* ಸಾಲದ ಶೂಲಕ್ಕೆ ಸಿಲುಕಿರುವ ನೆರೆಯ ದೇಶ
* ಇಸ್ಲಾಮಿಕ್ ಬಾಂಡ್ ಮೂಲಕ ದುಬಾರಿ 7.95 ಬಡ್ಡಿಗೆ ಸಾಲ
* ಇಷ್ಟುಹೆಚ್ಚು ಬಡ್ಡಿದರ ಪಾವತಿ ಪಾಕ್ ಇತಿಹಾಸದಲ್ಲೇ ಮೊದಲು
ಇಸ್ಲಾಮಾಬಾದ್‌ (ಜ.26): ಸಾಲದ ಶೂಲಕ್ಕೆ ಸಿಲುಕಿ ಕಂಗೆಟ್ಟಿರುವ ನೆರೆಯ ಪಾಕಿಸ್ತಾನ (Pakistan) ಇದೀಗ ಇಸ್ಲಾಮಿಕ್ ಬಾಂಡ್(ಸುಕುಕ್) (Sukuk bond )ಮೂಲಕ 1 ಬಿಲಿಯನ್ ಡಾಲರ್‌(ಪಾಕಿಸ್ತಾನದ ರು. ಪ್ರಕಾರ 17,600 ಕೋಟಿ ರು.) ಪಡೆದುಕೊಂಡಿದೆ. ತೀರಾ ಅಗತ್ಯವಿರುವ ಈ ಸಾಲಕ್ಕಾಗಿ ಅತಿಹೆಚ್ಚು 7.95 ಬಡ್ಡಿದರದ ಹೊರತಾಗಿಯೂ ಪಾಕಿಸ್ತಾನ ಸರ್ಕಾರವು ಲಾಹೋರ್‌-ಇಸ್ಲಾಮಾಬಾದ್‌ (Lahore-Islamabad Motorway)ಹೆದ್ದಾರಿಯ ಸ್ವಲ್ಪ ಭಾಗವನ್ನು ಅಡಮಾನವಿಟ್ಟಿದೆ. ಜತೆಗೆ ಇಸ್ಲಾಮಿಕ್ ಬಾಂಡ್‌ನಡಿ ಪಡೆದ ಸಾಲಕ್ಕೆ ಇಷ್ಟುಹೆಚ್ಚು ಪ್ರಮಾಣದ ಬಡ್ಡಿ ಪಾವತಿಯು ಪಾಕಿಸ್ತಾನದ ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಸೌದಿ ಅರೇಬಿಯಾದಿಂದ ಪಡೆಯಲಾಗಿದ್ದ 3 ಬಿಲಿಯನ್ ಡಾಲರ್‌(52,800 ಕೋಟಿ ರು.) ಪೈಕಿ 35200 ಕೋಟಿ ರು. ಅನ್ನು ಪಾಕಿಸ್ತಾನ ಈಗಾಗಲೇ ವೆಚ್ಚ ಮಾಡಿದೆ. ಈ ಹಿನ್ನೆಲೆಯಲ್ಲಿ ಜ.14ರ ವೇಳೆಗೆ ಪಾಕಿಸ್ತಾನದ ವಿದೇಶಾಂಗ ವಿನಿಮಯ ಮೀಸಲು 17 ಬಿಲಿಯನ್ ಡಾಲರ್‌ನಿಂದ ಕುಸಿತವಾಗಿದೆ. ಹೀಗಾಗಿ ತನ್ನ ವಿದೇಶಾಂಗ ವಿನಿಮಯ ಸಂಗ್ರಹದಲ್ಲಿ ಇನ್ನಷ್ಟುಕುಸಿತ ತಡೆಯಲು ಈ
ಸಾಲ ಪಡೆಯಲಾಗಿದೆ ಎಂದು ವಿತ್ತ ಸಚಿವಾಲಯ ತಿಳಿಸಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಪ್ರಸ್ತುತ ಪಾಕಿಸ್ತಾನದಲ್ಲಿ ಅಧಿಕಾರ ನಡೆಸುತ್ತಿರುವ ಪಿಟಿಐ (PTI), ವಿರೋಧ ಪಕ್ಷದ ಸ್ಥಾನದಲ್ಲಿದ್ದಾಗ ಪ್ರತಿ ಬಾರಿಯೂ ಸುಕುಕ್ ಬಾಂಡ್ ಗೆ ವಿರೋಧ ವ್ಯಕ್ತಪಡಿಸುತ್ತಿತ್ತು. ಸಾಲ ಪಡೆಯುವ ಸಲುವಾಗಿ ದೇಶದ ಆಸ್ತಿಗಳನ್ನು ಅಡಮಾನ ಇಡಲಾಗಿದೆ ಎಂದು ಹೇಳುತ್ತಿತ್ತು. ಆದರೆ, ಕಲೆದ 41 ತಿಂಗಳ ಪಿಟಿಐ ಅಧಿಕಾರದ ವೇಳೆ ಹಲವು ಬಾರಿ ಸುಕುಕ್ ಬಾಂಡ್ ಅನ್ನು ಬಿಡುಗಡೆ ಮಾಡುವ ಸಾರಾಂಶವನ್ನು ಸಂಸತ್ತಿನಲ್ಲಿ ಮಂಡಿಸಿದಾಗ ಹಾಲಿ ಇರುವ ವಿರೋಧ ಪಕ್ಷಗಳು ಇದಕ್ಕೆ ವಿರೋಧ ವ್ಯಕ್ತಪಡಿಸಿವೆ. ಇನ್ನು ಕಳೆದ ಏಪ್ರಿಲ್ ನಲ್ಲಿ ಬಿಡುಗಡೆ ಮಾಡಲಾಗಿದ್ದ ಯುರೋ ಬಾಂಡ್ ನ ಅರ್ಧ ಪರ್ಸಂಟ್ ಹೆಚ್ಚಿನ ದರದಲ್ಲಿ ಸುಕುಕ್ ಬಾಂಡ್ ಬಿಡುಗಡೆ ಮಾಡಲಾಗಿದೆ.ಇಸ್ಲಾಮಿಕ್ ಸುಕುಕ್ ಮತ್ತು ಸಾಂಪ್ರದಾಯಿಕ ಯುರೋಬಾಂಡ್ ನಡುವಿನ ಪ್ರಮುಖ ವ್ಯತ್ಯಾಸವೆಂದರೆ ಇಸ್ಲಾಮಿಕ್ ಬಾಂಡ್ ಆಸ್ತಿ ಬೆಂಬಲಿತವಾಗಿರುತ್ತದೆ.
Imran Khan : ಪಾಕಿಸ್ತಾನದ ಆರ್ಥಿಕತೆ ಭಾರತಕ್ಕಿಂತ ಉತ್ತಮವಾಗಿದೆ ಎಂದ ಪಾಕ್ ಪ್ರಧಾನಿ!
ಅಲ್ಪಾವಧಿಯ ದುಬಾರಿ ವಾಣಿಜ್ಯ ಸಾಲದೊಂದಿಗೆ ಹೋಲಿಸಿದರೆ, ದೀರ್ಘಾವಧಿಯ ಬಾಂಡ್‌ಗಳನ್ನು ಅವುಗಳ ದೀರ್ಘಾವಧಿಯ ಪರಿಪಕ್ವತೆ ಮತ್ತು ಯಾವುದೇ ಷರತ್ತುಗಳನ್ನು ಲಗತ್ತಿಸದ ಕಾರಣ ವಾದ್ಯಗಳ ಆದ್ಯತೆಯ ಆಯ್ಕೆ ಎಂದು ಪರಿಗಣಿಸಲಾಗುತ್ತದೆ. ಆದಾಗ್ಯೂ, ಪಿಟಿಐ ಸರ್ಕಾರವು ವಿದೇಶಿ ಹೂಡಿಕೆದಾರರಿಗೆ ನೀಡುತ್ತಿರುವ ಬಡ್ಡಿದರಗಳು ದೇಶದ ಇತಿಹಾಸದಲ್ಲಿ ಅತ್ಯಂತ ಕಡಿಮೆಯದ್ದಾಗಿದೆ ಎಂದು ವರದಿ ಹೇಳಿದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಇದು ಎರಡನೇ ಬಾರಿಗೆ ಸರ್ಕಾರ ಬಂಡವಾಳ ಮಾರುಕಟ್ಟೆ ವಹಿವಾಟು ನಡೆಸುತ್ತಿದೆ. ದಿ ಎಕ್ಸ್‌ಪ್ರೆಸ್ ಟ್ರಿಬ್ಯೂನ್ ವರದಿಯ ಪ್ರಕಾರ ಕಳೆದ ವರ್ಷ ಜುಲೈನಲ್ಲಿ ಇದು $1 ಬಿಲಿಯನ್ ಸಂಗ್ರಹಿಸಿತ್ತು.
1993ರ ಮುಂಬೈ ದಾಳಿ ರೂವಾರಿಗಳಿಗೆ ಪಾಕಿಸ್ತಾನ ಆತಿಥ್ಯ: India
ಪಾಕಿಸ್ತಾನದಲ್ಲಿ ಹಣಕಾಸು ಹಾಗೂ ಬ್ಯಾಂಕ್ ಬಿಕ್ಕಟ್ಟು ಪೂರ್ಣ ಪ್ರಮಾಣದಲ್ಲಿ ಹದಗೆಟ್ಟಿದೆ. ಪ್ರಸಕ್ತ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ಚಾಲ್ತಿ ಖಾತೆ ಕೊರತೆಯು $9.1 ಶತಕೋಟಿಗೆ ವಿಸ್ತರಿಸಿದೆ -- ಇದು ಸ್ಟೇಟ್ ಬ್ಯಾಂಕ್ ಗವರ್ನರ್ ಡಾ ರೆಜಾ ಬಕಿರ್ ಅವರು ಪೂರ್ಣ ಹಣಕಾಸು ವರ್ಷದಲ್ಲಿ ಅಂದಾಜು ಮಾಡಿದ ಮಟ್ಟಕ್ಕೆ ಸರಿಸುಮಾರು ಸಮಾನವಾಗಿದೆ. 2021-22ರ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಚಾಲ್ತಿ ಖಾತೆ ಕೊರತೆಯು $6.5 ಶತಕೋಟಿಯಿಂದ $9.5 ಶತಕೋಟಿ ವ್ಯಾಪ್ತಿಯಲ್ಲಿ ಉಳಿಯುತ್ತದೆ ಎಂದು ಕಳೆದ ವರ್ಷ ಆಗಸ್ಟ್‌ನಲ್ಲಿ ಡಾ.ಬಾಕಿರ್ ಹೇಳಿದ್ದರು. ಆದರೆ ವಿತ್ತೀಯ ವರ್ಷದ ಮುಕ್ತಾಯಕ್ಕೆ ಆರು ತಿಂಗಳ ಮೊದಲು ಮಿತಿಯನ್ನು ಬಹುತೇಕವಾಗಿ ಪಾಕಿಸ್ತಾನ ದಾಟಿದೆ.