ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಆಶಾ ಭೋಸ್ಲೆ ಮೊಮ್ಮಗಳು; ಎಂಥಾ ಸುಂದರಿ ಈ ಝನಾಯ್ ಭೋಸ್ಲೆ!

ಲೆಜೆಂಡರಿ ಗಾಯಕಿ ಆಶಾ ಭೋಂಸ್ಲೆ ಅವರ ಮೊಮ್ಮಗಳು ಝನಾಯಿ ಭೋಂಸ್ಲೆ ಹಿಂದಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲು ಸರ್ವ ಸಿದ್ಧರಾಗಿದ್ದಾರೆ.

ಚಿತ್ರನಿರ್ಮಾಪಕ ಸಂದೀಪ್ ಸಿಂಗ್ ಅವರ ದಿ ಪ್ರೈಡ್ ಆಫ್ ಭಾರತ್ - ಛತ್ರಪತಿ ಶಿವಾಜಿ ಮಹಾರಾಜ್ ಚಿತ್ರದಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರ ಪತ್ನಿ ರಾಣಿ ಸಾಯಿ ಭೋನ್ಸಾಲೆ ಪಾತ್ರವನ್ನು ಝನಾಯ್ ನಿರ್ವಹಿಸಲಿದ್ದಾರೆ.

ಝನಾಯಿಯ ಚಿತ್ರರಂಗ ಪ್ರವೇಶವನ್ನು ಪ್ರಕಟಿಸುತ್ತಾ, ಆಶಾ ಭೋಂಸ್ಲೆ Xನಲ್ಲಿ ಹೀಗೆ ಬರೆದಿದ್ದಾರೆ, 'ಮುಂಬರುವ ಭವ್ಯ ಮಹಾಕಾವ್ಯ #ThePrideofBharat ಛತ್ರಪತಿ ಶಿವಾಜಿ ಮಹಾರಾಜ್‌ನಲ್ಲಿ ನನ್ನ ಮುದ್ದಾದ ಮೊಮ್ಮಗಳು @ZanaiBhosle ಸಿನಿಮಾ ಜಗತ್ತನ್ನು ಸೇರುವುದನ್ನು ನೋಡಲು ನಾನು ನಿಜವಾಗಿಯೂ ಸಂತೋಷಗೊಂಡಿದ್ದೇನೆ. ಅವಳು ತನ್ನ ಉದ್ದೇಶಿತ ಸ್ಥಾನವನ್ನು ಪಡೆದುಕೊಳ್ಳುತ್ತಾಳೆ ಎಂದು ನಾನು ಪ್ರಾಮಾಣಿಕವಾಗಿ ಭಾವಿಸುತ್ತೇನೆ.'

ಶಿವಾಜಿ ಮಹಾರಾಜರ ಪತ್ನಿ ರಾಣಿ ಸಾಯಿಬಾಯಿ ಅವರು ರಾಜ ಮತ್ತು ಮಾನವನ ಬೆಳವಣಿಗೆಗೆ ಅಪಾರ ಕೊಡುಗೆ ನೀಡಿದ್ದಾರೆ. ಆ ಪಾತ್ರವನ್ನು ಝನಾಯ್ ನಿಭಾಯಿಸಲಿದ್ದಾರೆ. 

ಪ್ರೈಡ್ ಆಫ್ ಇಂಡಿಯಾ - ಛತ್ರಪತಿ ಶಿವಾಜಿ ಮಹಾರಾಜ ಚಿತ್ರ ದೊಡ್ಡ ರೀತಿಯಲ್ಲಿ ತಯಾರಾಗುತ್ತಿದ್ದಾರೆ ಮತ್ತು ಫೆಬ್ರವರಿ 19, 2026 ರಂದು ಛತ್ರಪತಿ ಶಿವಾಜಿ ಮಹಾರಾಜ್ ಜಯಂತಿಯಂದು ಬಿಡುಗಡೆಯಾಗಲಿದೆ.

ಚಿತ್ರ ನಿರ್ದೇಶಕ ಸಂದೀಪ್ ಸಿಂಗ್ ಈ ಬಗ್ಗೆ ಮಾತನಾಡಿ, ಝನಾಯ್ ತನ್ನ ಅಜ್ಜಿಯರಂತೆ ಭಾವಪೂರ್ಣವಾದ ಧ್ವನಿಯನ್ನು ಹೊಂದಿದ್ದಾರೆ ಮತ್ತು ಸಂಗೀತದ ಕಿವಿಯನ್ನು ಹೊಂದಿದ್ದಾರೆ. ಜೊತೆಗೆ ಆಕೆ ಪ್ರತಿಭಾವಂತ ನರ್ತಕಿ ಮತ್ತು ಕೌಶಲ್ಯಪೂರ್ಣ ಕಲಾವಿದೆ ಕೂಡಾ ಎಂದಿದ್ದಾರೆ. 

ಝನಾಯ್ ಬೋಸ್ಲೆಗೆ ದೂರದ ಕಸಿನ್ ಆಗಿರುವ ನಟಿ ಶ್ರದ್ಧಾ ಕಪೂರ್ ನಟಿಯ ಈ ಸಿನಿ ಜರ್ನಿ ಆರಂಭಕ್ಕೆ ಆಲ್ ದ ಬೆಸ್ಟ್ ಹೇಳಿದ್ದಾರೆ. 

'ನನ್ನ ತಂಗಿ ನಮ್ಮೆಲ್ಲರನ್ನು ರಂಜಿಸಲು ಚಿತ್ರರಂಗಕ್ಕೆ ಬರುತ್ತಿದ್ದಾಳೆ. ರಾಣಿ ಸಾಯಿಭಾಯಿ ಪಾತ್ರ ನಿರ್ವಹಿಸಲಿದ್ದಾಳೆ. ಅವಳ ಈ ಪಯಣಕ್ಕೆ ವಿಶೇ ಮಾಡಲೇಬೇಕು' ಎಂದು ಶ್ರದ್ಧಾ ಬರೆದುಕೊಂಡಿದ್ದಾರೆ. 

ಉದ್ದ ಕೂದಲುಳ್ಳ, ದೊಡ್ಡ ಕಂಗಳ ಸುಂದರಿ ಝನಾಯ್ ಭೋಸ್ಲೆ ಮುಂಚೆ ಕೊಂಚ ದಪ್ಪವಿದ್ದು ಅವರ ಫಿಟ್ನೆಸ್ ಜರ್ನಿ ಪ್ರೇರಣಾದಾಯಕವಾಗಿದೆ.