ಆರ್ಥಿಕ ಸಮೀಕ್ಷೆ ವಿಕಿಪಿಡಿಯಾದಿಂದ ಕದ್ದರಾ?: ಕಳ್ಳತನದ ಆರೋಪದಲ್ಲಿ ಸರ್ಕಾರ!
ಸಾರಾಂಶ
11 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಕುಸಿದಿರುವ ದೇಶದ ಆರ್ಥಿಕಾಭಿವೃದ್ಧಿ ದರ (ಜಿಡಿಪಿ) ಶೀಘ್ರದಲ್ಲೇ ಪುಟಿದೇಳಲಿದೆ. ಏ.1ರಿಂದ ಆರಂಭವಾಗಲಿರುವ ಮುಂದಿನ ವಿತ್ತೀಯ ವರ್ಷದಲ್ಲಿ ಜಿಡಿಪಿ ಶೇ.6ರಿಂದ ಶೇ.6.5ರವರೆಗೂ ಏರಿಕೆಯಾಗಲಿದೆ ಎಂದು 2019-2020ನೇ ಸಾಲಿನ ಆರ್ಥಿಕ ಸಮೀಕ್ಷಾ ವರದಿ ಭವಿಷ್ಯ ನುಡಿದಿದೆ.
ನವದೆಹಲಿ (ಫೆ. 01): ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡನೆ ಮಾಡಿದ 2019-20ನೇ ಸಾಲಿನ ಆರ್ಥಿಕ ಸಮೀಕ್ಷಾ ವರದಿಗಾಗಿ ಕೆಲವು ಅಂಶಗಳನ್ನು ವಿಕಿಪಿಡಿಯಾದಿಂದ ಎರವಲು ಪಡೆಯಲಾಗಿದೆ. ವಿಕಿಪಿಡಿಯಾ ಅಷ್ಟೇ ಅಲ್ಲದೆ, ಖಾಸಗಿ ಸಂಸ್ಥೆಗಳಾದ ಬ್ಲೂಮ್ಬರ್ಗ್, ಐಸಿಆರ್ಎ, ಸಿಎಂಐಇ, ಬೆಂಗಳೂರಿನ ಐಐಎಂ, ಫೋಬ್ಸ್ರ್ ಹಾಗೂ ಬಿಎಸ್ಇ ಅಂಶಗಳನ್ನೊಳಗೊಂಡಿದೆ.
ಕೇಂದ್ರ ಬಜೆಟ್ 2020 ತಯಾರಾಗಿದ್ದು ಹೀಗೆ
ಜೊತೆಗೆ, ಹೆರಿಟೇಜ್.ಆರ್ಗ್, ಫ್ರೆಸಿರನ್ಸ್ಟಿಟ್ಯುಟ್.ಆರ್ಗ್ ಮತ್ತು ಆ್ಯಂಬಿಟ್ ಕ್ಯಾಪಿಟಲ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ, ವಿಶ್ವ ಬ್ಯಾಂಕ್, ಭಾರತೀಯ ರಿಜವ್ರ್ ಬ್ಯಾಂಕ್, ಸಹಕಾರ ವ್ಯವಹಾರಗಳ ಸಚಿವಾಲಯ, ಭಾರತೀಯ ದಿವಾಳಿ ಮಂಡಳಿ, ಸಿಬಿಲ್, ರಾಷ್ಟ್ರೀಯ ಮಾದರಿ ಸಮೀಕ್ಷೆ ಕಚೇರಿ, ಗ್ರಾಹಕ ವ್ಯವಹಾರಗಳ ಇಲಾಖೆ, ವಿಶ್ವಸಂಸ್ಥೆ ಹಾಗೂ ಎಸ್ಐಡಿಬಿಐ ಅಂಶಗಳನ್ನು ಒಳಗೊಂಡಿದೆ.
'ಬಹೀ ಖಾತಾ' ಎಂಬ ಅಕ್ಷಯ ಪಾತ್ರೆ: ಸಂಸತ್ತಿಗೆ ಬಂತು ನಿರ್ಮಲಾ ದಂಡಯಾತ್ರೆ!
ಶ್ರೀಮದ್ ಭಗವದ್ಗೀತಾ, ಋುಗ್ವೇದ, ಅರ್ಥಶಾಸ್ತ್ರದ ಪಿತಾಮಹ ಆ್ಯಡಂ ಸ್ಮಿತ್ ಅವರ ಆ್ಯನ್ ಎಂಕ್ವೆರಿ ಇನ್ಟು ದಿ ನೇಚರ್ ಅಂಡ್ ಕಾಸಸ್ ಆಫ್ದಿ ವೆಲ್ತ್ ಆಫ್ ನೇಷನ್ಸ್(ರಾಷ್ಟ್ರಗಳ ಸಂಪತ್ತಿನ ಪರಿಣಾಮ ಹಾಗೂ ಲಕ್ಷಣಗಳ ಪರೀಕ್ಷೆ) ಕೃತಿ, ಕೌಟಿಲ್ಯನ ಅರ್ಥಶಾಸ್ತ್ರ ಹಾಗೂ ತಮಿಳಿನ ಸಂತ ಹಾಗೂ ತತ್ವಜ್ಞಾನಿ ತಿರುವಳ್ಳುವರ್ ಅವರ ತಿರುಕುರಲ್ ಕೃತಿಗಳಿಂದ ಹಲವು ವಿಚಾರಗಳನ್ನು 2019-20ನೇ ಸಾಲಿನ ಆರ್ಥಿಕ ಸಮೀಕ್ಷಾ ವರದಿ ಒಳಗೊಂಡಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.