ಸಿಬಿಲ್ ಸ್ಕೋರ್ 'ಸೊನ್ನೆ' ಆಗಿದ್ರೂ ಈ ಲೋನ್ ಸಿಗುತ್ತೆ, ಕ್ರೆಡಿಟ್ ಸ್ಕೋರ್ ಇಂಪ್ರೂವ್ ಮಾಡೋಕೆ ಇದೇ ಉತ್ತಮ ಮಾರ್ಗ!
ಸಾರಾಂಶ
ಸಾಲ ತೆಗೆದುಕೊಳ್ಳಲು ಸಿಬಿಲ್ ಸ್ಕೋರ್ ಮುಖ್ಯ. ಸೊನ್ನೆ ಸಿಬಿಲ್ ಸ್ಕೋರ್ ಇದ್ದರೂ FD ಮೇಲೆ ಸಾಲ ಪಡೆಯಬಹುದು. ಇದರಿಂದ ಕ್ರೆಡಿಟ್ ಸ್ಕೋರ್ ಹೆಚ್ಚಿಸಿಕೊಳ್ಳಬಹುದು.
ಬೆಂಗಳೂರು (ನ.11): ಸಾಲದ ತೆಗೆದುಕೊಳ್ಳುವ ಸಂದರ್ಭದಲ್ಲಿ ಸಿಬಿಲ್ (CIBIL) ಸ್ಕೋರ್ ಬಹಳ ಮುಖ್ಯ. ಸಾಮಾನ್ಯವಾಗಿ, CIBIL ಸ್ಕೋರ್ ಉತ್ತಮ, ಮಧ್ಯಮ ಅಥವಾ ತುಂಬಾ ಕಡಿಮೆ ಶ್ರೇಣಿಯಲ್ಲಿ ಇರುತ್ತದೆ. ಆದರೆ ಕೆಲವೊಮ್ಮೆ ಈ ಅಂಕವು ಶೂನ್ಯವಾಗಿರುತ್ತದೆ (0). ಶೂನ್ಯ ಸಿಬಿಲ್ ಸ್ಕೋರ್ ಅನ್ನು ಬ್ಯಾಂಕಿಂಗ್ ಭಾಷೆಯಲ್ಲಿ ಮೈನಸ್ ಸಿಬಿಲ್ ಸ್ಕೋರ್ ಎಂದು ಕರೆಯಲಾಗುತ್ತದೆ. ಮೈನಸ್ CIBIL ಸ್ಕೋರ್ ಸಂದರ್ಭದಲ್ಲಿ ಸಹ, ಬ್ಯಾಂಕ್ಗಳು ನಿಮಗೆ ಸಾಲ ನೀಡಲು ನಿರಾಕರಿಸಬಹುದು. ಯಾಕೆಂದರೆ, ನಿಮ್ಮ ರೀಪೇಮೆಂಟ್ ಶಕ್ತಿಯ ಬಗ್ಗೆ ಬ್ಯಾಂಕ್ನವರಿಗೆ ನಂಬಿಕೆ ಇರೋದಿಲ್ಲ. ಗ್ರಾಹಕರು ನಂಬಲರ್ಹರೋ ಇಲ್ಲವೋ ಎಂಬುದನ್ನು ಅರ್ಥಮಾಡಿಕೊಳ್ಳಲು ಬ್ಯಾಂಕ್ಗಳಿಗೆ ಸಾಧ್ಯವಾಗೋದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಸಾಲ ನೀಡಲು ಹಿಂದೇಟು ಹಾಕುತ್ತಾರೆ.ನೀವು ಕೂಡ ಅಂಥದ್ದೇನಾದರೂ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದರೆ. ನೀವು ತೆಗೆದುಕೊಳ್ಳಲೇಬೇಕಾದ ಸಾಲದ ಬಗ್ಗೆ ಇಲ್ಲಿ ತಿಳಿಸಲಿದ್ದೇವೆ. ನೀವು ಮೈನಸ್ ಅಥವಾ ಕಳಪೆ ಸಿಬಿಲ್ ಸ್ಕೋರ್ ಹೊಂದಿದ್ದರೂ ಸಹ ಬ್ಯಾಂಕ್ಗಳು ಈ ಲೋನ್ಗಳ್ನು ತ್ವರಿತವಾಗಿ ಅನುಮೋದಿಸುತ್ತವೆ ಮತ್ತು ಇದರ ನಂತರ ನಿಮ್ಮ CIBIL ಸ್ಕೋರ್ ಕೂಡ ಪ್ರಗತಿ ಕಾಣಲು ಆರಂಭವಾಗುತ್ತದೆ.
ಸಿಬಿಲ್ ಸ್ಕೋರ್ ಯಾಕೆ ಸೊನ್ನೆ ಆಗುತ್ತದೆ: ನೀವು ಎಂದಿಗೂ ಯಾವುದೇ ಸಾಲವನ್ನು ತೆಗೆದುಕೊಳ್ಳದಿದ್ದರೆ ಮತ್ತು ನೀವು ಕ್ರೆಡಿಟ್ ಕಾರ್ಡ್ ಅನ್ನು ಬಳಸದಿದ್ದರೆ, ನೀವು ಯಾವುದೇ ಕ್ರೆಡಿಟ್ ಇತಿಹಾಸವನ್ನು ಹೊಂದಿಲ್ಲದೇ ಇದ್ದರೆ, ನಿಮ್ಮ ಕ್ರೆಡಿಟ್ ಸ್ಕೋರ್ -1 ಆಗುತ್ತದೆ. ಸಾಮಾನ್ಯ ಭಾಷೆಯಲ್ಲಿ ಇದನ್ನು ಜೀರೋ ಕ್ರೆಡಿಟ್ ಸ್ಕೋರ್ ಎನ್ನುತ್ತಾರೆ.
ಸೊನ್ನೆ ಅಥವಾ ಕೆಟ್ಟ ಸಿಬಿಲ್ ಸ್ಕೋರ್ ಇದ್ದರೂ ಈ ಲೋನ್ ಸಿಗುತ್ತದೆ: ಶೂನ್ಯ CIBIL ಸ್ಕೋರ್ನಿಂದಾಗಿ ಬ್ಯಾಂಕ್ ನಿಮಗೆ ಸಾಲ ನೀಡಲು ನಿರಾಕರಿಸಿದರೆ, ಸಿಬಿಲ್ ಸ್ಕೋರ್ ಮೀಟರ್ ಸ್ಟಾರ್ಟ್ ಆಗೋದು ಯಾವಾಗ ಅನ್ನೋ ಪ್ರಶ್ನೆಗಳು ನಿಮಗೆ ಇದ್ದಿರಬಹುದು. ನೀವು ಸ್ಕೋರ್ ಏರಿಸಿಕೊಳ್ಳಲು, ಸಾಲವನ್ನು ತೆಗೆದುಕೊಳ್ಳಬೇಕಾಗುತ್ತದೆ ಮತ್ತು ಅದನ್ನು ಮರುಪಾವತಿ ಮಾಡುವ ಮೂಲಕ ನಿಮ್ಮ ಕ್ರೆಡಿಟ್ ಹಿಸ್ಟರಿಯನ್ನು ಏರಿಸಿಕೊಳ್ಳಬೇಕು. ಅಂತಹ ಪರಿಸ್ಥಿತಿಯಲ್ಲಿ, ನೀವು FD ಅಂದರೆ ಫಿಕ್ಸೆಡ್ ಡೆಪಾಸಿಟ್ ಮೇಲೆ ಲೋನ್ ತೆಗೆದುಕೊಳ್ಳುವ ಆಯ್ಕೆ ಮಾಡಬೇಕು. ಈ ಸಾಲದ ಸಂದರ್ಭದಲ್ಲಿ, ಬ್ಯಾಂಕ್ಗಳು ನಿಮ್ಮ CIBIL ಸ್ಕೋರ್ ಅನ್ನು ಪರಿಶೀಲಿಸುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಶೂನ್ಯ ಅಥವಾ ಕಳಪೆ CIBIL ಸ್ಕೋರ್ ಹೊಂದಿದ್ದರೂ ಸಹ ಈ ಸಾಲವನ್ನು ಅನುಮೋದಿಸಲಾಗುತ್ತದೆ. ಇದನ್ನು ತೆಗೆದುಕೊಳ್ಳುವಾಗ, ಬ್ಯಾಂಕ್ ನಿಮ್ಮ FD ಅನ್ನು ಭದ್ರತೆ/ಖಾತರಿಯಾಗಿ ಅಡಮಾನ ಮಾಡುತ್ತದೆ.
ಸ್ಕೋರ್ ಮೈನಸ್ನಲ್ಲಿರುವವರ ಕ್ರೆಡಿಟ್ ಸ್ಕೋರ್ ಅನ್ನು ಹೆಚ್ಚಿಸಲು ಇದು ಉತ್ತಮ ಮಾರ್ಗವಾಗಿದೆ. ನೀವು ಎಫ್ಡಿಯಲ್ಲಿ ಸಾಲವನ್ನು ತೆಗೆದುಕೊಂಡ ತಕ್ಷಣ, ನಿಮ್ಮ ಸಾಲವು ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಪ್ರಾರಂಭವಾಗುತ್ತದೆ. ಇದರ ನಂತರ, ನೀವು ಸಮಯಕ್ಕೆ ಕಂತುಗಳನ್ನು ಪಾವತಿಸುವ ಮೂಲಕ ಮರುಪಾವತಿ ಮಾಡಬಹುದು. ಇದು ನಿಮ್ಮ ಮರುಪಾವತಿ ಇತಿಹಾಸವನ್ನು ಅಭಿವೃದ್ಧಿಪಡಿಸುತ್ತದೆ ಮತ್ತು ನಿಮ್ಮ ಕ್ರೆಡಿಟ್ ಸ್ಕೋರ್ ಸ್ವಲ್ಪವೇ ಸಮಯದಲ್ಲಿ ಹೆಚ್ಚಾಗುತ್ತದೆ. ನೀವು ಬಯಸಿದರೆ, ಕ್ರೆಡಿಟ್ ಕಾರ್ಡ್ ಬಳಸಿ ಮತ್ತು ಸಕಾಲಿಕ ಪಾವತಿಗಳನ್ನು ಮಾಡುವ ಮೂಲಕ ನಿಮ್ಮ ಕ್ರೆಡಿಟ್ ಸ್ಕೋರ್ ಅನ್ನು ನೀವು ಸುಧಾರಿಸಬಹುದು. ಒಮ್ಮೆ ಕ್ರೆಡಿಟ್ ಸ್ಕೋರ್ ಸುಧಾರಿಸಿದರೆ, ನೀವು ಬ್ಯಾಂಕ್ನಿಂದ ಯಾವುದೇ ಸಾಲವನ್ನು ಸುಲಭವಾಗಿ ತೆಗೆದುಕೊಳ್ಳಬಹುದು.
ಮರುಪಾವತಿ ಅವಧಿ ಹೇಗೆ?: ಎಫ್ಡಿ ವಿರುದ್ಧ ತೆಗೆದುಕೊಂಡ ಸಾಲದ ಅವಧಿಯು ನಿಮ್ಮ ಎಫ್ಡಿ ಅವಧಿಯನ್ನು ಅವಲಂಬಿಸಿರುತ್ತದೆ. ಎಫ್ಡಿ ವಿರುದ್ಧ ನೀವು ಯಾವುದೇ ಸಾಲವನ್ನು ತೆಗೆದುಕೊಂಡಿದ್ದರೂ, ಅದನ್ನು ಸ್ಥಿರ ಠೇವಣಿಯ ಮುಕ್ತಾಯದ ಮೊದಲು ಮರುಪಾವತಿ ಮಾಡಬೇಕು. ಎಫ್ಡಿ ವಿರುದ್ಧ ತೆಗೆದುಕೊಂಡ ಸಾಲವು ಸಾಮಾನ್ಯವಾಗಿ ಎಫ್ಡಿ ಮೇಲಿನ ಬಡ್ಡಿ ದರಕ್ಕಿಂತ 2% ಹೆಚ್ಚಿನ ಬಡ್ಡಿ ಹೊಂದಿರುತ್ತದೆ. ಅಂದರೆ, ನಿಮ್ಮ ಎಫ್ಡಿಗೆ 8%ರಷ್ಟು ಬಡ್ಡಿ ಇದ್ದರೆ, ನೀವು ತೆಗೆದುಕೊಂಡ ಎಫ್ಡಿ ಮೇಲಿನ ಸಾಲಕ್ಕೆ 10%ರಷ್ಟು ಬಡ್ಡಿ ಇರುತ್ತದೆ. ಆದರೆ ಈ ಸಾಲದ ಮೇಲೆ ಪ್ರಕ್ರಿಯೆ ಶುಲ್ಕ ಇತ್ಯಾದಿಗಳನ್ನು ನಿಮ್ಮಿಂದ ವಿಧಿಸಲಾಗುವುದಿಲ್ಲ.
chikkamagaluru: ಕಾಫಿನಾಡಲ್ಲಿ ಕಾಮುಕ, ಬೀದಿನಾಯಿಗಳ ಜೊತೆ ಸೆಕ್ಸ್!
ಕ್ರೆಡಿಟ್ ಸ್ಕೋರ್ ಎಷ್ಟಿರಬೇಕು?: CIBIL ಸ್ಕೋರ್ 300 ರಿಂದ 900 ರವರೆಗೆ ಇರುತ್ತದೆ. ನಿಮ್ಮ ಸ್ಕೋರ್ ಉತ್ತಮವಾಗಿರುತ್ತದೆ, ಸಾಲವನ್ನು ಪಡೆಯುವುದು ಸುಲಭವಾಗಿದೆ ಮತ್ತು ನೀವು ಅದನ್ನು ಉತ್ತಮ ಬಡ್ಡಿದರದಲ್ಲಿ ಪಡೆಯುತ್ತೀರಿ. ಸಾಮಾನ್ಯವಾಗಿ, ಬ್ಯಾಂಕ್ಗಳು 750 ಅಥವಾ ಅದಕ್ಕಿಂತ ಹೆಚ್ಚಿನ ಸ್ಕೋರ್ ಅನ್ನು ಉತ್ತಮವೆಂದು ಪರಿಗಣಿಸುತ್ತವೆ.
ಕುಮಾರಸ್ವಾಮಿಗೆ 'ಕರಿಯ..' ಎಂದ ಜಮೀರ್, ಜನಾಂಗೀಯ ದ್ವೇಷದ ಮಾತಿಗೆ ಜೆಡಿಎಸ್ ಆಕ್ರೋಶ!
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.