ಅಜ್ಜಿಯ ಗುಡಿಸಲಿನ ಬಾಗಲಿಗೆ ಹೊಸ್ತಿಲಾಗಿದ್ದ ಕಲ್ಲಿನ ಬೆಲೆ ₹9 ಕೋಟಿ!

ರೊಮೇನಿಯಾದಲ್ಲಿ ಅಜ್ಜಿಯೊಬ್ಬರು 9 ಕೋಟಿ ರೂ. ಮೌಲ್ಯದ ಅಪರೂಪದ ಅಂಬರ್ ಕಲ್ಲನ್ನು ಬಾಗಿಲ ಹೊಸ್ತಿಲಾಗಿ ಬಳಸುತ್ತಿದ್ದರು. ಅವರ ಮರಣಾನಂತರ, ಕಲ್ಲಿನ ಮೌಲ್ಯ ಗುರುತಿಸಲ್ಪಟ್ಟು, ರೊಮೇನಿಯಾ ಸರ್ಕಾರ ಅದನ್ನು ರಾಷ್ಟ್ರೀಯ ಖಜಾನೆಯಾಗಿ ಘೋಷಿಸಿ, ವಸ್ತುಸಂಗ್ರಹಾಲಯದಲ್ಲಿ ಪ್ರದರ್ಶಿಸುತ್ತಿದೆ. ಸಾಮಾನ್ಯ ವಸ್ತುಗಳಲ್ಲೂ ಅಪಾರ ಮೌಲ್ಯ ಅಡಗಿರಬಹುದು ಎಂಬುದಕ್ಕೆ ಇದು ಉದಾಹರಣೆ.

ನಮ್ಮ ದೇಶದಲ್ಲಿ ಎಲ್ಲ ಜನರು ಬ್ರಿಟೀಷ್ ಆಡಳಿತಕ್ಕೂ ಪೂರ್ವದಲ್ಲಿ ರಾಜರ ಆಳ್ವಿಕೆಗೆ ಒಳಟಪಟ್ಟಿದ್ದೆವು. ಹಿರಿಯರು ಮನೆಯಲ್ಲಿ ಅನೇಕ ವಜ್ರ, ವೈಢೂರ್ಯ, ಬೆಳ್ಳಿ, ಬಂಗಾರವನ್ನು ಇಡುತ್ತಿದ್ದರು. ಆದರೆ, ಅದೆಲ್ಲವನ್ನೂ ನಮ್ಮ ತಾತಂದಿರು ಸಣ್ಣ ಪುಟ್ಟ ಕಾಸಿಗೆ ಮಾರಾಟ ಮಾಡಿ ನಮ್ಮನ್ನು ಬಡತನಕ್ಕೆ ದೂಡಿದ್ದಾರೆ ಎಂಬ ಅಜ್ಜಿಯ ಕಥೆಗಳನ್ನು ಬಹುತೇಕರು ಕೇಳಿರುತ್ತೇವೆ. ಆಗ ನಾವೂ ಕೂಡ ಯಾವುದೋ ಒಂದು ರಾಜಮನೆತನದ ಅಡಿಯಲ್ಲಿ ವಾಸ ಮಾಡುತ್ತಿರಬಹುದು ಎಂಬ ಚಿಂತನೆ ನಮ್ಮ ತಲೆಗೆ ಬಂದು ಹೋಗಿರುತ್ತದೆ. ಆದರೆ, ಇಲ್ಲೊಬ್ಬ ಅಜ್ಜಿ ತನ್ನ ಜೀವಿತಾವಧಿವರೆಗೆ 9 ಕೋಟಿ ರೂ. ಮೌಲ್ಯದ ರತ್ನಖಚಿತ ಕಲ್ಲೊಂದತನ್ನು ತನನ ಬಾಗಿಲ ಹೊಸ್ತಿಲಾಗಿ ಬಳಕೆ ಮಾಡಿದ್ದಾಳೆ. ಆದರೆ, ಅಜ್ಜಿ ಸತ್ತ ನಂತರ ಇದೀಗ ಆ ಕಲ್ಲು ದೇಶದ ಆಸ್ತಿಯಾಗಿ ಹೊರಹೊಮ್ಮಿದೆ.

ಇಲ್ಲಿದೆ ನೋಡಿ ರತ್ನಖಚಿತ ಕಲ್ಲಿನ ಕಥೆ:  ರೊಮೇನಿಯಾದ ಕೊಲ್ಟಿ ಎಂಬ ಹಳ್ಳಿಯಲ್ಲಿ ವಾಸಿಸುತ್ತಿದ್ದ ಹಿರಿಯ ಮಹಿಳೆ, ನದಿಯ ತಟದಲ್ಲಿ ಕಂಡುಬಂದ ಒಂದು 3.5 ಕಿಲೋಗ್ರಾಂ ತೂಕದ ಕೆಂಪು ಬಣ್ಣದ ಕಲ್ಲನ್ನು ತನ್ನ ಮನೆಯ ಬಾಗಿಲಿಗೆ ತಡೆಗಲ್ಲಾಗಿ ಬಳಸುತ್ತಿದ್ದರು. ಅವರು 1991ರಲ್ಲಿ ನಿಧನರಾದ ನಂತರ, ಆ ಮನೆ ಮತ್ತು ಕಲ್ಲು ಅವರ ಸಂಬಂಧಿಕನಿಗೆ ವರ್ಗವಾಯಿತು. ಆ ಸಂಬಂಧಿಕನು ಕಲ್ಲಿನ ವೈಶಿಷ್ಟ್ಯತೆ ಗಮನಿಸಿ, ಅದನ್ನು ಪರಿಶೀಲಿಸಲು ತಜ್ಞರ ಸಹಾಯವನ್ನು ಪಡೆದನು. ಪರಿಶೀಲನೆಯ ನಂತರ, ಅದು ಸುಮಾರು 38.5 ರಿಂದ 70 ಮಿಲಿಯನ್ ವರ್ಷ ಹಳೆಯದಾದ ಅಮ್ಬರ್ (ರೊಮೆನೈಟ್) ರತ್ನವಾಗಿದ್ದು, ಮೌಲ್ಯವು €1 ಮಿಲಿಯನ್ (ಸುಮಾರು ₹9 ಕೋಟಿ ಮೌಲ್ಯದ) ಎಂದು ತಜ್ಞರು ದೃಢಪಡಿಸಿದರು.

ಇದನ್ನೂ ಓದಿ: ಸಮುದ್ರದೊಳಗಿನ ರಾಕ್ಷಸ ರಹಸ್ಯ: 55 ವರ್ಷಗಳ ನಂತರ ಕ್ಯಾಮೆರಾ ಪತ್ತೆ!

ಈ ಅಮೂಲ್ಯ ರತ್ನವನ್ನು ರೊಮೇನಿಯಾ ಸರ್ಕಾರ ಖರೀದಿಸಿ, ರಾಷ್ಟ್ರದ ಖಜಾನೆಯಾಗಿ ಘೋಷಿಸಿತು. ಪ್ರಸ್ತುತ, ಈ ಅಮ್ಬರ್ ರತ್ನವನ್ನು ಬುಜೌ ಪ್ರಾಂತ್ಯದ ಪ್ರಾದೇಶಿಕ ಮ್ಯೂಸಿಯಂನಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ. ಈ ಘಟನೆ, ಸಾಮಾನ್ಯವಾಗಿ ಕಾಣುವ ಕಲ್ಲುಗಳು ಕೆಲವೊಮ್ಮೆ ಅಪಾರ ಮೌಲ್ಯವನ್ನು ಹೊಂದಿರಬಹುದು ಎಂಬುದಕ್ಕೆ ಉತ್ತಮ ಉದಾಹರಣೆ.​ ಈ ಕಥೆಯು ನಮಗೆ, ನಮ್ಮ ಸುತ್ತಲೂ ಇರುವ ಸಾಮಾನ್ಯ ವಸ್ತುಗಳಲ್ಲಿಯೂ ಅಪರೂಪದ ಮೌಲ್ಯವಿರುವ ವಸ್ತುಗಳು ಅಡಗಿರಬಹುದು ಎಂಬುದನ್ನು ನೆನಪಿಸುತ್ತದೆ. ಅದರಲ್ಲಿಯೂ, ಈ ಅಮ್ಬರ್ ರತ್ನವು ವಿಜ್ಞಾನ ಮತ್ತು ಸಂಸ್ಕೃತಿಯ ದೃಷ್ಟಿಯಿಂದ ಅಪಾರ ಮಹತ್ವವನ್ನು ಹೊಂದಿದೆ.

ಅಂಬರ್ ಎಂದರೆ ಲಕ್ಷಾಂತರ ವರ್ಷಗಳ ಹಿಂದೆ ಮರಗಳಿಂದ ಹೊರಹೊಮ್ಮಿದ ರಾಲಿನ fossilized ರೂಪವಾಗಿದೆ. ಇದು ಸಾಮಾನ್ಯವಾಗಿ ಆಭರಣಗಳಲ್ಲಿ ಬಳಸಲಾಗುತ್ತದೆ. ರೊಮೇನಿಯಾದ ಕೊಲ್ಟಿ ಪ್ರದೇಶವು 'ರೂಮೆನೈಟ್' ಎಂಬ ವಿಶಿಷ್ಟ reddish amber ನಿಂದ ಪ್ರಸಿದ್ಧವಾಗಿದೆ. ಈ ಶಿಲೆಯು ಸುಮಾರು 38 ರಿಂದ 70 ಮಿಲಿಯನ್ ವರ್ಷಗಳಷ್ಟು ಹಳೆಯದಾಗಿದೆ ಎಂದು ತಜ್ಞರು ಅಂದಾಜಿಸಿದ್ದಾರೆ. ಇದು ರೊಮೇನಿಯಾದ ರಾಷ್ಟ್ರೀಯ ಖಜಾನೆಯಾಗಿ ಪರಿಗಣಿಸಲಾಗಿದೆ ಮತ್ತು ಬುಜೌ ಪ್ರಾಂತ್ಯದ ಮ್ಯೂಸಿಯಂನಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ.

ಇದನ್ನೂ ಓದಿ: 20 ವರ್ಷಗಳ ಹಿಂದೆ ಮೊದಲ ಬಾರಿ ಅಪ್ಲೋಡ್ ಆಗಿತ್ತು ಈ ಯುಟ್ಯೂಬ್ ವಿಡಿಯೋ

ಇತ್ತೀಚಿನ ದಿನಗಳಲ್ಲಿ ರಾಜರ ಆಳ್ವಿಕೆ ನಡೆಸಿದ ಪ್ರದೇಶಗಳಲ್ಲಿ, ಯುದ್ಧಗಳನ್ನು ಮಾಡಿದ, ರಾಜರು ಬಿಡಾರ ಹೂಡಿದ ಸ್ಥಳಗಳಲ್ಲಿ ಹಾಗೂ ನಿಧಿಗಳನ್ನು ಸಂಗ್ರಹ ಮಾಡುತ್ತಿದ್ದರು ಎಂದು ಹೇಳಲಾಗುವ ಸ್ಥಳಗಳಲ್ಲಿ ನಿಧಿ ಶೋಧ ಕಾರ್ಯಗಳನ್ನು ಕೆಲವು ಕಿಡಿಗೇಡಿಗಳು ಮಾಡುತ್ತಲೇ ಇದ್ದಾರೆ. ಇಂತಹ ಸಂದರ್ಭದಲ್ಲಿ ಹಿಂದೂ ದೇವಾಲಗಳನ್ನು ಹಾಗೂ ಶಿಲಾ ಮೂರ್ತಿಗಳನ್ನು ಭಗ್ನ ಮಾಡಿದವರೂ ಸಾಕಷ್ಟಿದ್ದಾರೆ. ಇತ್ತೀಚೆಗೆ ಛಾವಾ ಸಿನಿಮಾ ಬಿಡುಗಡೆ ನಂತರ ಮಹಾರಾಷ್ಟ್ರ ಹಾಗೂ ಆಂಧ್ರಪ್ರದೇಶ ಕೆಲವು ಪ್ರದೇಶಗಳಲ್ಲಿ ಬಂಗಾರದ ರ್ನಾಯಗಳಿಗೆ ಹುಡುಕಾಟ ಮಾಡುವುದು ಕೂಡ ಕಂಡುಬಂದಿತ್ತು. ಆದರೆ, ಎಲ್ಲ ಕಲ್ಲುಗಳೂ ಬೆಲೆಬಾಳುವ ವಸ್ತುಗಳು ಆಗಿರುವುದಿಲ್ಲ.