ಪ್ರತಿ ದಿನ ಕೇವಲ 7 ರುಪಾಯಿ ಉಳಿಸಿ, ತಿಂಗಳಿಗೆ ₹5000 ಸಾವಿರ ಪಿಂಚಣಿ ಪಡೆಯಿರಿ!

ಅಟಲ್ ಪಿಂಚಣಿ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ನಿಮ್ಮ ಮುಪ್ಪನ್ನು ಸುರಕ್ಷಿತಗೊಳಿಸಬಹುದು. ಈ ಯೋಜನೆಯಡಿ 60 ವರ್ಷ ಪೂರ್ಣಗೊಂಡ ನಂತರ, ಪ್ರತಿ ತಿಂಗಳು ₹1000 ರಿಂದ ₹5000 ವರೆಗೆ ಪಿಂಚಣಿ ಪಡೆಯಬಹುದು.

ಅಟಲ್ ಪಿಂಚಣಿ ಯೋಜನೆ 18 ರಿಂದ 40 ವರ್ಷ ವಯಸ್ಸಿನವರಿಗೆ. ಆದರೆ ಆದಾಯ ತೆರಿಗೆ ಪಾವತಿಸುವವರು ಈ ಯೋಜನೆಯ ಲಾಭ ಪಡೆಯಲು ಸಾಧ್ಯವಿಲ್ಲ.

ಈ ಯೋಜನೆಯಲ್ಲಿ ಕನಿಷ್ಠ 20 ವರ್ಷ ಹಣ ಉಳಿಸಬೇಕು. 60 ವರ್ಷದ ನಂತರ, ನಿಮ್ಮ ಹೂಡಿಕೆಯ ಮೊತ್ತಕ್ಕೆ ಅನುಗುಣವಾಗಿ ಮಾಸಿಕ ಪಿಂಚಣಿ ಪಡೆಯಬಹುದು.

18 ವರ್ಷದ ವ್ಯಕ್ತಿಯು 60 ವರ್ಷದ ನಂತರ ₹5000 ಮಾಸಿಕ ಪಿಂಚಣಿ ಪಡೆಯಲು ದಿನಕ್ಕೆ ₹7 ಉಳಿಸಬೇಕು. ಅಂದರೆ, ತಿಂಗಳಿಗೆ ₹210.

ತಿಂಗಳಿಗೆ ₹168 ಉಳಿಸಿದರೆ ₹4000, ₹126 ಉಳಿಸಿದರೆ ₹3000, ₹84 ಉಳಿಸಿದರೆ ₹2000, ಮತ್ತು ₹42 ಉಳಿಸಿದರೆ ₹1000 ಮಾಸಿಕ ಪಿಂಚಣಿ ಪಡೆಯಬಹುದು.

40 ವರ್ಷದ ವ್ಯಕ್ತಿಯು ಅಟಲ್ ಪೆನ್ಷನ್ ಯೋಜನೆಯಡಿ ₹5000 ಮಾಸಿಕ ಪಿಂಚಣಿ ಪಡೆಯಲು ತಿಂಗಳಿಗೆ ₹1458 ಅಥವಾ ದಿನಕ್ಕೆ ₹48 ಉಳಿಸಬೇಕು.

40 ವರ್ಷದವರಿಗೆ ₹4000 ಪಿಂಚಣಿಗೆ ₹1168, ₹3000 ಪಿಂಚಣಿಗೆ ₹873, ₹2000 ಪಿಂಚಣಿಗೆ ₹582, ಮತ್ತು ₹1000 ಪಿಂಚಣಿಗೆ ₹291 ಉಳಿಸಬೇಕು.

ಅಟಲ್ ಪಿಂಚಣಿ ಯೋಜನೆಯಲ್ಲಿ ಮಾಸಿಕ, ತ್ರೈಮಾಸಿಕ, ಅಥವಾ ಅರ್ಧವಾರ್ಷಿಕವಾಗಿ ಹಣ ಉಳಿಸಬಹುದು. ನಿಮ್ಮ ಖಾತೆಯಿಂದ ಸ್ವಯಂಚಾಲಿತವಾಗಿ ಹಣ ಕಡಿತಗೊಂಡು ಪಿಂಚಣಿ ಖಾತೆಗೆ ಜಮಾ ಆಗುತ್ತದೆ.

ವ್ಯಕ್ತಿಯ ಮರಣದ ನಂತರ, ಅವರ ಸಂಗಾತಿಗೆ ಪಿಂಚಣಿ ಹಣ ಸಿಗುತ್ತದೆ. ಪಿಂಚಣಿದಾರ ಮತ್ತು ಸಂಗಾತಿ ಇಬ್ಬರೂ ಮರಣ ಹೊಂದಿದರೆ, ನಾಮಿನಿಗೆ ಹಣ ವಾಪಸ್‌ ಸಿಗುತ್ತದೆ.