ್ಲಿ ಭಾರತ ಮತ್ತು ಯುಎಸ್ ಈಗ ಅತ್ಯಂತ ವಿಶ್ವಾಸಾರ್ಹ ಪಾಲುದಾರರಾಗಿ ಮುನ್ನಡೆಯುತ್ತಿವೆ ಎಂದು ಯುಎಸ್-ಇಂಡಿಯಾ ಸ್ಟ್ರಾಟೆಜಿಕ್ ಪಾರ್ಟ್‌ನರ್‌ಶಿಪ್ ಫೋರಂ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿ ಹೇಳಿದರು.

ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಪ್ರಕಾರ, ವಿವಿಧ ಕ್ಷೇತ್ರಗಳಿಂದ ಬಂದ ಸುಮಾರು 1,000 ಪ್ರಮುಖ ವೃತ್ತಿಪರರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳುವಂತೆ ಉದ್ಯಮ ಸಮುದಾಯವನ್ನು ಮೋದಿ ಒತ್ತಾಯಿಸಿದರು.

ಭಾರತದ ಪ್ರತಿಯೊಂದು ಅಭಿವೃದ್ಧಿ ಯೋಜನೆಯು ಅಮೆರಿಕದ ಕನಸನ್ನು ಮತ್ತಷ್ಟು ಬಲಪಡಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಮೋದಿ ಹೇಳಿದರು, ಭಾರತವು ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ದಾಖಲೆಯ 125 ಶತಕೋಟಿ ಅಮೆರಿಕನ್‌ ಹೂಡಿಕೆ ಮಾಡುತ್ತಿದೆ ಎಂದು ಉಲ್ಲೇಖಿಸಿದರು. ಭಾರತದ ಬೆಳವಣಿಗೆಯ ಕಥೆಯಲ್ಲಿ, ಅಮೆರಿಕಕ್ಕೆ ಮತ್ತು ದೇಶದ ಕಾರ್ಪೊರೇಟ್ ಸಮುದಾಯಕ್ಕೆ ಅನಿಯಮಿತ ಅವಕಾಶಗಳಿವೆ  ಎಂದು ಮೋದಿ ಹೇಳಿದ್ದಾರೆ. 

ಅಮೆರಿಕಾ ಸೆನೆಟ್‌ನಲ್ಲಿ ನಮೋ ಜಪ: 79 ಬಾರಿ ಚಪ್ಪಾಳೆ, 15 ಬಾರಿ ಎದ್ದು ನಿಂತು ಗೌರವ

ಅಮೆರಿಕ ಪ್ರವಾಸದ ದಿನಗಳಲ್ಲಿ ತಾವು ಮತ್ತು ಅಧ್ಯಕ್ಷ ಜೋ ಬಿಡೆನ್ ಅವರು ಹಲವಾರು ಐತಿಹಾಸಿಕ ವಿಷಯಗಳ ಕುರಿತು ಚರ್ಚಿಸಲು ಸಾಕಷ್ಟು ಸಮಯವನ್ನು ಕಳೆದಿದ್ದೇವೆ ಎಂದು ಮೋದಿ ಹೇಳಿದರು. ಅವರ ಸಭೆಗಳಲ್ಲಿ, ಉಭಯ ನಾಯಕರು ಭಾರತ-ಯುಎಸ್ ಸಂಬಂಧಗಳ ಭವಿಷ್ಯದ ಬಗ್ಗೆ ಪ್ರಮುಖ ಚರ್ಚೆಗಳನ್ನು ನಡೆಸಿದರು ಮತ್ತು ಮುಂದೆ ಸ್ಪಷ್ಟವಾದ ಕಾರ್ಯತಂತ್ರವನ್ನು ಅನುಸರಿಸಲು ನಿರ್ಧರಿಸಿದ್ದಾರೆ.

PM Modi US Visit: ಭಾರತದ ಪ್ರಧಾನಿಗೆ 'ನಮೋ' ಎಂದ ಅಮೆರಿಕದ ರಾಜಕಾರಣಿಗಳು

ಭಾರತದಲ್ಲಿ ಮತ್ತೆ 15 ಬಿಲಿಯನ್‌ ಯುಎಸ್‌ ಡಾಲರ್‌ ಹೂಡಿಕೆ: ಮೋದಿ ಅಮೆರಿಕ ಭೇಟಿ ಬೆನ್ನಲ್ಲಿಯೇ ಭಾರತದಲ್ಲಿ 2030ರ ವೇಳೆಗೆ 15 ಬಿಲಿಯನ್‌ ಯುಎಸ್‌ ಡಾಲರ್ ಹೂಡಿಕೆ ಮಾಡುವುದಾಗಿ ಅಮೇಜಾನ್‌ ತಿಳಿಸಿದೆ. ಈಗಾಗಲೇ ಭಾರತದಲ್ಲಿ 11 ಬಿಲಿಯನ್‌ ಡಾಲರ್‌ ಹೂಡಿಕೆ ಮಾಡಿದ್ದೇವೆ. 2030ರ ವೇಳೆಗೆ ಇದು 26 ಬಿಲಿಯನ್‌ ಯುಎಸ್‌ ಡಾಲರ್‌ಗೇರಲಿದ್ದು, ಅಮದಾಜು 20 ಲಕ್ಷ ಉದ್ಯೋಗಿಗಳನ್ನು ಹೊಂದಲಿದ್ದೇವೆ ಎಂದು ಅಮೇಜಾನ್‌ ಸಿಇಒ ತಿಳಿಸಿದ್ದಾರೆ.