ಚೀನಾದಲ್ಲಿ ಕೋವಿಡ್ ಪರಿಸ್ಥಿತಿ ಕೈಮೀರಿದೆ. ಚೀನಾದ ಲಸಿಕೆ ಕಾರ್ಯನಿರ್ವಹಿಸುತ್ತಿಲ್ಲ. ಪ್ರತಿ ದಿನ ಪ್ರಕರಣಗಳು ಡಬಲ್ ಆಗುತ್ತಿದೆ. ಇತ್ತ ಸಾವಿನ ಸಂಖ್ಯೆಯೂ ಏರಿಕೆಯಾಗಿದೆ. ಇದರಿಂದ ಶವಗಳ ನಡುವೆಯೆ ಸೋಂಕಿತರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಚೀನಾದ ವಿಡಿಯೋಗಳು ನಿಜಕ್ಕೂ ಭಯಾನಕವಾಗಿದೆ.
ಬೀಜಿಂಗ್(ಡಿ.27): ಚೀನಾಗೆ ಬೆಂಬಿಡದೆ ಕಾಡುತ್ತಿರುವ ಕೊರೋನಾ ಈ ಬಾರಿ ಎಲ್ಲಾ ಲೆಕ್ಕಾಚಾರ ಉಲ್ಟಾ ಮಾಡಿದೆ. ಲಕ್ಷ ಲಕ್ಷ ಪ್ರಕರಣಗಳು ದಾಖಲಾಗುತ್ತಿದೆ. ಸಾವಿನ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿದೆ. ಇದರ ಪರಿಣಾಮ ಆಸ್ಪತ್ರೆಗಳಲ್ಲಿ ಶವಗಳ ರಾಶಿ ಕಂಡು ಬರುತ್ತಿದೆ. ಇತ್ತ ಸೋಂಕಿತರಿಗೆ ಶವಗಳ ನಡುವೆಯೇ ಚಿಕಿತ್ಸೆ ನೀಡಲಾಗುತ್ತಿದೆ. ಅಂತ್ಯಸಂಸ್ಕಾರಕ್ಕೆ ಒಂದು ವಾರ ಕಾಯಬೇಕಾದ ಪರಿಸ್ಥಿತಿ ಎದುರಾಗಿದೆ. ಸೋಂಕಿತರಿಗೆ ಬೆಡ್ ಸಿಗದೇ ಪರದಾಡುತ್ತಿದ್ದಾರೆ. ಮಕ್ಕಳಲ್ಲೂ ಕೋವಿಡ್ ಪ್ರಕರಣ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ಇತ್ತ ಪೋಷಕರು ಆಸ್ಪತ್ರೆ ಸಿಬ್ಬಂದಿಗಳ ಬಳಿ ಮಂಡಿಯೂರಿ ಚಿಕಿತ್ಸೆಗಾಗಿ ಮನವಿ ಮಾಡುತ್ತಿರುವ ದೃಶ್ಯಗಳು ಸಾಮಾನ್ಯವಾಗಿದೆ. ಇಷ್ಟೇ ಅಲ್ಲ ಚೀನಾದಲ್ಲಿ ಔಷಧಿ ಅಭಾವ ಹೆಚ್ಚಾಗಿದೆ. ಇಷ್ಟಾದರೂ ಚೀನಾ ಏನೂ ಆಗಿಲ್ಲ ಅನ್ನೋವಂತೆ ಬಿಂಬಿಸುತ್ತಿದೆ. ಆದರೆ ಚೀನಾದ ಆಸ್ಪತ್ರೆಗಳಲ್ಲಿನ ವಿಡಿಯೋಗಳು ಅಸಲಿ ಕತೆ ಬಹಿರಂಗಪಡಿಸಿದೆ.
ಚೀನಾ ಅಧಿಕೃತ ದಾಖಲೆ ಪ್ರಕಾರ ಸಾವಿನ ಸಂಖ್ಯೆ ಸಾವಿರದಲ್ಲಿದೆ. ಆದರೆ ಲಕ್ಷ ಮೀರಿದೆ. ಇದಕ್ಕೆ ವಿಡಿಯೋಗಳೇ ಸಾಕ್ಷಿ. ಶವಗಳನ್ನು ಕಂಟೈನರ್‌ನಲ್ಲಿ ತುಂಬಿ ಸರ್ಕಾರವೇ ಅಂತ್ಯಸಂಸ್ಕಾರ ಮಾಡುತ್ತಿದೆ. ಒಂದೊಂದು ವಿಡಿಯೋ ಬೆಚ್ಚಿ ಬೀಳಿಸುವಂತಿದೆ.
ತರಕಾರಿ ಖರೀದಿಸಲು ವಿಚಿತ್ರ ವೇಷದಲ್ಲಿ ಬಂದ ಚೀನಾ ದಂಪತಿ... ವಿಡಿಯೋ ವೈರಲ್
ಕೋವಿಡ್‌ನಿಂದ ಮೃತಪಟ್ಟವರ ಸಂಖ್ಯೆ ವಿಶ್ವದಲ್ಲೇ ಅತೀ ಕಡಿಮೆ ಎಂದು ಚೀನಾ ಒತ್ತಿ ಒತ್ತಿ ಹೇಳುತ್ತಿದೆ. ಆದರೆ ಅಸಲಿ ವಿಚಾರ ಬಹಿರಂಗೊಂಡಿದೆ. ಇದೀಗ ಎದ್ದಿರುವ ಕೋವಿಡ್ ಬಿಎಪ್.7 ವೇರಿಯೆಂಟ್‌ನಿಂದ ನಿಧನರಾಗುತ್ತಿರುವ ಸಂಖ್ಯೆ ಪ್ರತಿ ದಿನ ಲಕ್ಷದ ಸನಿಹದಲ್ಲಿದೆ ಎಂದು ಅನ್‌ಸೆನ್ಸಾರ್ ಚೀನಾ ಟ್ವಿಟರ್ ಖಾತೆಯಲ್ಲಿ ಹೇಳಿದೆ. ಚೀನಾದಲ್ಲಿ ಪ್ರತಿ ದಿನ 5 ಲಕ್ಷ ಕೊರೋನಾ ಪ್ರಕರಣ ದಾಖಲಾಗುತ್ತಿದೆ.
，疫情大跃进
辽宁鞍山，12月26日晚。这只是一部分。外面还有。 pic.twitter.com/oBcxmi82vg
9 ವಾರಗಳ ಇಳಿಕೆ ಕಳೆದ ವಾರ ಹೊಸ ಕೇಸಲ್ಲಿ ಶೇ.11 ಏರಿಕೆ
ಜಾಗತಿಕವಾಗಿ ಕೋವಿಡ್ ಉಲ್ಬಣವಾದರೂ ಭಾರತದಲ್ಲಿ ಕೋವಿಡ್ ಪ್ರಕರಣಗಳ ಸಂಖ್ಯೆ ಬಹುತೇಕ ಸ್ಥಿರವಾಗಿದೆ. ಆದರೂ ಸತತ ಕಳೆದ 9 ವಾರಗಳಲ್ಲಿ ಕಂಡುಬರುತ್ತಿದ್ದ ಕೋವಿಡ್ ಇಳಿಕೆಯ ಪ್ರವೃತ್ತಿ ಬದಲಾಗಿ ಭಾನುವಾರ ಅಂತ್ಯಗೊಂಡ ವಾರದಲ್ಲಿ ಕೋವಿಡ್ ಪ್ರಕರಣಗಳಲ್ಲಿ ಅಲ್ಪ ಏರಿಕೆ ದಾಖಲಾಗಿದೆ.
ಕಳೆದ ವಾರ 1,103ರಷ್ಟಿದ್ದ ಕೋವಿಡ್ ಕೇಸುಗಳ ಪ್ರಮಾಣ ಈ ವಾರ 1,219ಕ್ಕೆ ಏರಿಕೆಯಾಗಿದ್ದು, ಪ್ರಕರಣಗಳ ಪ್ರಮಾಣದಲ್ಲಿ ಶೇ.11ರಷ್ಟುಏರಿಕೆ ದಾಖಲಾಗಿದೆ. ಮಹಾರಾಷ್ಟ್ರ, ರಾಜಸ್ಥಾನ, ಪಂಜಾಬ್‌, ದೆಹಲಿ, ಹಿಮಾಚಲ ಪ್ರದೇಶ, ತೆಲಂಗಾಣ ಹಾಗೂ ಪಶ್ಚಿಮ ಬಂಗಾಳದಲ್ಲಿ ಪ್ರಮುಖವಾಗಿ ಹೆಚ್ಚು ಕೇಸುಗಳು ದಾಖಲಾಗಿವೆ. ಕೇಸುಗಳ ಸಂಖ್ಯೆಯನ್ನು ಆಧರಿಸಿ ಚೀನಾದಲ್ಲಿ ಕೋವಿಡ್ ಸ್ಫೋಟಕ್ಕೆ ಕಾರಣವಾದ ಹೊಸ ರೂಪಾಂತರಿ ಬಿಎಫ್‌.7ನಿಂದಾಗಿಯೇ ಭಾರತದಲ್ಲಿ ಕೇಸುಗಳು ಹೆಚ್ಚಾಗುತ್ತಿರುವ ಆರಂಭಿಕ ಸಂಕೇತವೇ ಎಂಬುದನ್ನು ನಿರ್ಧರಿಸುವುದು ಸದ್ಯಕ್ಕೆ ಕಷ್ಟಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
Covid 19: ಮಲ್ಲೇಶ್ವರಂ ಶಾಲೆಯಲ್ಲಿ ಕೊರೋನಾ ಹರಡದಂತೆ ಕಟ್ಟೆಚ್ಚರ
ಇನ್ನೊಂದೆಡೆ ಕೇಸುಗಳು ಹೆಚ್ಚಿದರೂ ಸಾವಿನ ಪ್ರಮಾಣದಲ್ಲಿ ಕಳೆದ ವಾರಕ್ಕಿಂತ ಇಳಿಕೆ ಕಂಡುಬಂದಿದೆ. ಕಳೆದ ವಾರದಲ್ಲಿ 20 ಸೋಂಕಿತರು ಬಲಿಯಾಗಿದ್ದು, ಈ ವಾರ ಬಲಿಯಾದವರ ಸಂಖ್ಯೆ 12ಕ್ಕೆ ಇಳಿದಿದೆ.
China has officially reported two deaths in Beijing during the latest Covid surge but crematoriums are saying they’ve run out of space to put the bodies. pic.twitter.com/KSgzfJOUAU
— China Uncensored (@ChinaUncensored);