ಉತ್ತರ ಪ್ರದೇಶ, ಮಹಾರಾಷ್ಟ್ರ, ಕರ್ನಾಟಕ ಮತ್ತು ದೆಹಲಿಯಲ್ಲಿರುವ 11 ಡಿಸ್ಟಿಲರಿಗಳು ಮತ್ತು ಬ್ರೂವರೀಸ್‌ಗಳ ಆದಾಯ ತೆರಿಗೆ ಸಂಗ್ರಹಗಳ ಲೆಕ್ಕಪರಿಶೋಧನೆಯಲ್ಲಿ ಗಮನಾರ್ಹ ವಂಚನೆ ಬಯಲಾಗಿದೆ.
ನವದೆಹಲಿ (ಜ.9): ಉತ್ತರ ಪ್ರದೇಶ, ಮಹಾರಾಷ್ಟ್ರ, ಕರ್ನಾಟಕ ಮತ್ತು ದೆಹಲಿಯಲ್ಲಿರುವ 11 ಡಿಸ್ಟಿಲರಿಗಳು ಮತ್ತು ಬ್ರೂವರೀಸ್‌ಗಳಿಂದ ಪಡೆದುಕೊಳ್ಳಲಾದ ಆದಾಯ ತೆರಿಗೆ ಸಂಗ್ರಹಗಳ ಲೆಕ್ಕಪರಿಶೋಧನೆಯಲ್ಲಿ ಗಮನಾರ್ಹ ವಂಚನೆ ಬಯಲಾಗಿದೆ ಎಂದು ಮಹಾಲೇಖಪಾಲರ (ಸಿಎಜಿ) ವರದಿ ತಿಳಿಸಿದೆ. ಕಂಟ್ರೋಲರ್ ಮತ್ತು ಆಡಿಟರ್ ಜನರಲ್ ಈ "ಶಾರ್ಟ್ ಅಕೌಂಟಿಂಗ್" ನ ತೆರಿಗೆ ಪರಿಣಾಮಗಳು 10 ವರ್ಷಗಳ ಅವಧಿಯಲ್ಲಿ ಸುಮಾರು 12,800 ಕೋಟಿ ರೂ.ಗಳೆಂದು ಅಂದಾಜಿಸಿದೆ. ಕಳೆದ ಸಂಸತ್‌ ಅಧಿವೇಶನದಲ್ಲಿ ಮಂಡಿಸಲಾದ ಸಿಎಜಿ ವರದಿಯು, ಡಿಸೆಂಬರ್ 2022 ರವರೆಗಿನ 10 ವರ್ಷಗಳ ಅವಧಿಗೆ ಈ 11 ಡಿಸ್ಟಿಲರಿಗಳು ಮತ್ತು ಬ್ರೂವರೀಸ್‌ಗಳ ಮಾರಾಟಗಳ ಲೆಕ್ಕಪರಿಶೋಧನೆ ಮಾಡಿದೆ.
ಉತ್ತರ ಪ್ರದೇಶದ ಮೂಲದ ಡಿಸ್ಟಿಲರಿಯ ಕುರಿತಾದ ಒಂದು ಪ್ರಕರಣವನ್ನು ಸಿಎಜಿ ತನ್ನ ಲೆಕ್ಕಪರಿಶೋಧನೆಯಲ್ಲಿ ವಿವರಿಸಿದ್ದು, 1378 ಕೋಟಿ ರೂಪಾಯಿಗಳ ಕಡಿಮೆ ಮಾರಾಟವನ್ನು ಇದು ವರದಿ ಮಾಡಿದೆ.ಇದರಲ್ಲಿ 448 ಕೋಟಿ ರೂ.ಗಳ ತೆರಿಗೆ ಹೊರೆ ಬಿದ್ದಿದೆ ಎಂದು ಕಂಡುಬಂದಿದೆ ಎಂದು ಹೇಳಿದೆ. "ಡಿಸ್ಟಿಲರಿ ತನ್ನ ಲಾಭ ಮತ್ತು ನಷ್ಟದ ಖಾತೆಯಲ್ಲಿ 4,036 ಕೋಟಿ ರೂ.ಗಳ ಮಾರಾಟವನ್ನು ವರದಿ ಮಾಡಿದ್ದರೆ, ಯುಪಿ ಅಬಕಾರಿ ಇಲಾಖೆಯು ನೀಡಿರುವ ಮಾಹಿತಿಯು ತೆರಿಗೆದಾರರು ವರದಿ ಮಾಡಿದ ಮಾರಾಟವು 5,414 ಕೋಟಿ ರೂ.ಗಳಾಗಿದೆ ಎಂದು ಬಹಿರಂಗಪಡಿಸಿದೆ" ಎಂದು ಸಿಎಜಿ ಗಮನಿಸಿದೆ.
2011-12 ರಿಂದ 2013-14 ರವರೆಗಿನ ಅವಧಿಯಲ್ಲಿ 1,378 ಕೋಟಿ ರೂ.ಗಳ ಕಡಿಮೆ ವರದಿ ಮಾಡಲಾದ ಮಾರಾಟವನ್ನು ಐ-ಟಿ ಇಲಾಖೆ ಒಪ್ಪಿಕೊಂಡಿದ್ದು, ಇದರ ಪರಿಣಾಮವಾಗಿ ಆದಾಯದ ಕಡಿಮೆ ಲೆಕ್ಕಾಚಾರಕ್ಕೆ ಕಾರಣವಾಯಿತು, ಇದರಲ್ಲಿ ಬಡ್ಡಿಯನ್ನು ಹೊರತುಪಡಿಸಿ 448 ಕೋಟಿ ರೂ.ಗಳ ತೆರಿಗೆ ಪರಿಣಾಮವಿದೆ ಎಂದು ಲೆಕ್ಕಪರಿಶೋಧನೆ ತಿಳಿಸಿದೆ. ಐ-ಟಿ ಮೌಲ್ಯಮಾಪನ ಘಟಕಗಳ ಕಾರ್ಯನಿರ್ವಹಣೆಯಲ್ಲಿನ ನ್ಯೂನತೆಗಳನ್ನು ಸಿಎಜಿ ಕಂಡುಹಿಡಿದಿದೆ, ಅಲ್ಲಿ ಅವರು "ಐ-ಟಿ ಇಲಾಖೆಯಲ್ಲಿ ಲಭ್ಯವಿರುವ ಮಾಹಿತಿಯನ್ನು ಮೌಲ್ಯಮಾಪನ ಘಟಕಗಳು ಬಳಸಿಕೊಂಡಿಲ್ಲ" ಎಂದು ತಿಳಿಸಿದೆ. ಮೌಲ್ಯಮಾಪಕರಿಂದ ವಿವರಗಳ ಸಮನ್ವಯವನ್ನು ಮೌಲ್ಯಮಾಪನ ಅಧಿಕಾರಿ ನಡೆಸಲಿಲ್ಲ, ಇದು 12,781 ಕೋಟಿ ರೂ.ಗಳ ತೆರಿಗೆ ಪರಿಣಾಮವನ್ನು ಒಳಗೊಂಡಿದೆ ಎಂದು ಅದು ಹೇಳಿದೆ.
ಈ ರಾಜ್ಯಕ್ಕೆ ಬಿಯರ್‌ ಸರಬರಾಜು ಮಾಡೋದಿಲ್ಲ ಎಂದ ಕಿಂಗ್‌ಫಿಶರ್‌ ಬ್ರ್ಯಾಂಡ್‌!
ಡಿಸ್ಟಿಲರಿಗಳು ಮತ್ತು ಬ್ರೂವರೀಸ್‌ಗಳ ಮೌಲ್ಯಮಾಪನ ನಡೆಸುವಾಗ ರಾಜ್ಯ ಅಬಕಾರಿ ಅಧಿಕಾರಿಗಳಿಂದ ಹಣಕಾಸಿನ ವಹಿವಾಟಿನ ಮಾಹಿತಿ/ಹೇಳಿಕೆಯನ್ನು ಕಡ್ಡಾಯವಾಗಿ ಕೋರಲು ಎಸ್‌ಒಪಿ/ಎಂಒಪಿ ನೀಡುವುದನ್ನು ಪರಿಗಣಿಸಲು ಲೆಕ್ಕಪರಿಶೋಧಕರು ಸಿಬಿಡಿಟಿಯನ್ನು ಕೇಳಿದ್ದಾರೆ. ಐ-ಟಿ ಇಲಾಖೆಯಲ್ಲಿನ ವ್ಯವಸ್ಥಿತ ವೈಫಲ್ಯವನ್ನು ಸೂಚಿಸಿದ ಸಿಎಜಿ, ಡಿಸ್ಟಿಲರಿಗಳ ಖಾತೆಗಳಲ್ಲಿ ಹೆಚ್ಚಿನ ಪ್ರಮಾಣದ ರಿಯಾಯಿತಿಗಳು ಇತ್ಯಾದಿಗಳನ್ನು ವೆಚ್ಚವಾಗಿ ಅನುಮತಿಸಲಾಗಿದೆ ಆದರೆ ಅಂತಹ ಹಕ್ಕುಗಳ ನೈಜತೆಯನ್ನು ಪರಿಶೀಲಿಸಲಾಗಿಲ್ಲ ಎಂದು ತಿಳಿಸಿದ್ದಾರೆ.
ಒರಿಜಿನಲ್‌ ಚಾಯ್ಸ್‌ ವಿಸ್ಕಿ ಮಾಲೀಕರಿಂದ ಕರ್ನಾಟಕದಲ್ಲಿ 600 ಕೋಟಿ ವೆಚ್ಚದ ಹೊಸ ಪ್ಲ್ಯಾಂಟ್‌!