ಮೊಮ್ಮಗ ಡಿಗ್ರಿ ಪಡೆದಿದ್ದಕ್ಕೆ ಬುರ್ಜ್ ಖಲೀಫಾ ಮೇಲೆ ಫೋಟೋ ಹಾಕಿಸಿದ ದುಬೈ ಶೇಖ್!

ದುಬೈನ ಹೆಮ್ಮೆಯ ಕಟ್ಟಡಗಳಾದ ಬುರ್ಜ್ ಖಲೀಫಾ ಮತ್ತು ಬುರ್ಜ್ ಅಲ್ ಅರಬ್‌ನಲ್ಲಿ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಬಿನ್ ಅವರ ಮೊಮ್ಮಗ ಮುಹಮ್ಮದ್ ಬಿನ್ ರಾಶಿದ್ ಅಲ್ ಮಕ್ತೂಮ್ ಅವರ ಫೋಟೋ ಪ್ರದರ್ಶಿಸಲಾಯಿತು.

ದುಬೈ (ಡಿ.17): ವಿಶ್ವದ ಅತಿ ಎತ್ತರದ ಕಟ್ಟಡವಾದ ಯುಎಇಯ ಬುರ್ಜ್ ಖಲೀಫಾದಲ್ಲಿ ವಿಶೇಷ ದಿನಗಳಲ್ಲಿ ಸಂಬಂಧಿತ ಲೈಟ್‌ಗಳು ಮತ್ತು ಶುಭಾಶಯಗಳು, ಚಿತ್ರಗಳನ್ನು ಪ್ರದರ್ಶಿಸುವುದು ಸಾಮಾನ್ಯ. ಆದರೆ ಇತ್ತೀಚೆಗೆ ಬುರ್ಜ್‌ನಲ್ಲಿ ಮಿಂಚಿದ್ದು ದುಬೈ ಆಡಳಿತಗಾರನ ಮೊಮ್ಮಗನ ಚಿತ್ರ.

ಯುಎಇ ಉಪಾಧ್ಯಕ್ಷ, ಪ್ರಧಾನಿ ಮತ್ತು ದುಬೈ ಆಡಳಿತಗಾರರಾದ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಅಲ್ ಮಕ್ತೂಮ್ ಅವರ ಮೊಮ್ಮಗ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಬಿನ್ ಮುಹಮ್ಮದ್ ಬಿನ್ ರಾಶಿದ್ ಅಲ್ ಮಕ್ತೂಮ್ ಅವರ ಚಿತ್ರ ದುಬೈನ ಪ್ರಮುಖ ಕಟ್ಟಡಗಳಾದ ಬುರ್ಜ್ ಖಲೀಫಾ ಮತ್ತು ಬುರ್ಜ್ ಅಲ್ ಅರಬ್‌ನಲ್ಲಿ ಮಿಂಚಿತು. ಯುಕೆಯ ರಾಯಲ್ ಮಿಲಿಟರಿ ಅಕಾಡೆಮಿ ಸ್ಯಾಂಡ್‌ಹರ್ಸ್ಟ್‌ನಿಂದ ಪದವಿ ಪಡೆದ ರಾಜಮನೆತನದ ಯುವ ಸದಸ್ಯ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಬಿನ್ ಮುಹಮ್ಮದ್ ಅವರಿಗೆ ಅಭಿನಂದನೆ ಸಲ್ಲಿಸಿ ಚಿತ್ರ ಪ್ರದರ್ಶಿಸಲಾಯಿತು.

ದುಬೈ ಸರ್ಕಾರದ ಮಾಧ್ಯಮ ಕಚೇರಿಯ ಸಾಮಾಜಿಕ ಮಾಧ್ಯಮ ಖಾತೆಗಳಲ್ಲಿ ಹಂಚಿಕೊಂಡ ವೀಡಿಯೊಗೆ ಹಲವರು ಅಭಿನಂದನೆ ಸಲ್ಲಿಸಿದ್ದಾರೆ. ಬುರ್ಜ್ ಖಲೀಫಾ, ಬುರ್ಜ್ ಅಲ್ ಅರಬ್, ದುಬೈ ರಸ್ತೆಗಳಲ್ಲಿ ಇಂಟೆಲಿಜೆನ್ಸ್ ಟ್ರಾಫಿಕ್ ವ್ಯವಸ್ಥೆಯ ಭಾಗವಾಗಿರುವ ಮಾಹಿತಿ ಫಲಕಗಳಲ್ಲಿ ಶೈಖ್ ಮುಹಮ್ಮದ್ ಅವರಿಗೆ ಶುಭಾಶಯಗಳನ್ನು ಚಿತ್ರದ ಮೂಲಕ ತಿಳಿಸಲಾಯಿತು.

ಇದನ್ನೂ ಓದಿ: ಸಾವರ್ಕರ್​ರನ್ನು ಹೊಗಳಿ ಅಂಚೆ ಚೀಟಿ ಬಿಡುಗಡೆಗೊಳಿಸಿದ್ದ ಇಂದಿರಾ ಗಾಂಧಿ! ಸದನದಲ್ಲಿ ಕೋಲಾಹಲ ಸೃಷ್ಟಿಸಿದ್ದ ಪತ್ರ ವೈರಲ್​

ಕಮಿಷನಿಂಗ್ ಕೋರ್ಸ್ 241ರ ಪದವಿ ಪ್ರದಾನ ಸಮಾರಂಭದಲ್ಲಿ ರಾಯಲ್ ಮಿಲಿಟರಿ ಅಕಾಡೆಮಿ ಸ್ಯಾಂಡ್‌ಹರ್ಸ್ಟ್‌ನಲ್ಲಿ ನಡೆದ ಸಾರ್ವಭೌಮ ಪಥಸಂಚಲನದಲ್ಲಿ ಅತ್ಯುತ್ತಮ ಅಂತರರಾಷ್ಟ್ರೀಯ ಕೆಡೆಟ್‌ಗಾಗಿ ಅಂತರರಾಷ್ಟ್ರೀಯ ಕತ್ತಿ ಪ್ರಶಸ್ತಿಯನ್ನು ಶೈಖ್ ಮುಹಮ್ಮದ್ ಪಡೆದರು. ಅಕಾಡೆಮಿಯ ಇತಿಹಾಸದಲ್ಲಿ ಈ ಪ್ರಶಸ್ತಿಯನ್ನು ಪಡೆದ ನಾಲ್ಕನೇ ಎಮಿರಾಟಿ ಶೈಖ್ ಮುಹಮ್ಮದ್ ಇವರಾಗಿದ್ದಾರೆ.

ಮಿಲಿಟರಿ, ಶೈಕ್ಷಣಿಕ ಮತ್ತು ಪ್ರಾಯೋಗಿಕ ಅಧ್ಯಯನಗಳಲ್ಲಿ ಒಟ್ಟಾರೆ ಅತ್ಯುತ್ತಮ ಅಂಕಗಳನ್ನು ಗಳಿಸಿದ ಅವರಿಗೆ ಅಂತರರಾಷ್ಟ್ರೀಯ ಪ್ರಶಸ್ತಿಯನ್ನು ನೀಡಲಾಯಿತು. ಎರಡೂ ಪ್ರಶಸ್ತಿಗಳನ್ನು ಒಟ್ಟಿಗೆ ಪಡೆದ ಮೊದಲ ಎಮಿರಾಟಿ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಬಿನ್ ಮುಹಮ್ಮದ್ ಬಿನ್ ರಾಶಿದ್ ಅಲ್ ಮಕ್ತೂಮ್ ಅವರಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ದುಬೈನ ಗಗನಚುಂಬಿ ಕಟ್ಟಡದ ಮೇಲೆ ಅವರ ಫೋಟೋ ಹಾಕಿ ಸಂಭ್ರಮಿಸಲಾಯಿತು.

ಇದನ್ನೂ ಓದಿ: ವಿಕ್ಸ್ ಡಬ್ಬಿ ನುಂಗಿ ಮಗು ಸಾವು; 18 ವರ್ಷ ವ್ರತದ ಬಳಿಕ ಹುಟ್ಟಿದ ಕಂದಮ್ಮ 2 ವರ್ಷವೂ ಬದುಕಲಿಲ್ಲ!