2,000 ರೂಪಾಯಿ ನೋಟಿನ ಕತೆ ಏನು? RBI ವಾರ್ಷಿಕ ವರದಿ ಬಿಡುಗಡೆ!
ಸಾರಾಂಶ
2019-20ರ ವಾರ್ಷಿಕ ವರದಿಯನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಪ್ರಕಟಿಸಿದೆ. ಈ ವರದಿಯಲ್ಲಿ ಡಿಮಾನಿಟೈಸೇಶನ್ ಬಳಿಕ ಬಿಡುಗಡೆಯಾದ 2,000 ರೂಪಾಯಿ ನೋಟಿನ ಕತೆಯನ್ನು ವಿವರಿಸಲಾಗಿದೆ.
ನವದೆಹಲಿ(ಆ.25): ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ವಾರ್ಷಿಕ ವರದಿ ಪ್ರಕಟಗೊಂಡಿದೆ. ಈ ವರದಿಯಲ್ಲಿ ಡಿಮಾನಿಟೈಸೇಶನ್ ಬಳಿಕ ಚಲಾವಣೆಗೆ ಬಂದ 2,000 ರೂಪಾಯಿ ನೋಟನ್ನು 2019-20ರಲ್ಲಿ ಪ್ರಿಂಟ್ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದೆ. ವರ್ಷದಿಂದ ವರ್ಷಕ್ಕೆ 2,000 ರೂಪಾಯಿ ನೋಟು ಚಲಾವಣೆ ಪ್ರಮಾಣ ಕಡಿಮೆ ಮಾಡಲಾಗಿದೆ. ಜೊತೆಗೆ ಹೊಸ ನೋಟು ಪ್ರಿಂಟ್ ಮಾಡಿಲ್ಲ ಎಂದು RBI ಹೇಳಿದೆ.
"
ಜಿಎಸ್ಟಿ ತೆರಿಗೆ ದರ ಇಳಿಕೆ: 1.24 ಕೋಟಿ ತೆರಿಗೆದಾರರು ಸೇರ್ಪಡೆ!.
2018ರಲ್ಲಿ ಮಾರ್ಚ್ ಅಂತ್ಯಕ್ಕೆ 2,000 ನೋಟುಗಳ ಚಲಾವಣೆ 33,632 ಲಕ್ಷಕ್ಕೆ ಇಳಿದಿತ್ತು. ಇನ್ನು 2019ರ ಮಾರ್ಚ್ ಅಂತ್ಯದ ವೇಳೆಗೆ ಈ ಸಂಖ್ಯೆ 32,910ಕ್ಕೆ ಇಳಿದಿತ್ತು. ಮಾರ್ಚ್ 2020ರ ಅಂತ್ಯದ ವೇಳಗೆ 2,000 ರೂಪಾಯಿ ನೋಟುಗಳ ಚಲಾವಣೆ 27,398ಕ್ಕೆ ಇಳಿದಿದೆ ಎಂದು RBI ತನ್ನ ವರದಿಯಲ್ಲಿ ಹೇಳಿದೆ.
ಫೋನ್ ಕರೆ ಮಾಡಿದ್ರೆ ಮನೆ ಬಾಗಿಲಿಗೇ ಎಟಿಎಂ: 20 ಸಾವಿರವರೆಗೆ ವಿತ್ಡ್ರಾ!
2020 ರ ಮಾರ್ಚ್ ಅಂತ್ಯದ ವೇಳೆಗೆ 2,000 ರೂಪಾಯಿ ಮುಖಬೆಲೆಯ ನೋಟುಗಳ ಪ್ರಮಾಣ ಶೇಕಡಾ 2.4 ರಷ್ಟಿದೆ. ಇದು 2019ರಲ್ಲಿ 3.3ರಷ್ಟಿತ್ತು. ಮೌಲ್ಯದ ದೃಷ್ಟಿಯಿಂದಲೂ, ಈ ಷೇರು 2020ರ ಮಾರ್ಚ್ ಅಂತ್ಯದ ವೇಳೆ ಶೇಕಡಾ 22,6ಕ್ಕೆ ಇಳಿದಿದೆ. 2019ರ ಅಂತ್ಯದ ವೇಳೆ 31.2 ಮತ್ತು 2018ರ ಮಾರ್ಚ್ ಅಂತ್ಯದ ವೇಳೆಗೆ 37.3 ಶೇಕಡ ಇತ್ತು.
2019-20ರಲ್ಲಿ ಹೊಸ 2,000 ನೋಟುಗಳ ಮುದ್ರಣ ಮಾಡಿಲ್ಲ, ಜೊತೆಗೆ ಪೂರೈಕೆಯನ್ನು ಮಾಡಿಲ್ಲ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನ ವಾರ್ಷಿಕ ವರದಿಯಲ್ಲಿ ಹೇಳಿದೆ. ಆದರೆ 500 ಮತ್ತು 200ರ ನೋಟು ಚಲಾವಣೆ ಗಣನೀಯವಾಗಿ ಹೆಚ್ಚಳವಾಗಿದೆ ಎಂದಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.