2 ವರ್ಷದಿಂದ ಜೀಮೇಲ್‌ ಅಕೌಂಟ್‌ಗೆ ಲಾಗಿನ್‌ ಆಗಿಲ್ವಾ? ಡಿ.1ಕ್ಕೆ ಡಿಲೀಟ್‌ ಮಾಡಲಿದೆ ಗೂಗಲ್!
Follow Us
Synopsis
ಕಳೆದ ಎರಡು ವರ್ಷಗಳಿಂದ ನಿಮ್ಮ ಜೀಮೇಲ್‌ ಖಾತೆಯನ್ನು ನೀವು ಲಾಗಿನ್‌ ಮಾಡದೇ ಹೋದಲ್ಲಿ ಡಿಸೆಂಬರ್ 1 ರಿಂದ ಅದು ಸಂಪೂರ್ಣವಾಗಿ ಡಿಲೀಟ್‌ ಮಾಡಲಾಗಿದೆ. ಇನ್‌ಆಕ್ಟೀವ್‌ ಆಗಿರುವ ಜಿಮೇಲ್‌ ಖಾತೆಯನ್ನು ಡಿಲೀಟ್‌ ಮಾಡುವುದಾಗಿ ಈಗಾಗಲೇ ಗೂಗಲ್ ಘೋಷಣೆ ಮಾಡಿತ್ತು.
ನವದೆಹಲಿ (ಡಿ.28): ಎರಡು ವರ್ಷಗಳಿಂದ ನಿಷ್ಕ್ರಿಯವಾಗಿರುವ ಆ ವೈಯಕ್ತಿಕ ಖಾತೆಗಳನ್ನು ಗೂಗಲ್ ಈ ವಾರದಿಂದ ಡಿಲೀಟ್‌ ಮಾಡಲು ಆರಂಭ ಮಾಡಲಿದೆ. ಟೆಕ್ ದೈತ್ಯ ಈ ವರ್ಷದ ಮೇ ತಿಂಗಳಲ್ಲಿ ನೀತಿಯನ್ನು ಘೋಷಣೆ ಮಾಡಿತ್ತು. ಕಂಪನಿಯು Google Workspace (Gmail, ಡಾಕ್ಸ್, ಡ್ರೈವ್, ಮೀಟ್, ಕ್ಯಾಲೆಂಡರ್), YouTube ಮತ್ತು Google ಫೋಟೋಗಳಲ್ಲಿನ ನಿಷ್ಕ್ರಿಯ ಖಾತೆಗಳಲ್ಲಿನ ವಿಷಯವನ್ನು ಡಿಲೀಟ್‌ ಮಾಡುವುದಾಗಿ ತಿಳಿಸಿತ್ತು. ಡಿಸೆಂಬರ್ 1 ರಿಂದ, ಕಂಪನಿಯು ಅಂತಹ ಖಾತೆಗಳನ್ನು ಡಿಲೀಟ್‌ ಮಾಡಲು ಪ್ರಾರಂಭಿಸುತ್ತದೆ. "2 ವರ್ಷಗಳ ಅವಧಿಯಲ್ಲಿ ನಿಮ್ಮ ಖಾತೆಯನ್ನು ಆ ಉತ್ಪನ್ನದಲ್ಲಿ ಬಳಸದೇ ಇದ್ದಾಗ ನಿಮ್ಮ ಡೇಟಾವನ್ನು ಅಳಿಸುವ ಹಕ್ಕನ್ನು ಗೂಗಲ್ ಕಾಯ್ದಿರಿಸುತ್ತವೆ" ಎಂದು ಕಂಪನಿಯು ತನ್ನ ನಿಷ್ಕ್ರಿಯ ಗೂಗಲ್ ಖಾತೆ ನೀತಿಯಲ್ಲಿ ಹೇಳಿದೆ."20223ರ ಡಿಸೆಂಬರ್ 1 ರಿಂದ ಈ ನೀತಿಯ ಕಾರಣದಿಂದಾಗಿ Google ಖಾತೆಯನ್ನು ಅಳಿಸಲಾಗುವುದು" ಎಂದು ಅದು ಸೇರಿಸಿದೆ. ಈ ನೀತಿಯು ಬಳಕೆದಾರರ ವೈಯಕ್ತಿಕ Google ಖಾತೆಗೆ ಮಾತ್ರ ಅನ್ವಯಿಸುತ್ತದೆ ಎಂದು ಹೇಳಿದೆ.
"ಕೆಲಸ, ಶಾಲೆ ಅಥವಾ ಇತರ ಸಂಸ್ಥೆಯ ಮೂಲಕ ನಿಮಗಾಗಿ ಹೊಂದಿಸಲಾದ ಯಾವುದೇ Google ಖಾತೆಗೆ ಈ ನೀತಿಯು ಅನ್ವಯಿಸುವುದಿಲ್ಲ" ಎಂದು ಕಂಪನಿ ಹೇಳಿದೆ. Google ನೀತಿಯನ್ನು ಘೋಷಿಸಿದಾಗ, ಖಾತೆಯನ್ನು ದೀರ್ಘಾವಧಿಯವರೆಗೆ ಬಳಸದಿದ್ದರೆ, ಅದು ದರ್ಬಳಕೆ ಆಗುವ ಸಾಧ್ಯತೆ ಹೆಚ್ಚು ಎಂದು ತಿಳಿಸಿದೆ.
ಗೂಗಲ್ ಮಾಡಿದ್ದೇನೆ, ಕಾಯಿಲೆ ಗಂಭೀರವಲ್ಲ ಎಂದು ತಮಿಳುನಾಡು ಸಚಿವರಿಗೆ ಜಾಮೀನು ನಿರಾಕರಿಸಿದ ಸುಪ್ರೀಂಕೋರ್ಟ್‌
"ಏಕೆಂದರೆ ಮರೆತುಹೋದ ಅಥವಾ ಗಮನಿಸದ ಖಾತೆಗಳು ಸಾಮಾನ್ಯವಾಗಿ ಹಳೆಯ ಅಥವಾ ಮರು-ಬಳಸಿದ ಪಾಸ್‌ವರ್ಡ್‌ಗಳನ್ನು ಅವಲಂಬಿಸಿರುತ್ತವೆ, ಅವುಗಳು ರಾಜಿ ಮಾಡಿಕೊಂಡಿರಬಹುದು, ಎರಡು ಅಂಶಗಳ ದೃಢೀಕರಣವನ್ನು ಇದು ಬಳಸಿರೋದಿಲ್ಲ ಮತ್ತು ಬಳಕೆದಾರರಿಂದ ಕಡಿಮೆ ಭದ್ರತಾ ಪರಿಶೀಲನೆಗಳನ್ನು ಪಡೆಯುತ್ತವೆ" ಎಂದು ಅದು ಸೇರಿಸಿದೆ.
ಆಗಸ್ಟ್‌ನಲ್ಲಿ, ಟೆಕ್ ದೈತ್ಯ ತನ್ನ ಶತಕೋಟಿ ಬಳಕೆದಾರರಿಗೆ ಇಮೇಲ್‌ಗಳನ್ನು ಕಳುಹಿಸಿದೆ, ಕಂಪನಿಯು ತನ್ನ ಎಲ್ಲಾ ಉತ್ಪನ್ನಗಳು ಮತ್ತು ಸೇವೆಗಳಾದ್ಯಂತ Google ಖಾತೆಯ ನಿಷ್ಕ್ರಿಯತೆಯ ಅವಧಿಯನ್ನು ಎರಡು ವರ್ಷಗಳವರೆಗೆ ಇರುತ್ತದೆ ಎಂದು ಹೇಳಿದೆ.
18 ವರ್ಷ ಗೂಗಲ್‌ನಲ್ಲಿ ಕೆಲಸ ಮಾಡಿದ್ದ ಉದ್ಯೋಗಿ ರಾಜೀನಾಮೆ; ಸಿಇಒ ಸುಂದರ್‌ ಪಿಚೈ ವಿರುದ್ಧ ಗಂಭೀರ ಆರೋಪ!
