ಅಮೆರಿಕ ಸೇನೆ ಇರುವ ಇರಾಕಿ ವಾಯುನೆಲೆ ಮೇಲೆ ರಾಕೆಟ್‌ ದಾಳಿ!

Published : Jan 13, 2020, 11:10 AM ISTUpdated : Jan 13, 2020, 11:15 AM IST
ಅಮೆರಿಕ ಸೇನೆ ಇರುವ ಇರಾಕಿ ವಾಯುನೆಲೆ ಮೇಲೆ ರಾಕೆಟ್‌ ದಾಳಿ!

ಸಾರಾಂಶ

ಅಮೆರಿಕ ಯೋಧರಿರುವ ಇರಾಕಿ ವಾಯುನೆಲೆ ಮೇಲೆ ರಾಕೆಟ್‌ ದಾಳಿ| ನಾಲ್ವರು ಇರಾಕಿ ಯೋಧರಿಗೆ ಗಾಯ

ಬಾಗ್ದಾದ್‌[ಜ.13]: ಇರಾನ್‌-ಅಮೆರಿಕ ನಡುವೆ ಯುದ್ಧಭೀತಿ ಇರುವ ನಡುವೆಯೇ ಇರಾಕ್‌ನಲ್ಲಿ ಮತ್ತೆ ಭಾನುವಾರ ರಾತ್ರಿ ವಾಯುದಾಳಿ ನಡೆದಿದೆ. ಅಮೆರಿಕದ ಯೋಧರು ಇದ್ದ ಇರಾಕಿ ವಾಯುನೆಲೆ ಮೇಲೆ 4 ರಾಕೆಟ್‌ಗಳನ್ನು ಹಾರಿಸಿ ಈ ದಾಳಿ ನಡೆಸಲಾಗಿದ್ದು, ನಾಲ್ವರು ಇರಾಕಿ ಯೋಧರು ಗಾಯಗೊಂಡಿದ್ದಾರೆ.

ಉತ್ತರ ಬಾಗ್ದಾದ್‌ನ ಅಲ್‌ ಬಲಾದ್‌ ವಾಯುನೆಲೆಗೆ ರಾಕೆಟ್‌ ಹಾರಿಸಲಾಗಿದೆ. ಆದರೆ ದಾಳಿ ನಡೆಸಿದ್ದು ಇರಾನ್‌ ದೇಶವ ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆದರೆ ಹಾರಿಸಲಾದ ರಾಕೆಟ್‌ಗಳು ರಷ್ಯಾ ನಿರ್ಮಿತವಾಗಿರುವ ಕಾರಣ, ಸಾಕಷ್ಟುಅನುಮಾನಗಳಿಗೆ ಕಾರಣವಾಗಿದೆ.

ಉಕ್ರೇನ್‌ ವಿಮಾನ ಹೊಡೆದದ್ದು ನಾವೇ: ಇರಾನ್‌ ತಪ್ಪೊಪ್ಪಿಗೆ

ಇತ್ತೀಚೆಗೆ ಇರಾಕ್‌ನಲ್ಲಿ ಅಮೆರಿಕ ವಾಯುದಾಳಿ ನಡೆಸಿ ಇರಾನ್‌ ಸೇನಾಪಡೆಯೊಂದರ ದಂಡನಾಯಕ ಖಾಸಿಂ ಸುಲೈಮಾನಿಯನ್ನು ಹತ್ಯೆ ಮಾಡಿತ್ತು. ಇದಾದ ನಂತರ ಇರಾನ್‌-ಅಮೆರಿಕ ನಡುವೆ ತ್ವೇಷ ವಾತಾವರಣ ಉಂಟಾಗಿತ್ತು. ಇದರ ನಡುವೆಯೇ ಇರಾಕ್‌ನಲ್ಲಿರುವ ಅಮೆರಿಕದ ಸೇನಾ ನೆಲೆ ಮೇಲೆ ವಾಯುದಾಳಿ ನಡೆಸಿ 80 ಅಮೆರಿಕನ್ನರನ್ನು ಸಾಯಿಸಿರುವುದಾಗಿ ಇರಾನ್‌ ಹೇಳಿಕೊಂಡಿತ್ತು.

ಆದರೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಇದನ್ನು ನಿರಾಕರಿಸಿ, ಯಾವೊಬ್ಬ ಅಮೆರಿಕನ್ನನೂ ಸತ್ತಿಲ್ಲ ಎಂದಿದ್ದರು.

ಮತ್ತೊಬ್ಬರ ಉಸಾಬರಿ ಬೇಡ: ಇರಾನ್-ಯುಎಸ್ ಯುದ್ಧದಲ್ಲಿ ಭಾಗಿಯಾಗಲ್ಲ ಎಂದ ಇಮ್ರಾನ್!

PREV

ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ

click me!

Recommended Stories

ವಿದೇಶಗಳಿಗೆ ಭಾರತೀಯ ಪ್ರತಿಭೆ : ನಷ್ಟವೋ ? ಪ್ರಭಾವವೋ?
ಮೋದಿ ಅವಧಿಯಲ್ಲಿ ವಾಕ್‌ ಸ್ವಾತಂತ್ರ್ಯಕ್ಕೆ ಕಡಿವಾಣ : ಸಲ್ಮಾನ್‌ ರಶ್ದಿ ಆರೋಪ