Racism in South Africa: ವರ್ಣಬೇಧ ನೀತಿ ವಿರುದ್ಧ ಹೋರಾಡಿದ್ದ ಟುಟು ನಿಧನ
ಸಾರಾಂಶ
* ವರ್ಣಬೇಧ ನೀತಿ ವಿರುದ್ಧ, ಲೈಂಗಿಕ ಅಲ್ಪ ಸಂಖ್ಯಾತರ ಹಕ್ಕುಗಳಿಗಾಗಿ ಹೋರಾಟ * 1984ನೇ ಸಾಲಿನ ನೊಬೆಲ್ ಶಾಂತಿ ಪ್ರಶಸ್ತಿ * ಆಫ್ರಿಕಾದ ಮೊದಲ ಕಪ್ಪು ವರ್ಣೀಯ ಬಿಷಪ್
ಜೊಹಾನ್ಸ್ಬರ್ಗ್(ಡಿ.27): ದಕ್ಷಿಣ ಆಫ್ರಿಕಾದಲ್ಲಿ(South Africa) ವರ್ಣಬೇಧ(Racism) ನೀತಿಯ ವಿರುದ್ಧ ಮತ್ತು ಲೈಂಗಿಕ ಅಲ್ಪಸಂಖ್ಯಾತ ಹಕ್ಕುಗಳ ಹೋರಾಟಗಾರರಾಗಿದ್ದ ಕೇಪ್ ಟೌನ್ನ ಆರ್ಚ್ ಬಿಷಪ್ ಡೆಸ್ಮಂಡ್ ಟುಟು(90)(Desmond Tutu) ಭಾನುವಾರ ನಿಧನರಾಗಿದ್ದಾರೆ. ಇವರ ನಿಧನಕ್ಕೆ ದಕ್ಷಿಣ ಆಫ್ರಿಕಾ ಅಧ್ಯಕ್ಷ, ಸಿರಿಲ್ ರಾಮಾಪೋಸಾ(Cyril Ramaphosa), ಭಾರತದ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಹಲವು ಗಣ್ಯರು ಸಂತಾಪ ಸೂಚಿಸಿದ್ದಾರೆ.
‘ಟುಟು ನಿಧನದಿಂದಾಗಿ, ವರ್ಣಬೇಧ ನೀತಿಯಿಂದ ವಿಮೋಚನೆಗೊಂಡ ಆಫ್ರಿಕಾವನ್ನು ನಮಗೆ ನೀಡಿದ ಮತ್ತೊಂದು ಕೊಂಡಿಯನ್ನು ಕಳೆದುಕೊಂಡಾಂತಾಗಿದೆ’ ಎಂದು ಸಿರಿಲ್ ರಾಮಾಪೋಸಾ ಹೇಳಿದ್ದಾರೆ. ‘ಆರ್ಚ್ ಬಿಷಪ್ ಅವರು ಜಾಗತಿಕವಾಗಿ ಅಸಖ್ಯಾಂತ ಜನರಿಗೆ ಮಾರ್ಗದರ್ಶಕರಾಗಿದ್ದರು. ಮಾನವನ ಘನತೆ ಮತ್ತು ಸಮಾನತೆಗೆ ಅವರು ನೀಡಿದ ಒತ್ತು ಚಿರಕಾಲ ನೆನಪಿನಲ್ಲುಳಿಯುತ್ತದೆ. ಅವರ ಸಾವಿನಿಂದ ಬಹಳ ದುಃಖವಾಗಿದೆ’ ಎಂದು ಮೋದಿ(Narendra Modi) ಹೇಳಿದ್ದಾರೆ.
KV Raju Passed Away: 50ಕ್ಕೂ ಹೆಚ್ಚು ಹಿಟ್ ಚಿತ್ರಗಳ ನಿರ್ದೇಶಕ ಕೆ.ವಿ.ರಾಜು ಇನ್ನಿಲ್ಲ
ವರ್ಣಬೇಧ ನೀತಿಯಿಂದ ಬಳಲುತ್ತಿದ್ದ ಆಫ್ರಿಕಾವನ್ನು(Africa) ರಕ್ಷಿಸಲು ಛಲಬಿಡದೇ ಹೋರಾಟ ಮಾಡಿದ ಇವರಿಗೆ 1984ನೇ ಸಾಲಿನ ನೊಬೆಲ್ ಶಾಂತಿ ಪ್ರಶಸ್ತಿ(Nobel Prize) ಲಭಿಸಿತ್ತು. ವರ್ಣಬೇಧ ನೀತಿಯಷ್ಟೇ ಅಲ್ಲದೇ ದೇಶದಲ್ಲಿ ಲೈಂಗಿಕ ಅಲ್ಪಸಂಖ್ಯಾತರ ಹಕ್ಕುಗಳಿಗಾಗಿಯೂ ಇವರು ಹೋರಾಟ ನಡೆಸಿದ್ದರು. ಇವರು ಜೊಹಾನ್ಸ್ಬರ್ಗ್ನ ಮೊದಲ ಕಪ್ಪು ವರ್ಣೀಯ ಬಿಷಪ್ ಆಗಿ ನೇಮಕಗೊಂಡರು. ನಂತರ ಕೇಪ್ಟೌನ್ನ ಆರ್ಚ್ ಬಿಷಪ್ ಆಗಿ ಸೇವೆ ಸಲ್ಲಿಸಿದರು. 1990ರಿಂದ ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಇವರನ್ನು ಹಲವು ಬಾರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ