ಚಂದ್ರಯಾನ-3 ಯಶಸ್ಸಿನ ಬಳಿಕ ಭಾರತದ ನೂತನ ಬಿಲಿಯನೇರ್ ಆಗಿ ಹೊರಹೊಮ್ಮಿದ 60 ವರ್ಷದ ಇಂಜಿನಿಯರ್!
ಸಾರಾಂಶ
ಚಂದ್ರಯಾನ-3 ಸಾಫ್ಟ್ ಚಂದ್ರನ ದಕ್ಷಿಣ ಭಾಗದಲ್ಲಿ ಇಳಿದು ಜಗತ್ತೇ ಭಾರತದತ್ತ ನೋಡುವಂತೆ ಮಾಡಿತು. ಆದರೆ ಇದು 60 ವರ್ಷದ ಇಂಜಿನಿಯರ್ ಒಬ್ಬರ ನಿವ್ವಳ ಮೌಲ್ಯವನ್ನು ಹೆಚ್ಚಿಸುವಂತೆ ಕೂಡ ಮಾಡಿ. ಭಾರತದ ಬಿಲಿಯನೇರ್ ಆದರು.
ಚಂದ್ರಯಾನ-3 ಐತಿಹಾಸಿಕ ಸಾಧನೆ ಬಳಿಕ ಹಲವು ಪ್ರಥಮಳಿಗೆ ಮುನ್ನುಡಿ ಬರೆಯಿತು. ಭಾರತದ ಹಲವು ಉದ್ಯಮಗಳು ಕೂಡ ಇಸ್ರೋಗೆ ಸಹಾಯ ಮಾಡಿತು. ಕಡಿಮೆ ಬಜೆಟ್ನಲ್ಲಿ ಉತ್ತಮ ಬಿಡಿಭಾಗಗಳನ್ನು ನೀಡಿತು. ಚಂದ್ರಯಾನ-3 ಸಾಫ್ಟ್ ಚಂದ್ರನ ದಕ್ಷಿಣ ಭಾಗದಲ್ಲಿ ಇಳಿದು ಜಗತ್ತೇ ಭಾರತದತ್ತ ನೋಡುವಂತೆ ಮಾಡಿತು. ಆದರೆ ಇದು 60 ವರ್ಷದ ಇಂಜಿನಿಯರ್ ಒಬ್ಬರ ನಿವ್ವಳ ಮೌಲ್ಯವನ್ನು ಹೆಚ್ಚಿಸುವಂತೆ ಕೂಡ ಮಾಡಿತು.
ಯಶಸ್ವಿ ಬಾಹ್ಯಾಕಾಶ ಮಿಷನ್ ಭಾರತದ ಬಾಹ್ಯಾಕಾಶ ಪರಿಶೋಧನೆಯ ಭವಿಷ್ಯವನ್ನು ಮಾತ್ರವಲ್ಲದೆ ಅದರ ಹಿಂದೆ ಕೆಲಸ ಮಾಡುವ ಇಡೀ ಉದ್ಯಮದ ದಿಕ್ಕನ್ನೇ ಬದಲಾಯಿಸಿತು. ಚಂದ್ರಯಾನ-3 ಯಶಸ್ಸಿನಿಂದ ಭಾರಿ ಲಾಭ ಪಡೆದ ಅಂತಹ ವ್ಯಕ್ತಿಗಳಲ್ಲಿ ಒಬ್ಬರು ರಮೇಶ್ ಕುಂಞಿಕಣ್ಣನ್, ಅವರು ಈಗ ಅಧಿಕೃತವಾಗಿ 9,166 ಕೋಟಿ ರೂ (1.1 ಬಿಲಿಯನ್ ಡಾಲರ್) ನಿವ್ವಳ ಮೌಲ್ಯದೊಂದಿಗೆ ಬಿಲಿಯನೇರ್ ಆಗಿದ್ದಾರೆ.
Chandrayan 4: ಚಂದ್ರನ ನೆಲದಿಂದ ಮಣ್ಣನ್ನು ಭೂಮಿಗೆ ವಾಪಾಸ್ ತರಲಿದೆ ಇಸ್ರೋ!
ರಮೇಶ್ ಕುಂಞಿಕಣ್ಣನ್ ಅವರು ಕೇನ್ಸ್ ಟೆಕ್ನಾಲಜಿಯ ಸಂಸ್ಥಾಪಕರು, ಚಂದ್ರಯಾನ-3 ಮಿಷನ್ನಲ್ಲಿ ಲ್ಯಾಂಡರ್ ಮತ್ತು ರೋವರ್ಗೆ ವಿದ್ಯುತ್ ಘಟಕಗಳ ಪ್ರಮುಖ ಪೂರೈಕೆದಾರ. ರಮೇಶ್ ಕುಂಞಿಕಣ್ಣನ್ ಅವರು 1989 ರಲ್ಲಿ ಕೇನ್ಸ್ ಟೆಕ್ನಾಲಜಿಯನ್ನು ಸ್ಥಾಪಿಸಿದರು ಮತ್ತು ವರ್ಷಗಳಲ್ಲಿ ಅವರು ಅದನ್ನು ಹೊಸ ಎತ್ತರಕ್ಕೆ ಏರಿಸಿದರು. ಆರಂಭದಲ್ಲಿ, ಕಂಪನಿಯು ಒಪ್ಪಂದದ ಎಲೆಕ್ಟ್ರಾನಿಕ್ಸ್ ತಯಾರಕರಾಗಿ ಕಾರ್ಯನಿರ್ವಹಿಸುತ್ತಿತ್ತು ಆದರೆ ಕಾಲಾನಂತರದಲ್ಲಿ ಇದು ಆಟೋಮೋಟಿವ್, ಏರೋಸ್ಪೇಸ್, ವೈದ್ಯಕೀಯ ಮತ್ತು ರಕ್ಷಣಾ ಉದ್ಯಮಗಳು ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ತೊಡಗಿತು. ಕುಂಞಿಕಣ್ಣನ್ 2022 ರಲ್ಲಿ ಕಂಪನಿಯನ್ನು ಸಾರ್ವಜನಿಕಗೊಳಿಸಿದರು.
ಮೈಸೂರಿನಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಕೇನ್ಸ್ ಟೆಕ್ನಾಲಜಿ ಪ್ರಿಂಟೆಡ್ ಸರ್ಕ್ಯೂಟ್ ಬೋರ್ಡ್ಗಳನ್ನು ಜೋಡಿಸುವಲ್ಲಿ ಪರಿಣತಿಯನ್ನು ಹೊಂದಿದೆ ಮತ್ತು ಇದು ಜಗತ್ತಿನಾದ್ಯಂತ 350 ಕ್ಲೈಂಟ್ಗಳಿಗೆ ಸರಬರಾಜು ಮಾಡುತ್ತದೆ. ಇದು ಭಾರತದಾದ್ಯಂತ ಎಂಟು ಕಾರ್ಖಾನೆಗಳನ್ನು ಹೊಂದಿದೆ. ರಮೇಶ್ ಕುಂಞಿಕಣ್ಣನ್ ಅವರು ಪ್ರಸ್ತುತ ಕಂಪನಿಯಲ್ಲಿ 64% ಪಾಲನ್ನು ಹೊಂದಿದ್ದಾರೆ ಮತ್ತು ಇತ್ತೀಚಿನ ವರ್ಷಗಳಲ್ಲಿ ಅವರು ಕೇಂದ್ರದ ‘ಮೇಕ್ ಇನ್ ಇಂಡಿಯಾ’ ಕಾರ್ಯಕ್ರಮದಿಂದ ಲಾಭ ಪಡೆದರು.
ಮತ್ತೆ ಭೂಮಿಗೆ ಬಂದ ಚಂದ್ರಯಾನ-3 ರಾಕೆಟ್: ಪೆಸಿಫಿಕ್ ಸಾಗರಕ್ಕೆ ಬಿದ್ದ ಅವಶೇಷ
ಕುಂಞಿಕಣ್ಣನ್ 1988 ರಲ್ಲಿ ನಮ್ಮ ಕಂಪನಿಯ ಪ್ರಾರಂಭದಿಂದಲೂ ಅದರ ಭಾಗವಾಗಿದ್ದಾರೆ. ಅವರು ಮೈಸೂರಿನ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಇಂಜಿನಿಯರಿಂಗ್ನಲ್ಲಿ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಹೊಂದಿದ್ದಾರೆ. ಅವರು ಎಲೆಕ್ಟ್ರಾನಿಕ್ ಉತ್ಪಾದನಾ ಸೇವೆಗಳ ಉದ್ಯಮದಲ್ಲಿ 33 ವರ್ಷಗಳ ಅನುಭವವನ್ನು ಹೊಂದಿದ್ದಾರೆ
ಕೇನ್ಸ್ ಟೆಕ್ನಾಲಜಿಯ ಷೇರಿನ ಮೌಲ್ಯವು ಸ್ಟಾಕ್ ಎಕ್ಸ್ಚೇಂಜ್ನಲ್ಲಿ ಪ್ರಾರಂಭವಾದಾಗಿನಿಂದ ಈಗಾಗಲೇ ಮೂರು ಪಟ್ಟು ಹೆಚ್ಚಾಗಿದೆ ಮತ್ತು ಚಂದ್ರಯಾನ-3 ಮಿಷನ್ನ ಹಿಂದಿನ ಪ್ರಮುಖ ಕಂಪನಿಗಳಲ್ಲಿ ಒಂದೆಂದು ಮನ್ನಣೆ ಪಡೆದ ನಂತರ ಅದು ಮತ್ತೊಂದು 40% ಹೆಚ್ಚಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.