ಮೋದಿ 2.0 ಗೆ ಮೊದಲ ಕಹಿ ಅನುಭವ: ಆರಂಭದಲ್ಲೇ ಸರ್ಕಾರಕ್ಕೆ ಢವ ಢವ!

ಮೋದಿ 2.0 ಸರ್ಕಾರಕ್ಕೆ ಅಧಿಕೃತ ಚಾಲನೆ| ಅಧಿಕಾರ ಸ್ವೀಕರಿಸಿದ ಮರುಕ್ಷಣದಲ್ಲೇ ಮೋದಿಗೆ ಹೊಸ ಸವಾಲು| ಮೋದಿ 2.0 ಸರ್ಕಾರಕ್ಕೆ ಎದುರಾಯ್ತು ಮೊದಲ ಕಹಿ ಅನುಭವ| ಅತ್ಯಂತ ವೇಗವಾಗಿ ಆರ್ಥಿಕ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರ ಎಂಬ ಹಣೆಪಟ್ಟಿ ಕಳಚಿದ ಭಾರತ| ಒಂದುವರೆ ವರ್ಷದ ಬಳಿಕ ಮತ್ತೆ ಅಧಿಪತ್ಯ ಸಾಧಿಸಿದ ಚೀನಾ| ಜನೆವರಿ-ಮಾರ್ಚ್ ಅವಧಿಯಲ್ಲಿ ಕೇವಲ ಶೇ. 5.8ರಷ್ಟು ಜಡಿಪಿ ಬೆಳವಣಿಗೆ| ಇದೇ ಅವಧಿಯಲ್ಲಿ ಶೇ. 6.8ರಷ್ಟು ಜಿಡಿಪಿ ದಾಖಲಿಸಿದ ಚೀನಾ|

ನವದೆಹಲಿ(ಮೇ.31): ಇಡೀ ಭಾರತ ಪ್ರಧಾನಿ ನರೇಂದ್ರ ಮೋದಿ ಅವರ ಎರಡನೇ ಅವಧಿಯನ್ನು ಅತ್ಯಂತ ವಿಜೃಂಭಣೆಯಿಂದ ಸ್ವಾಗತಿಸಿದೆ. ಮೋದಿ ಪ್ರಧಾನಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಬಳಿಕ, ಮೋದಿ 2.0 ಸರ್ಕಾರಕ್ಕೆ ಅಧಿಕೃತ ಚಾಲನೆಯೂ ದೊರೆತಿದೆ.

ಈ ಮಧ್ಯೆ ಹೊಸ ಸರ್ಕಾರಕ್ಕೆ ಮೊದಲ ಕಹಿ ಅನುಭವವೊಂದು ಎದುರಾಗಿದ್ದು, ಇಡೀ ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಆರ್ಥಿಕ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರ ಎಂಬ ಪಟ್ಟವನ್ನು ಭಾರತ ಕಳೆದುಕೊಂಡಿದೆ.

ಕಳೆದ ಜನೆವರಿ-ಮಾರ್ಚ್ ಅವಧಿಯ ಜಡಿಪಿ ಬೆಳವಣಿಗೆ ಕುರಿತು ಕೇಂದ್ರ ಸರ್ಕಾರ ಅಂಕಿ ಅಂಶ ಪ್ರಕಟಿಸಿದ್ದು, ಈ ಅವಧಿಯಲ್ಲಿ ಭಾರತದ ಜಿಡಿಪಿ ಬೆಳವಣಿಗೆ ಕೇವಲ ಶೇ. 5.8ರಷ್ಟು ದಾಖಲಾಗಿದೆ. ಈ ಹಿನ್ನೆಲೆಯಲ್ಲಿ ಕಳೇದ ಒಂದುವರೆ ವರ್ಷದಿಂದ ಇಡೀ ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಆರ್ಥಿಕ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರ ಎಂಬ ಹೆಗ್ಗಳಿಕೆ ಪಡೆದಿದ್ದ ಭಾರತ, ಇದೀಗ ಈ ಪಟ್ಟವನ್ನು ಚೀನಾಗೆ ಬಿಟ್ಟು ಕೊಟ್ಟಿದೆ.

ಇದೇ ಅವಧಿಯಲ್ಲಿ ಚೀನಾದ ಜಿಡಿಪಿ ಬೆಳವಣಿಗೆ ಶೇ. 6.8ರಷ್ಟು ದಾಖಲಾಗಿದ್ದು, ಒಂದುವರೆ ವರ್ಷದ ಬಳಿಕ ಇಡೀ ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಆರ್ಥಿಕ ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರ ಎಂಬ ಪಟ್ಟವನ್ನು ಚೀನಾ ಮರಳಿ ಪಡೆದಿದೆ.