ರಾಹುಲ್ ಕ್ಯಾಚ್ ಪ್ರಶ್ನಿಸಿದ ಫಾಕ್ಸ್ ಸ್ಪೋರ್ಟ್ ವಿರುದ್ಧ ಟ್ವಿಟರಿಗರು ಗರಂ!

ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ ಗೆದ್ದ ಟೀಂ ಇಂಡಿಯಾ ಸಂಭ್ರಮಾಚರಣೆಯಲ್ಲಿ ಮುಳುಗಿದೆ. ಆದರೆ ಫಾಕ್ಸ್ ಸ್ಪೋರ್ಟ್ ವಾಹಿನಿ ವಿವಾದ ಹುಟ್ಟುಹಾಕಿದೆ. ಫಾಕ್ಸ್ ಸ್ಪೋರ್ಟ್ ಟ್ವೀಟ್‌ಗೆ ಇದೀಗ ಭಾರತೀಯ ಅಭಿಮಾನಿಗಳು ತಕ್ಕ ತಿರುಗೇಟು ನೀಡಿದ್ದಾರೆ.  

ಆಡಿಲೆಡ್(ಡಿ.10): ಟೀಂ ಇಂಡಿಯಾದ ಪ್ರತಿ ಆಸ್ಟ್ರೇಲಿಯಾ ಪ್ರವಾಸ ವಿವಾದಗಳಿಂದ ಮುಕ್ತವಾಗಿಲ್ಲ. ಒಂದಲ್ಲ ಒಂದು ಘಟನೆ ವಿವಾದಕ್ಕೆ ಕಾರಣವಾಗಿದೆ. ಇದೀಗ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ಗೆಲುವಿನ ನಗೆ ಬೀರುತ್ತಿದ್ದಂತೆ ಫಾಕ್ಸ್ ಸ್ಪೋರ್ಟ್ಸ್ ವಾಹಿನಿ ಟ್ವೀಟ್ ಇದೀಗ ಭಾರತೀಯ ಅಭಿಮಾನಿಗಳನ್ನ ಕೆರಳಿಸಿದೆ.

ಇದನ್ನೂ ಓದಿ: ಮತ್ತೆ ಸ್ಲೆಡ್ಜಿಂಗ್ ಮಾಡಿದ ಪಂತ್; ಟ್ವಿಟರ್’ನಲ್ಲಿ ವಿಡಿಯೋ ವೈರಲ್..!

ಆಸ್ಟ್ರೇಲಿಯಾ ದ್ವಿತೀಯ ಇನ್ನಿಂಗ್ಸ್‌ನ 120ನೇ ಓವರ್ 5ನೇ ಎಸೆತದಲ್ಲಿ ಜೋಶ್ ಹೇಜಲ್‌ವುಡ್ ಸೆಕೆಂಡ್ ಸ್ಲಿಪ್‌ಗೆ ಕ್ಯಾಚ್ ನೀಡಿದರು. ಕೆಎಲ್ ರಾಹುಲ್ ಪಡೆದುಕೊಂಡ ಕ್ಯಾಚ್ ಕುರಿತು ಫಾಕ್ಸ್ ಸ್ಪೋರ್ಟ್ಸ್ ಟ್ವೀಟ್ ಮಾಡಿತ್ತು. ಈ ಕ್ಯಾಚನ್ನ ರಾಹುಲ್ ಸರಿಯಾಗಿ ಪಡೆದುಕೊಂಡಿದ್ದಾರ? ಎಂದು ಪ್ರಶ್ನಿಸಿತ್ತು.

ಫಾಕ್ಸ್ ಸ್ಪೋರ್ಟ್ಸ್ ಟ್ವೀಟ್‌ಗೆ ಭಾರತೀಯ ಅಭಿಮಾನಿಗಳು ಗರಂ ಆಗಿದ್ದಾರೆ. ಈ ಹಿಂದೆ ರಿಕಿ ಪಾಂಟಿಂಗ್ ಪಡೆದುಕೊಂಡ ಕ್ಯಾಚ್‌ಗಿಂತ ಇದು ಸರಿಯಾಗಿದೆ ಎಂದು ತಿರುಗೇಟು ನೀಡಿದ್ದಾರೆ.  ಅಭಿಮಾನಿಗಳ ಟ್ವೀಟ್ ಇಲ್ಲಿದೆ.