ಜೆನೆವಾ(ಮೇ.13): ಭಾರತದ ಕೊರೋನಾ ಅಪಾಯದ ಪರಿಸ್ಥಿತಿಯ ಇತ್ತೀಚಿನ ಪರಿಶೀಲನೆಯಲ್ಲಿ ದೇಶದಲ್ಲಿ ಕೋವಿಡ್ -19 ಹರಡುವಿಕೆ ಮತ್ತು ವೇಗವರ್ಧನೆಯಾಗಿರುವುದಕ್ಕೆ ವಿಶ್ವ ಆರೋಗ್ಯ ಸಂಸ್ಥೆ ಹಲವಾರು ಕಾರಣಗಳನ್ನು ಹೇಳಿದೆ. ಹಲವಾರು ಧಾರ್ಮಿಕ ಮತ್ತು ರಾಜಕೀಯ ಸಾಮೂಹಿಕ ಒಟ್ಟುಗೂಡುವಿಕೆಯಂತಹ ಘಟನೆಗಳು ಸಾಮಾಜಿಕವಾಗಿ ಜನರನ್ನು ಒಂದಾಗಿಸಿದ್ದು, ಕೊರೋನಾ ಹೆಚ್ಚಳಕ್ಕೆ ಕಾರಣ ಎಂದು WHO ಹೇಳಿದೆ.
WHO ಪ್ರಕಟಿಸಿದ ಕೋವಿಡ್ -19 ವೀಕ್ಲಿ ಎಪಿಡೆಮಿಯೋಲಾಜಿಕಲ್ ಅಪ್‌ಡೇಟ್‌ನಲ್ಲಿ, ಬಿ .1.617 ವಿಧದ ವೈರಸ್‌ಗಳು ಭಾರತದಲ್ಲಿ ಮೊದಲು ಅಕ್ಟೋಬರ್ 2020 ರಲ್ಲಿ ವರದಿಯಾಗಿದೆ ಎಂದು ಹೇಳಿದೆ.
undefined
ಪ್ಲಾಸ್ಮಾ ದಾನ ಮಾಡಲು ಜೊತೆಯಾದ್ರು ಕಾಶ್ಮೀರಿ ಪಂಡಿತ ಮತ್ತು ಮುಸ್ಲಿಂ ವ್ಯಕ್ತಿ
ಬಿ .1.617 ಮತ್ತು ಇತರ ರೂಪಾಂತರ ವೈರಸ್‌ನ ಚಲಾವಣೆಯಿಂದ ಕೋವಿಡ್ -19 ಪ್ರಕರಣ ಹೆಚ್ಚಳ, ಸಾವುಗಳು ಭಾರತದಲ್ಲಿ ಹೆಚ್ಚಾಗಿದೆ. ಈ ರೀತಿ ಜನರನ್ನು ಒಗ್ಗೂಡಿಸಿದ ಸಂಭಾವ್ಯ ಸಂದರ್ಭಗಳ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ ಎಂದು ಹೇಳಲಾಗಿದೆ.
SARS-CoV-2 ರೂಪಾಂತರಗಳನ್ನು ಗುರುತಿಸಲು ಭಾರತದಲ್ಲಿ ಸರಿಸುಮಾರು 0.1% ಪಾಸಿಟಿವ್ ಮಾದರಿಗಳನ್ನು ಅನುಕ್ರಮವಾಗಿ ಮತ್ತು GISAID ಗೆ ಅಪ್‌ಲೋಡ್ ಮಾಡಲಾಗಿದೆ. GISAID ವೈರಸ್ ಕುರಿತ ತ್ವರಿತ ಮಾಹಿತಿ ಒದಗಿಸುತ್ತದೆ.
ಏಪ್ರಿಲ್ 2021 ರ ಅಂತ್ಯದ ವೇಳೆಗೆ ಈ ರೂಪಾಂತರಗಳನ್ನು ಗುರುತಿಸಿದಾಗಿನಿಂದ, ಬಿ .1.617.1 ಮತ್ತು ಬಿ .1.617.2 ಮಾದರಿಗಳಲ್ಲಿ ಭಾರತದಲ್ಲಿ 21% ಮತ್ತು 7% ನಷ್ಟಿತ್ತು ಎಂದು ಹೆಳಿದೆ. WHO ಅನುಕ್ರಮಗಳನ್ನು ಬಳಸಿಕೊಂಡು ನಡೆಸಿದ ಪ್ರಾಥಮಿಕ ವಿಶ್ಲೇಷಣೆಗಳು GISAID ಗೆ ಸಲ್ಲಿಸಿದ ಪ್ರಕಾರ, B.1.617.1 ಮತ್ತು B.1.617.2 ಪರಿಚಲನೆ ರೂಪಾಂತರಗಳಿಗಿಂತ ಗಣನೀಯವಾಗಿ ಪ್ರಕರಣ ಹೆಚ್ಚಾಗಿದೆ.
ಆಗ್ನೇಯ ಏಷ್ಯಾ ದೇಶಗಳಲ್ಲಿ ಭಾರತದಲ್ಲಿಯೇ 95% ಪ್ರಕರಣಗಳು ಮತ್ತು 93% ಸಾವುಗಳು, ಸಂಭವಿಸಿದ್ದ ಜಾಗತಿಕ ಪ್ರಕರಣಗಳಲ್ಲಿ 50% ಪ್ರಕರಣ ಮತ್ತು 30% ಸಾವುಸಂಭವಿಸಿದೆ. ನೆರೆಯ ರಾಷ್ಟ್ರಗಳಲ್ಲಿಯೂ ಆತಂಕಕಾರಿ ವಾತಾವರಣ ಕಂಡುಬಂದಿವೆ ಎಂದು ಹೇಳಿದೆ.
ಭಾರತದಿಂದ ಅತಿ ಹೆಚ್ಚು ಹೊಸ ಪ್ರಕರಣಗಳು ವರದಿಯಾಗಿವೆ (2,738,957 ಹೊಸ ಪ್ರಕರಣಗಳು; 5% ಹೆಚ್ಚಳ), ಬ್ರೆಜಿಲ್ (423,438 ಹೊಸ ಪ್ರಕರಣಗಳು, ಹಿಂದಿನ ವಾರದಷ್ಟೇ ಇದೆ), ಯುಎಸ್ಎ (334,784 ಹೊಸ ಪ್ರಕರಣಗಳು; 3% ಇಳಿಕೆ), ಟರ್ಕಿ (166,733 ಹೊಸ ಪ್ರಕರಣಗಳು; 35% ಇಳಿಕೆ), ಮತ್ತು ಅರ್ಜೆಂಟೀನಾ (140,771 ಹೊಸ ಪ್ರಕರಣಗಳು; 8% ಇಳಿಕೆ)ಯಾಗಿದೆ.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್‌ ನ್ಯೂಸ್ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona