ಮುಂಬೈನ 3 ಎಕರೆ ಜಾಗಕ್ಕೆ ಜಪಾನ್ ಸಂಸ್ಥೆ 2238 ಕೋಟಿ ರೂ. ಬಿಡ್!
ಸಾರಾಂಶ
ಮುಂಬೈ: 3 ಎಕರೆ ಜಾಗಕ್ಕೆ 2238 ಕೋಟಿ ರೂಪಾಯಿ ಬಿಡ್ ಮಾಡಿದ ಜಪಾನ್ ಕಂಪನಿ| ಸೆಂಟ್ರಲ್ ಮುಂಬೈನ ಬಾಂದ್ರಾ- ಕುರ್ಲಾ ಕಾಂಪ್ಲೆಕ್ಸ್ನ ಜಾಗ
ಮುಂಬೈ[ಜೂ.27]: ಜಪಾನ್ ಮೂಲದ ಬಹುರಾಷ್ಟ್ರೀಯ ಕಂಪನಿ ಸುಮಿಟಾಮೊ ಕಾರ್ಪೊರೇಷನ್, ಭಾರತದ ವಾಣಿಜ್ಯ ರಾಜಧಾನಿ ಮುಂಬೈನಲ್ಲಿ 3 ಎಕರೆ ಭೂಮಿಗೆ ಖರೀದಿಗೆ ನಿರ್ಧರಿಸಿದೆ. ಇದಕ್ಕಾಗಿ ಅದು ಭರ್ಜರಿ 2238 ಕೋಟಿ ರು. ಬಿಡ್ ಮಾಡಿದೆ.
ಸೆಂಟ್ರಲ್ ಮುಂಬೈನ ಬಾಂದ್ರಾ- ಕುರ್ಲಾ ಕಾಂಪ್ಲೆಕ್ಸ್ನಲ್ಲಿ ಈ ಜಾಗವಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಮುಂಬೈ ಮೆಟ್ರೋಪಾಲಿಟನ್ ಪ್ರಾಂತ್ಯದ ಅಭಿವೃದ್ಧಿ ಪ್ರಾಧಿಕಾರದ ಕಾರ್ಯಕಾರಿ ದಿಲೀಪ್ ಕವತ್ಕಾರ್ ಅವರು, ‘ಜಮೀನು ಖರೀದಿಗೆ ಜಪಾನ್ ಕಂಪನಿ ಬಿಡ್ ಸಲ್ಲಿಕೆ ಮಾಡಿದೆ.
ಆದಾಗ್ಯೂ, ಈ ಬಗ್ಗೆ ಪರಿಶೀಲನೆ ಕೈಗೊಂಡು, ಮುಂದಿನ ಪ್ರಕ್ರಿಯೆ ಕೈಗೊಳ್ಳುತ್ತೇವೆ. ಇದಕ್ಕೆ ನಿರ್ದಿಷ್ಟಕಾಲಮಿತಿ ಇರುವುದಿಲ್ಲ’ ಎಂದು ತಿಳಿಸಿದ್ದಾರೆ. ಈ ಪ್ರಕಾರ ಒಂದು ವೇಳೆ ಜಪಾನ್ ಕಂಪನಿ ಈ ಜಮೀನನ್ನು ಖರೀದಿಸಿದ್ದೆ ಆದಲ್ಲಿ, ಪ್ರತೀ ಎಕರೆ ಭೂಮಿಗೆ ಕನಿಷ್ಠ 745 ಕೋಟಿ ರು. ನೀಡಿ ಖರೀದಿಸಿದಂತಾಗಲಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.