ಸೇಲ್ ಆಗಲಿದೆ ಈ ಐತಿಹಾಸಿಕ ಬಿಲ್ಡಿಂಗ್: ಎಷ್ಟಕ್ಕೆ ಗೊತ್ತಾ ಬಿಡ್ಡಿಂಗ್?
ಸಾರಾಂಶ
ನಗರದ ಅಂದ ಚೆಂದ ಹೆಚ್ಚಿಸಿದ್ದ ಐತಿಹಾಸಿಕ ಬಿಲ್ಡಿಂಗ್ ಮಾರಾಟ| ನಗರವೊಂದರ ಪ್ರತಿನಿಧಿಯಾಗಿ ಮೆರೆದಾಡಿದ್ದ ಬಿಲ್ಡಿಂಗ್| ಮಾರಾಟವಗಲಿದೆ ನ್ಯೂಯಾರ್ಕ್ ನ ಐತಿಹಾಸಿಕ ಕ್ರಿಸ್ಲರ್ ಬಿಲ್ಡಿಂಗ್| ಕೇವಲ 150 ಮಿಲಿಯನ್ ಅಮೆರಿಕನ್ ಡಾಲರ್ ಗೆ ಮಾರಾಟ| 1930ರಲ್ಲಿ ನಿರ್ಮಿಸಲಾಗಿದ್ದ 319 ಮೀಟರ್ ಎತ್ತರದ ಕ್ರಿಸ್ಲರ್ ಬಿಲ್ಡಿಂಗ್|
ನ್ಯೂಯಾರ್ಕ್(ಮಾ.10): ಕೆಲವು ಕಟ್ಟಡಗಳು ಹಾಗೆನೆ. ತಂತಾನೆ ನಗರವೊಂದರ ಪ್ರತಿನಿಧಿಯಾಗಿ ಬಿಡುತ್ತವೆ. ಪ್ರಮುಖ ನಗರಗಳಲ್ಲಿ ಆಕರ್ಷಣೆಯ ಕೇಂದ್ರ ಬಿಂದುವಾಗಿಯೂ ಈ ಕಟ್ಟಡಗಳು ಹೆಸರುವಾಸಿಯಾಗಿ ಬಿಡುತ್ತವೆ.
ಅದರಂತೆ ಅಮೆರಿಕದ ನ್ಯೂಯಾರ್ಕ್ ನಲ್ಲಿರುವ ಕ್ರಿಸ್ಲರ್ ಬಿಲ್ಡಿಂಗ್ ಕೂಡ ಆ ನಗರದ ಖ್ಯಾತಿ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿತ್ತು.
ನ್ಯೂಯಾರ್ಕ್ ಸಿಟಿ ಬಿಲ್ಡಿಂಗ್ ಎಂದೇ ಹೆಸರು ಗಳಿಸಿದ್ದ ಕ್ರಿಸ್ಲರ್ ಬಿಲ್ಡಿಂಗ್ ಇದೀಗ ಮಾರಾಟವಾಗುತ್ತಿದೆ. ಈ ಬಿಲ್ಡಿಂಗ್ ಕೇವಲ 150 ಮಿಲಿಯನ್ ಅಮೆರಿಕನ್ ಡಾಲರ್ ಗೆ ಮಾರಾಟವಾಗುತ್ತಿರುವುದು ಅಚ್ಚರಿಗೆ ಕಾರಣವಾಗಿದೆ.
2018ರಲ್ಲಿ ಕ್ರಿಸ್ಲರ್ ಬಿಲ್ಡಿಂಗ್ ನ ಗ್ರೌಂಡ್ ಫ್ಲೋರ್ ಬೆಲೆಯೇ ಸುಮಾರು 32 ಮಿಲಿಯನ್ ಅಮೆರಿಕನ್ ಡಾಲರ್ ಎಂದು ನಿರ್ಧರಿಸಲಾಗಿತ್ತು. ಇದು 2028ರಲ್ಲಿ 41 ಮಿಲಿಯನ್ ಅಮೆರಿನ್ ಡಾಲರ್ ತಲುಪಲಿತ್ತು.
ಕ್ರಿಸ್ಲರ್ ಬಿಲ್ಡಿಂಗ್ ಇತಿಹಾಸ:
319 ಮೀಟರ್ ಎತ್ತರದ ಕ್ರಿಸ್ಲರ್ ಬಿಲ್ಡಿಂಗ್ ನ್ನು 1930ರಲ್ಲಿ ನಿರ್ಮಿಸಲಾಗಿತ್ತು. ವಾಲ್ಟರ್ ಕ್ರಿಸ್ಲರ್ ಒಡೆತನದ ಈ ಬಿಲ್ಡಿಂಗ್ ಆ ಕಾಲದ ವಿಶ್ವದ ಅತ್ಯಂತ ಎತ್ತರದ ಕಟ್ಟಡ ಎಂದು ಖ್ಯಾತಿ ಗಳಿಸಿತ್ತು. ಅದರೆ ಕೇವಲ 11 ತಿಂಗಳ ಬಳಿಕ ಮ್ಯಾನ್ ಹ್ಯಾಟನ್ ನಲ್ಲಿ ನಿಮಿರ್ಮಿಸಲಾದ ಎಂಪೈರ್ ಸ್ಟೇಟ್ ಬಿಲ್ಡಿಂಗ್ ಈ ದಾಖಲೆಯನ್ನು ಅಳಿಸಿ ಹಾಕಿತ್ತು.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.