ಟಿಕ್ ಟಾಕ್‌ನಲ್ಲಿ ಹೊಸ ಚಾಲೇಂಜ್ ಶುರುವಾಗಿದ್ದು, ಮಾಡೆಲ್ ಓರ್ವಳು ಟಾಯ್ಲೆಟ್ ಸೀಟ್ ನೆಕ್ಕಿದ್ದು, ನೆಟ್ಟಿಗರು ಆಕೆಗೆ ಛೀಮಾರಿ ಹಾಕಿದ್ದಾರೆ.
ನವದೆಹಲಿ [ಮಾ.18]: ಎಲ್ಲೆಡೆ ಇದೀಗ ಕೊರೋನಾ ಎಂಬ ಮಹಾಮಾರಿ ತನ್ನ ಆರ್ಭಟ ಮೆರೆಯುತ್ತಿದೆ. ವಿಶ್ವದಾದ್ಯಂತ ಸಾವಿರಾರು ಜೀವಗಳನ್ನು ಬಲಿಪಡೆಯುತ್ತಿದೆ. ಇದರ ಬೆನ್ನಲ್ಲೇ ಇದೀಗ ಟಿಕ್ ಟಾಕ್ ನಲ್ಲಿ ಹೊಸ ಸವಾಲೊಂದು ಟ್ರೆಂಡ್ ಆಗುತ್ತಿದೆ. ಅದೇ #Coronachallenge
ಕೊರೋನಾ ಚಾಲೇಂಜ್ ಮೊದಲು ಮಾಡಿದ್ದು ಆವಾ ಲೂಯಿಸ್ ಎನ್ನುವ ಮಹಿಳೆ. ಆವಾ ಮಾಡಿರುವ ವೈರಲ್ ಆಗುತ್ತಿದ್ದಂತೆ ಇನ್ನೋರ್ವ ಯುವತಿ ಈ ಚಾಲೇಂಜ್ ಸ್ವೀಕರಿಸಿದ್ದು, ಆಕೆಗೆ ನೆಟ್ಟಿಗರು ಛೀಮಾರಿ ಹಾಕುತ್ತಿದ್ದಾರೆ.
22 ವರ್ಷದ ಮಿಯಾಮಿ ಎನ್ನುವ ಮಾಡೆಲ್ #Coronachallenge ಹೆಸರಿನಲ್ಲಿ ವಿಮಾನದ ಟಾಯ್ಲೆಟ್ ಸೀಟ್ ನೆಕ್ಕಿದ್ದಾಳೆ. ವಿಮಾನವನ್ನು ಎಷ್ಟು ನೀಟಾಗಿ ಇಡಬೇಕೆಂದು ಜನಕ್ಕೆ ಗೊತ್ತು ಎಂದು ಕ್ಯಾಪ್ಶನ್ ನೀಡಿದ್ದಾಳೆ.
ಕುದುರೆಗೂ ಕೊರೋನಾ ವೈರಸ್‌ ಕಾಟ: ಹಾರ್ಸ್‌ಗೂ ಮಾಸ್ಕ್!..
ಆಕೆ ಟಾಯ್ಲೆಟ್ ಕಮೋಡ್ ಸೀಟ್ ನೆಕ್ಕಿ, ವಿಡಿಯೋ ಮಾಡಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಆಕೆಗೆ ವಾಗ್ದಾಳಿ ನಡೆಸಿದ್ದಾರೆ.
ಈಗಾಗಲೇ ವಿಶ್ವದಾದ್ಯಂತ ಲಕ್ಷಾಂತರ ಮಂದಿ ಸೋಂಕಿಗೆ ತುತ್ತಾಗಿದ್ದು, ಸಾವಿರಾರು ಮಂದಿ ಬಲಿಯಾಗಿದ್ದಾರೆ. ಈ ವೇಳೆ ಸ್ವಚ್ಛತೆ ಆದ್ಯತೆ ನೀಡಲು ಎಲ್ಲೆಡೆ ಪ್ರಚಾರ ನಡೆಸಲಾಗುತ್ತಿದ್ದು ಇದೇ ವೇಳೆ ಪ್ರಚಾರಕ್ಕಾಗಿ ಮಾಡೆಲ್ ಹುಚ್ಚಾಟ ಮೆರೆದಿದ್ದಾಳೆ.