ಬ್ಯಾಂಕ್ ಕೆಲಸ ಬಿಟ್ಟು 5000ರೂ.ಗೆ ಬ್ಯುಸಿನೆಸ್ ಸ್ಟಾರ್ಟ್ ಮಾಡಿದ ಯುವತಿ ಇಂದು ಲಕ್ಷಾಧಿಪತಿ

ದಿಶಿಸ್ ಡಿಸೈನರ್ ಜ್ಯುವೆಲ್ಲರಿ ಬಹಳ ಜನಪ್ರಿಯ ಜ್ಯುವೆಲರಿ ಬ್ರಾಂಡ್ ಆಗಿದ್ದು, ಇದನ್ನು ದೆಹಲಿ ಮೂಲದ ಯುವತಿ ದಿಶಿ ಸೋಮಾನಿ 2015 ರಲ್ಲಿ ಪ್ರಾರಂಭಿಸಿದರು. ಹಾಗಿದ್ರೆ ದಿಶಿ ಸೋಮಾನಿಯ ಯಶಸ್ಸಿನ ಹಿಂದಿನ ಕಥೆಯೇನು ಎಂಬುದನ್ನು ಈ ಲೇಖನದಲ್ಲಿ ಓದಿ. 

ಇಂದು ನಾವು ದೆಹಲಿಯ ಯುವತಿಯೊಬ್ಬಳು ಬ್ಯಾಂಕಿನಲ್ಲಿ ತನ್ನ ಉತ್ತಮ ಕೆಲಸವನ್ನು ಬಿಟ್ಟು ವ್ಯವಹಾರ ಜಗತ್ತಿಗೆ ಪ್ರವೇಶಿಸಿದ ಕಥೆಯ ಬಗ್ಗೆ ನಿಮಗೆ ಹೇಳಲಿದ್ದೇವೆ. ತಮ್ಮ ಉದ್ಯೋಗ ತೊರೆದು ವ್ಯವಹಾರವನ್ನು ಪ್ರಾರಂಭಿಸಲು ನಿರ್ಧರಿಸುವವರು ಬಹಳ ಕಡಿಮೆ. ಇದಕ್ಕೆ ಕಾರಣವೆಂದರೆ ವ್ಯವಹಾರ ಮಾಡುವಾಗ ಸಾಕಷ್ಟು ರಿಸ್ಕ್ ಇರುತ್ತದೆ. ಆದರೆ ದೆಹಲಿಯ ಈ ಯುವತಿ ಕೇವಲ 5000 ರೂ.ಗಳೊಂದಿಗೆ ತನ್ನ ವ್ಯವಹಾರವನ್ನು ಪ್ರಾರಂಭಿಸಿದರು. ಇಂದು ಈ ಬ್ರ್ಯಾಂಡ್ ಲಕ್ಷಗಟ್ಟಲೆ ವಹಿವಾಟು ನಡೆಸುತ್ತಿದೆ. ಆ ಯುವತಿ ಬೇರಾರೂ ಅಲ್ಲ, ದೆಹಲಿಯ ನಿವಾಸಿ ದಿಶಿ ಸೋಮಾನಿ. ದಿಶಿ ಸೋಮಾನಿ 2015 ರಲ್ಲಿ ತನ್ನ ಜ್ಯುವೆಲರಿ ಬ್ಯುಸಿನೆಸ್ ಪ್ರಾರಂಭಿಸಿದರು. ಅದು ಇಂದು 75 ಲಕ್ಷ ರೂ.ಗಳ ವಹಿವಾಟು ನಡೆಸಿದೆ.

ಎಂಬಿಎ ನಂತರ ಬ್ಯಾಂಕ್ ಕೆಲಸ
ದಿಶಿ ಸೋಮಾನಿ 2013 ರಲ್ಲಿ ಆಕ್ಸಿಸ್ ಬ್ಯಾಂಕಿನಲ್ಲಿ ತನ್ನ ಕೆಲಸವನ್ನು ತೊರೆದರು. ನಂತರ ಅವರು ಆಭರಣ ವಿನ್ಯಾಸದಲ್ಲಿ ಕೋರ್ಸ್ ಮಾಡಿದರು. ದಿಶಿ ಆರ್ಕೆ ಪುರಂನ ಡೆಲ್ಲಿ ಪಬ್ಲಿಕ್ ಸ್ಕೂಲ್ ವಿದ್ಯಾರ್ಥಿನಿಯಾಗಿದ್ದರು. ದೆಹಲಿ ವಿಶ್ವವಿದ್ಯಾಲಯದಿಂದ ಬಿ.ಕಾಂ (ಆನರ್ಸ್) ಪದವಿ ಪಡೆದಿದ್ದಾರೆ. 2010 ರಲ್ಲಿ ಐಎಂಟಿ ದುಬೈನಿಂದ ಎಂಬಿಎ ಮಾಡಿದರು. ದೆಹಲಿಗೆ ಹಿಂದಿರುಗಿದ ನಂತರ ದಿಶಿ ಐಸಿಐಸಿಐ ಬ್ಯಾಂಕ್, ನಂತರ ಆಕ್ಸಿಸ್ ಬ್ಯಾಂಕಿನಲ್ಲಿ ಸಹಾಯಕ ವ್ಯವಸ್ಥಾಪಕಿಯಾಗಿ ಕೆಲಸ ಮಾಡಿದರು. ದಿಶಿಗೆ ಕೆಲಸದಲ್ಲಿ ಉತ್ತಮ ಸಂಬಳ ಸಿಕ್ಕಿತು. ಆದರೆ, ಅವರು ಕ್ರಿಯೇಟಿವ್ ಆಗಿ ಏನನ್ನಾದರೂ ಮಾಡಲು ಬಯಸಿದ್ದರು. ದಿಶಿ ಅವರ ಪೋಷಕರು ಸಹ ವಿಶೇಷವಾಗಿ ಶಿಕ್ಷಣ ತಜ್ಞರಾಗಿರುವುದರಿಂದ ಕೆಲಸವನ್ನು ಬಿಡುವ ನಿರ್ಧಾರದ ಬಗ್ಗೆ ಚಿಂತಿತರಾಗಿದ್ದರು. ಆದರೆ ಕೆಲಸವನ್ನು ತೊರೆದ ನಂತರ ದಿಶಿ ಅವರ ವಿನ್ಯಾಸದ ಉತ್ಸಾಹವನ್ನು ಪೂರೈಸಿದರು. ಆಗ ದಿಶಿ ನವದೆಹಲಿಯ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಜೆಮ್ಸ್ ಅಂಡ್ ಜ್ಯುವೆಲರಿಯಿಂದ ಆಭರಣ ವಿನ್ಯಾಸ ಮತ್ತು ಉತ್ಪಾದನೆಯಲ್ಲಿ ಡಿಪ್ಲೊಮಾ ಮಾಡಿದರು.

5000 ರೂ. ಹೂಡಿಕೆಯ ವ್ಯವಹಾರ
ದಿಶಿ 2015 ರಲ್ಲಿ ಕೇವಲ 5000 ರೂ. ಹೂಡಿಕೆಯೊಂದಿಗೆ ತನ್ನ ಜ್ಯುವೆಲರಿ ಬ್ಯುಸಿನೆಸ್ ಪ್ರಾರಂಭಿಸಿದರು. ಇದನ್ನು ದಿಶಿಸ್ ಡಿಸೈನರ್ ಜ್ಯುವೆಲ್ಲರಿ (Dishis Designer Jewellery)ಎಂದು ಹೆಸರಿಸಲಾಯಿತು. ದಿಶಿ ಬಳಿ ಯಾವುದೇ ಆಭರಣಗಳ ಸ್ಟಾಕ್ ಇರಲಿಲ್ಲ. ಆರ್ಡರ್ ಬಂದಾಗ ಮಾತ್ರ ಅವಳು ಆಭರಣಗಳನ್ನು ತಯಾರಿಸುತ್ತಿದ್ದಳು. ದಿಶಿ ಒಬ್ಬ ಸ್ನೇಹಿತನ ಸಹಾಯದಿಂದ ವೆಬ್‌ಸೈಟ್ ಅನ್ನು ಕ್ರಿಯೇಟ್ ಮಾಡಿದಳು. ಗ್ರಾಫಿಕ್ ಡಿಸೈನರ್ ಸಹಾಯದಿಂದ ತನ್ನ ವಿನ್ಯಾಸಗಳನ್ನು ಡಿಜಿಟಲೀಕರಣಗೊಳಿಸಿದಳು. ದಿಶಿ ತನ್ನ ವೆಬ್‌ಸೈಟ್ ಮತ್ತು ಇತರ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸುಮಾರು 100 ಆಭರಣ ವಿನ್ಯಾಸಗಳನ್ನು ಅಪ್‌ಲೋಡ್ ಮಾಡಿದಳು.

ಆರ್ಡರ್ ಬಂದಾಗ ಮಾತ್ರ ತಯಾರಿಕೆ
ಈ ಮೊದಲೇ ಹೇಳಿದ ಹಾಗೆ ದಿಶಿ ಆರ್ಡರ್ ಬಂದಾಗ ಮಾತ್ರ ಆಭರಣಗಳನ್ನು ತಯಾರಿಸುತ್ತಿದ್ದಳು. ದೆಹಲಿ ಮತ್ತು ಬಂಗಾಳದ ಕುಶಲಕರ್ಮಿಗಳು 10 ರಿಂದ 12 ದಿನಗಳಲ್ಲಿ ಆಕೆಗೆ ಆಭರಣಗಳನ್ನು ತಯಾರಿಸಿಕೊಟ್ಟರು. ಮೊದಲು ದಿಶಿ ಉಂಗುರಗಳು, ಬಳೆಗಳು, ನೆಕ್ಲೇಸ್‌ಗಳಂತಹ ಆಭರಣಗಳನ್ನು ತಯಾರಿಸಿದಳು. ಇವುಗಳ ಬೆಲೆ ರೂ. 4000 ರಿಂದ ರೂ. 30,000. ಮೊದಲು ದಿಶಿ ಎಲ್ಲಾ ಕೆಲಸಗಳನ್ನು ಸ್ವತಃ ನಿರ್ವಹಿಸುತ್ತಿದ್ದಳು. ಆದರೆ ಆರ್ಡರ್‌ಗಳನ್ನು ಪಡೆದ ನಂತರ ಗ್ರಾಫಿಕ್ ಡಿಸೈನರ್ ಮತ್ತು ಡಿಜಿಟಲ್ ಮಾರ್ಕೆಟಿಂಗ್ ತಜ್ಞರನ್ನು ನೇಮಿಸಿಕೊಂಡು ತನ್ನ ವ್ಯವಹಾರವನ್ನು ಮುಂದಕ್ಕೆ ಕೊಂಡೊಯ್ದಳು.

ವಿದೇಶದಿಂದಲೂ ಬರುತ್ತಿವೆ ಆರ್ಡರ್‌
ಇಂದು ದಿಶಿ ಅವರ ತಂಡದಲ್ಲಿ 15 ಜನರು ಕೆಲಸ ಮಾಡುತ್ತಿದ್ದಾರೆ. ಅವರ ಕಚೇರಿ ದೆಹಲಿಯ ದ್ವಾರಕಾದಲ್ಲಿ 3000 ಚದರ ಅಡಿಗಳಷ್ಟು ವಿಸ್ತೀರ್ಣದಲ್ಲಿದೆ. ಇಂದು ದಿಶಿ ಅವರ ವ್ಯವಹಾರವು ಬಹಳ ವೇಗವಾಗಿ ವಿಸ್ತರಿಸುತ್ತಿದೆ. ಅವರ ಆಭರಣಗಳು ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿಯೂ ಲಭ್ಯವಿದೆ. ಇಷ್ಟು ಮಾತ್ರವಲ್ಲದೆ ಅವರು ವಿದೇಶದಿಂದಲೂ ಆರ್ಡರ್‌ಗಳನ್ನು ಪಡೆಯುತ್ತಿದ್ದಾರೆ.