ಸಲಿಂಗಕಾಮಿ ವ್ಯಕ್ತಿಯೊಬ್ಬನಿಗೆ ಕೋವಿಡ್ - 19, ಎಚ್ಐವಿ ಮತ್ತು ಮಂಗನ ಕಾಯಿಲೆ ಏಕಕಾಲದಲ್ಲಿ ಕಾಣಿಸಿಕೊಂಡಿದೆ. ಇಟಲಿಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಇವರಿಗೆ ಒಟ್ಟಿಗೆ ಸೋಂಕು ಕಾಣಿಸಿಕೊಂಡಿದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಇಟಲಿಯಲ್ಲಿ ಸಲಿಂಗ ಕಾಮಿ ವ್ಯಕ್ತಿಯೊಬ್ಬನಿಗೆ ಏಕಕಾಲದಲ್ಲಿ ಮಂಕಿಪಾಕ್ಸ್, HIV ಮತ್ತು COVID-19 ಪಾಸಿಟಿವ್‌ ಬಂದಿರುವ ಬಗ್ಗೆ ವರದಿಯಾಗಿದೆ. ಈ ವರ್ಷದ ಜೂನ್‌ನಲ್ಲಿ ಸ್ಪೇನ್‌ಗೆ ಐದು ದಿನಗಳ ಪ್ರವಾಸದಿಂದ ಮನೆಗೆ ಹಿಂದಿರುಗಿದ ನಂತರ 36 ವರ್ಷ ವಯಸ್ಸಿನ ವ್ಯಕ್ತಿ ಜ್ವರ, ಗಂಟಲಿನ ಆಯಾಸ ಸೇರಿ ಹಲವು ಲಕ್ಷಣಗಳನ್ನು ಅನುಭವಿಸುತ್ತಿದ್ದರು ಎಂದು BNO ನ್ಯೂಸ್ ವರದಿ ಮಾಡಿದೆ. ಮೊದಲ ರೋಗಲಕ್ಷಣಗಳನ್ನು ಅನುಭವಿಸಿದ 3 ದಿನಗಳ ನಂತರ ಅವರು COVID-19 ಪರೀಕ್ಷೆಯಲ್ಲಿ ಪಾಸಿಟಿವ್‌ ಬಂದಿದೆ. ಇದರ ನಂತರ, ಆ ವ್ಯಕ್ತಿಗೆ ತನ್ನ ಎಡಗೈಯಲ್ಲಿ ರ‍್ಯಾಷಸ್ ಮತ್ತು ದೇಹದ ಇತರ ಭಾಗಗಳಲ್ಲಿ ನೋವಿನ ಗುಳ್ಳೆಗಳನ್ನು ಅಭಿವೃದ್ಧಿಪಡಿಸಲು ಪ್ರಾರಂಭಿಸಿದರು. ಇಟಲಿಯ ಕ್ಯಾಟಾನಿಯಾದ ಸ್ಯಾನ್ ಮಾರ್ಕೊ ವಿಶ್ವವಿದ್ಯಾಲಯದ ಆಸ್ಪತ್ರೆಯಲ್ಲಿ ತುರ್ತು ವಿಭಾಗಕ್ಕೆ ದಾಖಲಾಗಿದ್ದ ಅವರು ಮಂಗನ ಕಾಯಿಲೆ ಮತ್ತು ಎಚ್ಐವಿ ಸೋಂಕಿಗೆ ಒಳಗಾಗಿರುವ ಮಾಹಿತಿಯೂ ಬಂದಿದೆ.
ವ್ಯಕ್ತಿಯ ಎಚ್ಐವಿ ಪರೀಕ್ಷೆಯು ಅವರಿಗೆ ಹೆಚ್ಚಿನ ವೈರಲ್ ಲೋಡ್ ಮತ್ತು ಸೋಂಕು ತುಲನಾತ್ಮಕವಾಗಿ ಇತ್ತೀಚಿನದು ಎಂದು ಸೂಚಿಸಿತು. ತನ್ನ ಸ್ಪೇನ್ ಪ್ರವಾಸದಲ್ಲಿ ಪುರುಷರೊಂದಿಗೆ ಅಸುರಕ್ಷಿತ ಲೈಂಗಿಕತೆಯನ್ನು ಹೊಂದಿದ್ದಾಗಿ ಒಪ್ಪಿಕೊಂಡ ವ್ಯಕ್ತಿ, ತಾನು ಈ ಹಿಂದೆ ಸೆಪ್ಟೆಂಬರ್ 2021 ರಲ್ಲಿ ಎಚ್ಐವಿ ಪರೀಕ್ಷೆಯನ್ನು ಹೊಂದಿದ್ದೆ, ಆ ವೇಳೆ ಪರೀಕ್ಷೆಯಲ್ಲಿ ನಕಾರಾತ್ಮಕವಾಗಿತ್ತು ಎಂದು ಹೇಳಿದರು. ಆಸ್ಪತ್ರೆಯಲ್ಲಿ ಒಂದು ವಾರದ ಚಿಕಿತ್ಸೆಯ ನಂತರ, ಕೋವಿಡ್-19 ಮತ್ತು ಮಂಕಿಪಾಕ್ಸ್‌ನಿಂದ ಚೇತರಿಸಿಕೊಂಡ ನಂತರ ವ್ಯಕ್ತಿಯನ್ನು ಬಿಡುಗಡೆ ಮಾಡಲಾಯಿತು ಎಂದು ತಿಳಿದುಬಂದಿದೆ.
ಮಂಕಿಪಾಕ್ಸ್ ಸೋಂಕಿನ ವಿರುದ್ಧ ಚಿಕಿತ್ಸೆಗೆ 'ಪ್ಲಾಟಿನಂ' ಪ್ರಯೋಗ ಆರಂಭ
"ಈ ಪ್ರಕರಣವು ಮಂಕಿಪಾಕ್ಸ್ ಮತ್ತು COVID-19 ರೋಗಲಕ್ಷಣಗಳು ಹೇಗೆ ಒಟ್ಟಿಗೆ ಬರಬಹುದು ಎಂಬುದನ್ನು ಎತ್ತಿ ತೋರಿಸುತ್ತದೆ ಮತ್ತು ಸಹ-ಸೋಂಕಿನ ಸಂದರ್ಭದಲ್ಲಿ, ಅನಾಮ್ನೆಸ್ಟಿಕ್ ಸಂಗ್ರಹಣೆ ಮತ್ತು ಲೈಂಗಿಕ ಅಭ್ಯಾಸಗಳು ಸರಿಯಾದ ರೋಗನಿರ್ಣಯವನ್ನು ಮಾಡಲು ಹೇಗೆ ನಿರ್ಣಾಯಕವಾಗಿವೆ ಎಂಬುದನ್ನು ದೃಢೀಕರಿಸುತ್ತದೆ" ಎಂದೂ ಕೆಟಾನಿಯಾ ವಿಶ್ವವಿದ್ಯಾಲಯದ ಸಂಶೋಧಕರು ಪ್ರಕರಣದ ವರದಿಯಲ್ಲಿ ಹೇಳಿದ್ದಾರೆ. COVID-19, ಮಂಕಿಪಾಕ್ಸ್ ಮತ್ತು HIV ಯ ಏಕಕಾಲಿಕ ಸೋಂಕಿನ ಮೊದಲ ವರದಿಯಾದ ಪ್ರಕರಣ ಇದಾಗಿದೆ.
ಈ ಹಿಂದೆ, ಜೆರಾನ್ ಪ್ರಜೆಯೊಬ್ಬರಿಗೆ ಒಂದೇ ಸಲ ಮಂಗನ ಕಾಯಿಲೆ ಮತ್ತು ಎಚ್ಐವಿ ಪರೀಕ್ಷೆಗಳಲ್ಲಿ ಪಾಸಿಟಿವ್‌ ಬಂದಿತ್ತು. 40-ವರ್ಷ-ವಯಸ್ಸಿನ ಈ ವ್ಯಕ್ತಿಗೆ ಆರಂಭದಲ್ಲಿ ಅವರ ಮೂಗಿನ ಮೇಲೆ ಬಿಸಿಲಿನಿಂದ ಗುಳ್ಳೆಯಾಗಿದೆ ಎಂದು ವರದಿ ಮಾಡಿದ್ದರು, ಆದರೆ ಅದು ಶೀಘ್ರದಲ್ಲೇ ಪತ್ತೆಹಚ್ಚಲಾಗದ HIV ಸೋಂಕಿನಿಂದ "ಕೊಳೆಯಲು" ಪ್ರಾರಂಭಿಸಿತು ಮತ್ತು ನಂತರ ಬಿಳಿ ಕೀವು ತರಹದ ದ್ರವದಿಂದ ತುಂಬಿಕೊಂಡಿದ್ದ ಬಗ್ಗೆ ವರದಿಯಾಗಿತ್ತು. ಇದೇ ರೀತಿಯ ಗುಳ್ಳೆಗಳು ಶೀಘ್ರದಲ್ಲೇ ಅವರ ದೇಹದ ವಿವಿಧ ಭಾಗಗಳಲ್ಲಿ ಹರಡಲು ಪ್ರಾರಂಭಿಸಿದವು. ಅಲ್ಲದೆ, ಆ ವ್ಯಕ್ತಿಗೆ ಮಂಗನ ಕಾಯಿಲೆಗೆ ಚಿಕಿತ್ಸೆ ನೀಡಲು ಒಂದು ವಾರದವರೆಗೆ ಟೆಕೊವಿರಿಮಾಟ್ ಔಷಧವನ್ನು ನೀಡಲಾಗಿತ್ತು ಎಂದೂ ತಿಳಿದುಬಂದಿತ್ತು.
ಲೈಂಗಿಕ ಸಂಪರ್ಕದ ಮೂಲಕವೂ ಹರಡುತ್ತಂತೆ ಮಂಕಿಪಾಕ್ಸ್ ವೈರಸ್ !
ಕೋವಿಡ್ - 19 ಸೋಂಕು ಬರದಿರಲಿ ಅಥವಾ ನಮಗೆ ಮಂಗನ ಕಾಯಿಲೆ, ಎಚ್‌ಐವಿಯಂತಹ ಸೋಂಕು ಬರದಿರಲಿ ಎಂದು ಹಲವರು ಬೇಡಿಕೊಳ್ಳುತ್ತಾರೆ. ಆದರೆ, ಕೊರೊನಾ ಸೋಂಕು, ಮಂನ ಕಾಯಿಲೆ ಹಾಗೂ ಎಚ್‌ಐವಿಯಂತಹ ಮೂರು ಸೋಂಕುಗಳು ಒಂದೇ ಬಾರಿಗೆ ಏಕಕಾಲದಲ್ಲಿ ಕಾಣಿಸಿಕೊಂಡಿರುವುದು ಅಚ್ಚರಿಯೇ ಸರಿ. ಜಗತ್ತಿನಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಪ್ರಕರಣ ವರದಿಯಾಗಿದ್ದು, ಇದು ಜಗತ್ತಿನ ನಾಗರಿಕರಲ್ಲಿ ಆತಂಕ ಉಂಟು ಮಾಡಬಹುದು. ಆದರೂ, ಸದ್ಯ ಇಟಲಿಯ ವ್ಯಕ್ತಿ ಕೋವಿಡ್ - 19 ಹಾಗೂ ಮಂಗನ ಕಾಯಿಲೆಯಿಂದ ಚೇತರಿಸಿಕೊಂಡಿರುವುದರಿಂದ ನಿಟ್ಟುಸಿರು ಬಿಡಬಹುದು.