2004ರ ನಂತರ ಈ ವೀಸಾಗಳ ನವೀಕರಣಕ್ಕಾಗಿ ಅವುಗಳ ಮೇಲೆ ಮುದ್ರೆ ಒತ್ತಿಸಿಕೊಳ್ಳಲು ತಮ್ಮ ದೇಶಗಳ ಅಮೆರಿಕ ದೂತಾವಾಸಕ್ಕೆ ಹೋಗಬೇಕಿತ್ತು. ಆದರೆ ವೀಸಾ ಸ್ಟ್ಯಾಂಪಿಂಗ್‌ಗೆ ತಿಂಗಳುಗಟ್ಟಲೆ ಸಮಯ ಹಿಡಿಯುತ್ತಿತ್ತು.
ವಾಷಿಂಗ್ಟನ್‌: ಎಚ್‌-1ಬಿ ಹಾಗೂ ಎಲ್‌-1 ವೀಸಾದಾರರಿಗೆ ಸಂತಸದ ಸುದ್ದಿ. ಅಮೆರಿಕವು ದೇಶೀಯ ವೀಸಾ ಮರುಮೌಲ್ಯಮಾಪನ ಪದ್ಧತಿಯನ್ನು ವರ್ಷಾಂತ್ಯಕ್ಕೆ ಪ್ರಾಯೋಗಿಕವಾಗಿ ಆರಂಭಿಸಲು ಚಿಂತನೆ ನಡೆಸಿದೆ. ಇದರಿಂದ ವೀಸಾ ಅವಧಿ ಮುಗಿದವರು ತಮ್ಮ ದೇಶಗಳಿಗೆ ಮರಳಿ ಪುನಃ ವೀಸಾ ನವೀಕರಿಸಿಕೊಳ್ಳುವ ಬದಲು, ಅಮೆರಿಕದಲ್ಲೇ ವೀಸಾ ಮರುನವೀಕರಣ ಮಾಡಿಸಿಕೊಳ್ಳಲು ಅವಕಾಶ ಲಭಿಸಲಿದೆ. ಇಲ್ಲಿ ನೆಲೆಸಿರುವ ಸಾವಿರಾರು ಭಾರತೀಯ ಉದ್ಯೋಗಿಗಳಿಗೆ ನೆರವಾಗಲಿದೆ.
2004 ರವರೆಗೆ, ಎಚ್‌-1ಬಿ ವೀಸಾ (H-1B Visa) ಸೇರಿ ಕೆಲವು ವೀಸಾಗಳನ್ನು ಅಮೆರಿಕದೊಳಗೇ (United States of America) ಅವಧಿ ಮುಗಿಯುವ ವೇಳೆ ನವೀಕರಿಸಬಹುದಿತ್ತು (Renewal). ಆದರೆ 2004ರ ನಂತರ ಈ ವೀಸಾಗಳ ನವೀಕರಣಕ್ಕಾಗಿ ಅವುಗಳ ಮೇಲೆ ಮುದ್ರೆ ಒತ್ತಿಸಿಕೊಳ್ಳಲು ತಮ್ಮ ದೇಶಗಳ ಅಮೆರಿಕ ದೂತಾವಾಸಕ್ಕೆ (US Consulate) ಹೋಗಬೇಕಿತ್ತು. ಆದರೆ ವೀಸಾ ಸ್ಟ್ಯಾಂಪಿಂಗ್‌ಗೆ (VISA Stamping) ತಿಂಗಳುಗಟ್ಟಲೆ ಸಮಯ ಹಿಡಿಯುತ್ತಿತ್ತು.
ಇದನ್ನು ಓದಿ: ಅಮೆರಿಕಾ ವೀಸಾಗೆ ಭಾರತೀಯರು ಇನ್ನು ಹೆಚ್ಚು ಕಾಯಬೇಕಿಲ್ಲ
ಈ ಸಮಸ್ಯೆ ನಿವಾರಿಸುವ ನಿಟ್ಟಿನಲ್ಲಿ, ವರ್ಷಾಂತ್ಯದಲ್ಲಿ ಅಮೆರಿಕದಲ್ಲೇ ವೀಸಾ ನವೀಕರಣಕ್ಕೆ ಪ್ರಾಯೋಗಿಕವಾಗಿ ಅನುಮತಿ ನೀಡುವ ಚಿಂತನೆ ನಡೆದಿದೆ. ಇದು ಈ ಅರ್ಜಿದಾರರು ವೀಸಾಗಳನ್ನು ನವೀಕರಿಸಲು ತಮ್ಮ ದೇಶಕ್ಕೆ ಪ್ರಯಾಣಿಸುವ ಅಗತ್ಯವನ್ನು ನಿವಾರಿಸುತ್ತದೆ ಎಂದು ವಿದೇಶಾಂಗ ಇಲಾಖೆಯ ವಕ್ತಾರರು ತಿಳಿಸಿದ್ದಾರೆ.
ಇದು ಏಕೆ ಮುಖ್ಯ..?
ಎಲ್ಲಾ H-1B ವೀಸಾ ಹೊಂದಿರುವವರು ಅಮೆರಿಕದ ಹೊರಗೆ ಪ್ರಯಾಣಿಸಲು ಮತ್ತು ಮರು-ಪ್ರವೇಶಿಸಲು ಬಯಸಿದರೆ ಪಾಸ್‌ಪೋರ್ಟ್ ನವೀಕರಣ ದಿನಾಂಕಗಳೊಂದಿಗೆ ಸ್ಟ್ಯಾಂಪ್ ಮಾಡಬೇಕು. ಪ್ರಸ್ತುತ, H-1B ವೀಸಾ ಮರುಸ್ಥಾಪನೆಯನ್ನು ಅಮೆರಿಕದೊಳಗೆ ಅನುಮತಿಸಲಾಗುವುದಿಲ್ಲ ಮತ್ತು ಅಮೆರಿಕದ ದೂತಾವಾಸದ ಕಚೇರಿಗಳಲ್ಲಿ ಮಾತ್ರ ಮಾಡಬಹುದಾಗಿದೆ.
ಇದನ್ನೂ ಓದಿ: ಉನ್ನತ ಪದವೀಧರರಿಗೆ ಗುಡ್‌ ನ್ಯೂಸ್‌, ಉದ್ಯೋಗದ ಆಫರ್ ಇಲ್ಲದೆಯೂ ಸಿಗುತ್ತೆ ಯುಕೆ ವೀಸಾ!
ಇದರಿಂದ ವಿದೇಶಿ ಅತಿಥಿ ಉದ್ಯೋಗಿಗಳಿಗೆ ಮತ್ತು ಅವರ ಉದ್ಯೋಗದಾತರಿಗೆ ಗಮನಾರ್ಹ ಅನಾನುಕೂಲತೆ ಉಂಟುಮಾಡಿದೆ. ವಿಶೇಷವಾಗಿ ವೀಸಾ ಕಾಯುವ ಸಮಯವು 800 ದಿನಗಳಿಗಿಂತ ಹೆಚ್ಚು ಅಥವಾ 2 ವರ್ಷಗಳಿಗಿಂತ ಹೆಚ್ಚಿದ್ದರೆ ಅನಾನುಕೂಲತೆ ಉಂಟಾಗುತ್ತದೆ. H-1B ವೀಸಾಗಳನ್ನು ಸಾಮಾನ್ಯವಾಗಿ 3 ವರ್ಷಗಳ ಅವಧಿಗೆ ನೀಡಲಾಗುತ್ತದೆ.
H-1B ವೀಸಾ ಅಂದರೆ ಏನು..?
H-1B ವೀಸಾ ವಲಸೆ ರಹಿತ ವೀಸಾ ಆಗಿದ್ದು, ವಿಶೇಷ ಸೈದ್ಧಾಂತಿಕ ಅಥವಾ ತಾಂತ್ರಿಕ ಕೌಶಲ್ಯಗಳೊಂದಿಗೆ ವಿದೇಶಿ ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲು ಅಮೆರಿಕ ಕಂಪನಿಗಳಿಗೆ ಅನುವು ಮಾಡಿಕೊಡುತ್ತದೆ. ಭಾರತ ಮತ್ತು ಚೀನಾದಂತಹ ದೇಶಗಳಿಂದ ವಾರ್ಷಿಕವಾಗಿ ಸಾವಿರಾರು ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲು ತಂತ್ರಜ್ಞಾನ ಕಂಪನಿಗಳು ಈ ವೀಸಾವನ್ನು ಅವಲಂಬಿಸಿವೆ.
ಇದನ್ನೂ ಓದಿ: ವರ್ಕ್ ಫ್ರಮ್ ಹೋಮ್ ಮಾಡ್ತಿರುವವರಿಗೆ ಗುಡ್‌ನ್ಯೂಸ್‌ : ಸ್ಪೆಷಲ್ ವೀಸಾ ನೀಡಲಿದೆ ಇಂಡೋನೇಷ್ಯಾ
ಅಮೆರಿಕ ವಿದೇಶಾಂಗ ಇಲಾಖೆ ಹೇಳಿದ್ದೇನು..?
ಕೆಲವು ಅರ್ಜಿ-ಆಧಾರಿತ NIV ವರ್ಗಗಳಿಗೆ ಈ ಸೇವೆಯನ್ನು ಮರುಪ್ರಾರಂಭಿಸುವ ಯೋಜನೆಗಳ ಕುರಿತು ನಾವು ಶ್ರದ್ಧೆಯಿಂದ ಕೆಲಸ ಮಾಡುತ್ತಿದ್ದೇವೆ ಮತ್ತು ಈ ವರ್ಷದ ಕೊನೆಯಲ್ಲಿ ಪ್ರಾಯೋಗಿಕವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ನಾವು ಭಾವಿಸುತ್ತೇವೆ. ಇದು ಈ ಅರ್ಜಿದಾರರು ವೀಸಾಗಳನ್ನು ನವೀಕರಿಸಲು ವಿದೇಶಕ್ಕೆ ಪ್ರಯಾಣಿಸುವ ಅಗತ್ಯವನ್ನು ನಿವಾರಿಸುತ್ತದೆ ಎಂದು ವಿದೇಶಾಂಗ ಇಲಾಖೆಯನ್ನು ಉಲ್ಲೇಖಿಸಿ ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಅಮೆರಿಕದಲ್ಲಿ ಭೌತಿಕವಾಗಿ ಹಾಜರಿರುವ ಮತ್ತು ಕೆಲವು ಅರ್ಜಿ-ಆಧಾರಿತ NIV ವರ್ಗಗಳಿಗೆ ಈ ಸೇವೆಯನ್ನು ಮರುಪ್ರಾರಂಭಿಸುವ ಯೋಜನೆಗಳ ಕುರಿತು ನಾವು ಶ್ರದ್ಧೆಯಿಂದ ಕೆಲಸ ಮಾಡುತ್ತಿದ್ದೇವೆ ಮತ್ತು ಈ ವರ್ಷದ ಕೊನೆಯಲ್ಲಿ ಪ್ರಾಯೋಗಿಕವಾಗಿ ಚಾಲನೆಗೊಳ್ಳಲು ನಾವು ಭಾವಿಸುತ್ತೇವೆ .ಕೆಲವು ಅರ್ಜಿ ಆಧಾರಿತ ವಲಸೆರಹಿತ ವೀಸಾ (NIV) ವಿಭಾಗಗಳಲ್ಲಿ ವೀಸಾ ನವೀಕರಿಸುವ ಅರ್ಜಿದಾರರಿಗೆ 2004 ರವರೆಗೆ ದೇಶೀಯ ವೀಸಾ ಮರುಮೌಲ್ಯಮಾಪನವನ್ನು ಸ್ಟೇಟ್ ಡಿಪಾರ್ಟ್ಮೆಂಟ್ ಸುಗಮಗೊಳಿಸಿದೆ ಎಂದು ಅಧಿಕಾರಿ ಹೇಳಿದರು.
ಅಲ್ಲದೆ, ಪ್ರಾರಂಭದಲ್ಲಿ ಎಷ್ಟು ವೀಸಾ ಹೊಂದಿರುವವರು ಅರ್ಹರಾಗಿರುತ್ತಾರೆ ಎಂಬುದರ ಕುರಿತು ನಾವು ಈಗಲೇ ಹೇಳಲು ಸಾಧ್ಯವಿಲ್ಲ. ಆದರೆ, ಆರಂಭದಲ್ಲಿ ಕೆಲವರಿಗೆ ಮಾತ್ರ ಈ ರೀತಿ ಮಾಡಲಿದ್ದು, ನಂತರ 1 - 2 ವರ್ಷಗಳಲ್ಲಿ ಈ ಪ್ರಮಾಣ ಹೆಚ್ಚಾಗಲಿದೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರವಾಗಿ ಸ್ಟೇಟ್ ಡಿಪಾರ್ಟ್ಮೆಂಟ್ ವಕ್ತಾರರು ಹೇಳಿದರು.
ಕಳೆದ ಕೆಲವು ತಿಂಗಳುಗಳಲ್ಲಿ, ಜೋ ಬೈಡೆನ್ ಆಡಳಿತವು ವೀಸಾ ಪ್ರಕ್ರಿಯೆ ವ್ಯವಸ್ಥೆಯನ್ನು ಸುಗಮಗೊಳಿಸಲು ಮತ್ತು ಅನಾನುಕೂಲತೆಗಳನ್ನು ಕಡಿಮೆ ಮಾಡಲು ಹಲವಾರು ಕ್ರಮಗಳನ್ನು ತೆಗೆದುಕೊಂಡಿದೆ.