ಭಯೋತ್ಪಾದಕ ಗುಂಪುಗಳು ವೈರಸ್‌ಗಳಂತಹ ಜೈವಿಕ ವಸ್ತುಗಳನ್ನು ತಯಾರಿಸುವಂಥ ಜ್ಞಾನವನ್ನು ಪಡೆದುಕೊಂಡಿದೆ. ಆನ್‌ಲೈನ್‌ನಲ್ಲಿ ಸರಳವಾಗಿ ಸಿಗುವಂಥ ಕಿಟ್‌ಗಳನ್ನು ಬಳಸಿಕೊಂಡು, ಸಾಂಕ್ರಾಮಿಕ ರೋಗದ ಶಸ್ತ್ರವನ್ನು ಬಳಕೆ ಮಾಡುವ ಜ್ಞಾ ಸಂಪಾದಿಸಿದೆ.
ನವದೆಹಲಿ (ಮಾ.10): ಕೊರೋನಾ ವೈರಸ್ ವ್ಯಾಪಕವಾಗಿದ್ದಾಗಲೇ ಇಂಥದ್ದೊಂದು ಆತಂಕ ಎಲ್ಲರಲ್ಲೂ ಶುರುವಾಗಿತ್ತು. ಚೀನಾದ ವುಹಾನ್‌ ಲ್ಯಾಬ್‌ನಲ್ಲಿ ಈ ವೈರಸ್ ತಯಾರಾಗಿದ್ದು ಎನ್ನುವ ಸುದ್ದಿಯಾದಾಗ, ಭಯೋತ್ಪಾದಕರು ಕೂಡ ಇಂಥ ಹಾನಿಕಾರಕ ವೈರಸ್‌ಅನ್ನು ಬಳಕೆ ಮಾಡಬಹುದಲ್ಲ ಎನ್ನುವ ಆತಂಕ ಶುರುವಾಗಿತ್ತು. ಈಗ ಈ ಆತಂಕ ನಿಜವಾಗುವ ಲಕ್ಷಣ ಕಂಡಿದೆ. ಮಾನವನ ಜಾತಿಗೆ ಅಸ್ತಿತ್ವಕ್ಕೆ ಬೆದರಿಕೆ ಒಡ್ಡುವಂಥ ಕೃತ್ಯವನ್ನು ಭಯೋತ್ಪಾದಕರು ಮಾಡಲು ಸಜ್ಜಾಗಿದ್ದಾರೆ. ಕೀಟಗಳ ಡ್ರೋನ್‌ಗಳನ್ನು ಬಳಸಿಕೊಂಡು ಅದರಲ್ಲಿ ಹಾನಿಕಾರಕ ವೈರಸ್‌ಗಳನ್ನು ತುಂಬಿ ಅದನ್ನು ಶಸ್ತ್ರಗಳ ರೀತಿಯಲ್ಲಿ ಬಳಸಿಕೊಳ್ಳುವ ಕಲೆ ಭಯೋತ್ಪಾದಕರಿಗೆ ಗೊತ್ತಾಗಿದೆಯಂತೆ. ನ್ಯೂ ಸೌತ್ ವೇಲ್ಸ್ ವಿಶ್ವವಿದ್ಯಾನಿಲಯದ ಗ್ಲೋಬಲ್ ಬಯೋಸೆಕ್ಯುರಿಟಿಯ ಪ್ರೊಫೆಸರ್ ರೈನಾ ಮ್ಯಾಕ್‌ಇಂಟೈರ್, "ಡಿಐವೈ ಬಯಾಲಜಿ" ಮೂಲಕ ಆಧುನಿಕ ಜನಾಂಗ ವಿಶ್ವದ ಜನಸಂಖ್ಯೆಗೆ ಬಹಳ ಸುಲಭವಾಗಿ ಅಪಾಯವನ್ನುಂಟು ಮಾಡಬಹುದು. ಈಗಾಗಲೇ ವಿಶ್ವದ ಪ್ರಬಲ ಭಯೋತ್ಪಾದಕ ಸಂಘಟನೆಗಳು ಕೊರೋನಾವೈರಸ್‌ ಸಾಂಕ್ರಾಮಿಕವನ್ನು ಜಗತ್ತು ಎಷ್ಟು ಆತಂಕದಿಂದ ನೋಡಿತ್ತು ಎನ್ನುವ ಮಾಹಿತಿಯನ್ನು ಪಡೆದುಕೊಂಡಿವೆ. ಆ ಮೂಲಕವೇ ತಮ್ಮ ಮುಂದಿನ ದಾಳಿಯ ಬಗ್ಗೆ ಅವುಗಳು ಯೋಜನೆ ಸಿದ್ಧಮಾಡಿವೆ.
ಜೈವಿಕ ತಂತ್ರಜ್ಞಾನವು ಬಹಳ ವೇಗದಲ್ಲಿ ಮುಂದುವರಿಯುತ್ತಿದೆ. ಕಳೆದ ದಶಕದಲ್ಲಿ "ಡಿಐವೈ ಬಯಾಲಜಿ' ತಂತ್ರಜ್ಞಾನ ಸ್ಫೋಟಗೊಂಡಿದೆ ಎಂದು ಮ್ಯಾಕ್‌ಇಂಟೈರ್ ಹೇಳಿದ್ದಾರೆ. ಇಂಥ ಜೈವಿಕ ಶಸ್ತ್ರಾಸ್ತ್ರಗಳ ಬಳಕೆಯಿಂದ ಯಾವುದೇ ಭಯೋತ್ಪಾದಕ ಸಂಘಟನೆಯನ್ನು ಒಂಚೂರು ಹಣ ಖರ್ಚು ಮಾಡದೇ ಸಂಪೂರ್ಣ ಹೊಸದಾಗಿ ಕಟ್ಟಬಹುದು. ಇಂಥ ಕುಕೃತ್ಯಗಳನ್ನು ಎಸಗುವ ಭಯೋತ್ಪಾದಕ ಗುಂಪುಗಳು ಅತೀ ಕಡಿಮೆ ವೆಚ್ಚದಲ್ಲಿ ದೊಡ್ಡ ಮಟ್ಟದಲ್ಲಿ ಹಾನಿ ಮಾಡಬಲ್ಲ ಜೈವಿಕ ಅಸ್ತ್ರಗಳ ಕಡೆಗೆ ಹೆಚ್ಚು ಮುಖ ಮಾಡಿದೆ. 'ಇನ್‌ಸೆಕ್ಟ್ಸ್‌ ಡ್ರೋನ್ಸ್‌ ಅನ್ನು ಯಾರಿಗೂ ಗೊತ್ತಾಗದಂತೆ ಬಳಕೆ ಮಾಡಬಹುದು. ಇಂಥದ್ದೊಂದು ತಂತ್ರಜ್ಞಾನದಿಂದ ನಾವು ಮಾನವನ ಜಾತಿಯ ಅಸ್ತಿತ್ವಕ್ಕೆ ಸವಾಲೆಸೆಯುವಂಥ ದಿನಗಳನ್ನು ಎದುರು ನೋಡುತ್ತಿದ್ದೇವೆ' ಎಂದು ರೈನಾ ಮ್ಯಾಕ್‌ಇಂಟೈರ್ ಹೇಳಿದ್ದಾರೆ.
ಇವರು ಸೃಷ್ಟಿಮಾಡುವ ಈ ಕೀಟಗಳನ್ನು ಚಿಕ್ಕ ಪ್ರಯೋಗಾಲಯದಲ್ಲಿಯೂ ತಯಾರಿಸಬಹುದಾಗಿದೆ. ಹಾಗಾಗಿ ಇದನ್ನೂ ನಿರ್ಮೂಲನೆ ಮಾಡುವುದು ಕೂಡ ಅಷ್ಟು ಸುಲಭಲ್ಲ ಎಂದು ಹೇಳಿದ್ದಾರೆ. ಇದೊಂದು ಅಭೂತಪೂರ್ವ ತಂತ್ರಜ್ಞಾನ, ಲ್ಯಾಬ್‌ ಇನ್‌ ಅ ಬಾಕ್ಸ್‌ ಎನ್ನುವ ಕಿಟ್‌ಅನ್ನು ಆನ್‌ಲೈನ್‌ನಲ್ಲಿ ನೀವು ಬೇಕಾದರೂ ಖರೀದಿ ಮಾಡಬಹುದು ಅದರೊಂದಿಗೆ ಜೈವಿಕ ವಸ್ತುಗಳ 3ಡಿ ಪ್ರಿಟಿಂಗ್‌ ಕೂಡ ರಚನೆ ಮಾಡಬಹುದು ಎಂದಿದ್ದಾರೆ.
ಡಿಐವೈ ಬಯಾಲಜಿ ಲ್ಯಾಬ್‌ಗಳು ಇಂದು ವಿಶ್ವದ ಎಲ್ಲಾ ಪ್ರಮುಖ ನಗರಗಳಲ್ಲಿವೆ. ನಿಮ್ಮ ಮನೆಯ ಅಡುಗೆ ಮನೆಯಲ್ಲಿಯೇ ಕೆಟ್ಟ ವೈರಸ್‌ಗಳ ಅದೇ ಮಾದರಿಯ ಕೀಟಗಳನ್ನು ಸೃಷ್ಟಿ ಮಾಡುವ ಲ್ಯಾಬ್‌ ರಚನೆ ಆಗುತ್ತಿದೆ. ಇದು ಯಾರಿಗೂ ಕೂಡ ಗೊತ್ತಾಗೋದಿಲ್ಲ. ಇದರ ಬಗ್ಗೆ ನಾವು ಯೋಚನೆ ಮಾಡಬೇಕಾಗಿದೆ' ಎಂದು ಹೇಳಿದ್ದಾರೆ.
undefined
Ukraine Crisis ಉಕ್ರೇನ್ ಮೇಲೆ ಜೈವಿಕ ಅಸ್ತ್ರ ಬಳಕೆಗೆ ಪುಟಿನ್‌ ಸಂಚು, ಬೈಡೆನ್‌ ಮುನ್ನೆಚ್ಚರಿಕೆ!
2019 ರಲ್ಲಿ, ಮಾಂಟೆರಿಯಲ್ಲಿರುವ ಮಿಡಲ್‌ಬರಿ ಇನ್‌ಸ್ಟಿಟ್ಯೂಟ್ ಆಫ್ ಇಂಟರ್‌ನ್ಯಾಶನಲ್ ಸ್ಟಡೀಸ್‌ನ ವರದಿಯು 3D ಪ್ರಿಂಟರ್‌ಗಳು ಭಯೋತ್ಪಾದಕರಿಗೆ ತಮ್ಮದೇ ವಿವೇಚನೆಯಿಂದ ಜಾಗತಿಕ ಮಟ್ಟದಲ್ಲಿ ಹೊಸ ವಿಧ್ವಂಸಕ ಅಸ್ತ್ರವನ್ನು ರಚಿಸಲು ಸಹಾಯ ಮಾಡುತ್ತದೆ ಎಂದು ಎಚ್ಚರಿಸಿದೆ. ಸಂಶೋಧಕ ರಾಬರ್ಟ್ ಶಾ, ಡಿಐವೈ ಬಯಾಲಜಿ ಎನ್ನುವುದು ಸಂಪೂರ್ಣವಾಗಿ ಹೊಸತನದ್ದು, ಇದರ ಬಗ್ಗೆ ಈ ವರೆಗೂ ಯಾರೂ ಯೋಚನೆಯನ್ನೇ ಮಾಡಿರಲಿಲ್ಲ' ಎಂದು ಸೈಂಟಿಫಿಕ್‌ ಅಮೇರಿಕನ್‌ಗೆ ತಿಳಿಸಿದ್ದಾರೆ.
Russia-Ukraine War: ರಷ್ಯಾ ಮೇಲೆ ಜೈವಿಕ ಅಸ್ತ್ರ ಬಳಸಿದ್ಯಾ ಉಕ್ರೇನ್ ಪಡೆ.?
ಕೃತಕವಾಗಿ ತಯಾರಿಸಿದ ವೈರಸ್‌ಗನ್ನು ಸೊಳ್ಳೆಗಳು, ಚಿಕ್ಕಪುಟ್ಟ ಕೀಟಗಳು ಮತ್ತು ಇತರ ಸಣ್ಣ ಕೀಟಗಳಿಗೆ ಚುಚ್ಚುವ ಮೂಲಕ ಸಾಂಕ್ರಾಮಿಕ ರೋಗವನ್ನು ಭಯೋತ್ಪಾದಕರು ಹರಡಿಸಬಹುದು.ಅಅದಲ್ಲದೆ, ರಿಮೋಟ್‌ ನಿಯಂತ್ರಿತ ಕೀಟಗಳ ಡ್ರೋನ್‌ಗಳಿಂದ ಈ ವೈರಸ್‌ಗಳನ್ನು ಹರಡಬಹುದು. ಈ ಕೀಟಗಳು ಯಾರಿಗಾದರೂ ಕಚ್ಚಿದಲ್ಲಿ ಅವರಿಗೆ ಈ ವಿಷಕಾರಿ ವೈರಸ್‌ಗಳು ಹರಡಬಹುದು ಎಂದು ಎಚ್ಚರಿಸಿದ್ದಾರೆ. 'ಕೀಟಗಳ ಡ್ರೋನ್‌ಗಳು ಹೆಚ್ಚೂ ಕಡಿಮೆ ಕೀಟಗಳ ರೀತಿಯಲ್ಲೇ ಇರುತ್ತದೆ. ಇದನ್ನು ರೇಡಿಯೋ ಟ್ರಾನ್ಸ್‌ಮೀಟರ್‌ ಅಥವಾ ರೋಬೋಟ್‌ ಡ್ರೋನ್‌ಗಳ ಮೂಲಕ ನಿಯಂತ್ರಣ ಮಾಡಲಾಗುತ್ತದೆ. ಒಟ್ಟಾರೆ ಇದರ ವಿನ್ಯಾಸವೇ ಕೀಟಗಳ ರೀತಿ ಇರುತ್ತದೆ ಎಂದು ಮ್ಯಾಕ್‌ಇಂಟೈರ್ ಹೇಳಿದ್ದಾರೆ.