ಸೊಳ್ಳೆಗಳಿಂದಲೂ ಕೊರೋನಾ ಹರಡುತ್ತದೆ ಎಂಬುದು ಬರೀ ಊಹಾಪೋಹ| ನಿಜಕ್ಕೂ ಸೊಳ್ಳೆಗಳಿಂದ ಕೊರೋನಾ ಹರಡುತ್ತಾ? ಇಲ್ಲಿದೆ ನೋಡಿ ಉತ್ತರ
ವಾಷಿಂಗ್ಟನ್(ಜು.20): ಸೊಳ್ಳೆಗಳಿಂದಲೂ ಕೊರೋನಾ ಹರಡುತ್ತದೆ ಎಂಬುದು ಬರೀ ಊಹಾಪೋಹ ಎಂದು ಅಧ್ಯಯನವೊಂದರಿಂದ ದೃಢಪಟ್ಟಿದೆ. ‘ಈ ಮುನ್ನ ವಿಶ್ವಸಂಸ್ಥೆಯು ಸೊಳ್ಳೆಯಿಂದ ಕೊರೋನಾ ಹರಡಲ್ಲ ಎಂದು ಸ್ಪಷ್ಟನೆ ನೀಡಿತ್ತು. ನಮ್ಮ ಅಧ್ಯಯನ ಅದನ್ನು ದೃಢಪಡಿಸಿದೆ.
ಸೊಳ್ಳೆಯ ಮೂಲಕ ಸೋಂಕು ತಗುಲಿಸುವ ಸಾಮರ್ಥ್ಯ ‘ಸಾರ್ಸ್‌-ಕೊರೋನಾ ವೈರಸ್’ಗೆ ಇದೆಯೇ ಎಂಬುದನ್ನು ಪರೀಕ್ಷಿಸಲಾಯಿತು. ಆದರೆ ಹರಡುವುದಿಲ್ಲ ಎಂದು ದೃಢಪಟ್ಟಿದೆ’ ಎಂದು ‘ಸೈಂಟಿಫಿಕ್‌ ರಿಪೋಟ್ಸ್‌ರ್‍’ ಎಂಬ ವೈಜ್ಞಾನಿಕ ನಿಯತಕಾಲಿಕೆಯಲ್ಲಿ ಬಯೋಸೆಕ್ಯುರಿಟಿ ರೀಸರ್ಚ್ ಸಂಸ್ಥೆ ನಡೆಸಿದ ಸಂಶೋಧನಾ ವರದಿ ಪ್ರಕಟವಾಗಿದೆ.
ವೈರಸ್ ಸೊಳ್ಳೆ ನಿಗ್ರಹಕ್ಕೆ ಹೈಬ್ರಿಡ್ ಸೊಳ್ಳೆ
ಏಡಿಸ್‌ ಇಜಿಪ್ತಿ, ಏಡಿಸ್‌ ಅಲ್ಬೊಪಿಕ್ಟಸ್‌ ಹಾಗೂ ಕ್ಯುಲೆಕ್ಸ್‌ ಕ್ವಿಂಕೆಫೆಸಿಟಸ್‌ ಎಂಬ 3 ತಳಿಯ ಸೊಳ್ಳೆಗಳನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿತ್ತು. ಸೋಂಕಿತನಿಗೆ ಇವು ಕಚ್ಚಿದ ಬಳಿಕ ಸೋಂಕಿತನಲ್ಲದ ವ್ಯಕ್ತಿಗೆ ಕಚ್ಚಿದರೂ ಇವುಗಳ ಮೂಲಕ ವೈರಸ್ ಹರಡುವುದಿಲ್ಲ ಎಂದು ಎಂದು ಆಗ ತಿಳಿದುಬಂತು’ ಎಂದು ತಿಳಿಸಲಾಗಿದೆ.