ಲಂಡನ್(ಮೇ.02): ಇದು ವಿಶ್ವದ ಅತೀ ದೊಡ್ಡ ವಿಸ್ಕಿ ಬಾಟಲ್, ಬರೋಬ್ಬರಿ 5.11 ಅಡಿ ಎತ್ತರವಿರುವು ಈ ವಿಸ್ಕಿ ಬಾಟಲಿಯಲ್ಲಿ ಬರೋಬ್ಬರಿ 311 ಲೀಟರ್ ಸ್ಕಾಚ್ ವಿಸ್ಕಿ ತುಂಬಲಾಗಿದೆ. 32 ವರ್ಷಗಳ ಹಳೆಯ ವಿಸ್ಕಿ ಇದಾಗಿದೆ. ಇದೀಗ ಈ ಅಪರೂಪದ, ವಿಶ್ವದ ಅತೀ ದೊಡ್ಡ ಸ್ಕಾಚ್ ವಿಸ್ಕಿ ಬಾಟಲ್ ಹರಾಜಿಗೆ ಇಡಲಾಗಿದೆ. ಮೇ. 25 ರಂದು ಘಟಾನುಘಟಿಗಳು ಈ ಬಾಟಲ್ ಬಿಡ್ ಮಾಡಲು ತುದಿಗಾಲಲ್ಲಿ ನಿಂತಿದ್ದಾರೆ.
ಯುನೈಟೆಡ್ ಕಿಂಗ್ಡಮ್ ಎಡಿನ್‌ಬರ್ಗ್‌ನಲ್ಲಿ ಈ ವಿಸ್ಕಿ ಹರಾಜಿಗೆ ಇಡಲಾಗಿದೆ. ಈಗಾಗಲೇ ಆನ್‌ಲೈನ್ ಮೂಲಕ ನೋಂದಣಿ ಕಾರ್ಯ ನಡೆಯುತ್ತಿದೆ. ಮೇ.25 ರಂದು ಹರಾಜು ನಡೆಯಲಿದೆ. ಈಗಾಗಲೇ ಹಲವರು ನೋಂದಣಿ ಮಾಡಿಕೊಂಡಿದ್ದಾರೆ. ವಿಶ್ವದ ಯಾವುದೇ ಪ್ರದೇಶದಿಂದ ಈ ಹರಾಜಿನಲ್ಲಿ ಪಾಲ್ಗೊಳ್ಳಬಹುದು. ಆನ್‌ಲೈನ್ ಮೂಲಕ ಹರಾಜು ಪ್ರಕ್ರಿಯೆ ನಡೆಯಲಿದೆ. ಇಷ್ಟೇ ಅಲ್ಲ ಇಡೀ ಜಗತ್ತೇ ಇದೀಗ ಈ ವಿಸ್ಕಿ ಹರಾಜಿಗಾಗಿ ಕಾದುಕುಳಿತಿದೆ.
undefined
ವಿಸ್ಕಿಯನ್ನು ಐಸ್ ಹಾಕಿ ಕುಡಿಯಬಾರದು ಅಂತಾರಲ್ಲ ಯಾಕೆ ?
311 ಲೀಟರ್ ವಿಸ್ಕಿ ಅಂದರೆ 750 ಎಂಎಲ್ ನ 444 ಬಾಟಲ್‌ಗೆ ಸಮ. 32 ವರ್ಷ ಹಳೆಯ ಈ ವಿಸ್ಕಿಯನ್ನು ದಿನಕ್ಕೊಂದು ಪೆಗ್ ಹಾಕಿದರೆ ಮುಂದಿನ 32 ವರ್ಷ ಸವಿಯಬಹುದು. ಹರಾಜಿನಲ್ಲಿ ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಈ ಅತೀ ದೊಡ್ಡ ಸ್ಕಾಚ್ ವಿಸ್ಕಿ ಮುರಿಯಲಿದೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ. ಇದು ನೀಜವಾಗುವು ಸಾಧ್ಯತೆ ಇದೆ.
ಈಗಾಗಲೇ ಅತೀ ದುಬಾರಿ ವಿಸ್ಕಿ ಹರಾಜು ದಾಖಲೆಯೊಂದು ನಿರ್ಮಾಣವಾಗಿದೆ. ಈ ಹಿಂದೆ ನಡೆದ ಅಪರೂಪದ ಹಾಗೂ ಅತೀ ಹಳೆಯ ವಿಸ್ಕಿ 1.9 ಮಿಲಿಯನ್ ಅಮೆರಿಕನ್ ಡಾಲರ್, ಇಂದಿನ ರೂಪಾಯಿಗಳಲ್ಲಿ ಸರಿಸುಮಾರು 14 ಕೋಟಿ ರೂಪಾಯಿಗೆ ಹರಾಜಾಗಿತ್ತು. ಇದೀಗ ತಜ್ಞರ ಪ್ರಕಾರ ವಿಶ್ವದ ಅತೀ ದೊಡ್ಡ ಸ್ಕಾಚ್ ವಿಸ್ಕಿ ಈ ದಾಖಲೆಯನ್ನು ಮುರಿಯಲಿದೆ. ಸರಿಸುಮಾರು 15 ರಿಂದ 20 ಕೋಟಿ ರೂಪಾಯಿಗೆ ಈ ವಿಸ್ಕಿ ಹರಾಜಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಅತೀ ದೊಡ್ಡ ವಿಸಿ ಹರಾಜಿನಿಂದ ಬಂದ ಹಣದಲ್ಲಿ ಶೇಕಡಾ 25 ರಷ್ಟು ಹಣವನ್ನು ಚಾರಿಟಿಗೆ ನೀಡಲಾಗುವುದು ಎಂದು ಘೋಷಿಸಲಾಗಿದೆ. ಈ ಸ್ಕಾಚ್ ವಿಸ್ಕಿ ಬಾಟಲ್‌ಗೆ ದಿ ಇಂಟ್ರೆಪಿಡ್ ಎಂದು ಹೆಸರಿಡಲಾಗಿದೆ. ಈ ವಿಸ್ಕಿ ಮೃದುವಾಗಿದೆ. ಬ್ಲೆಂಡೆಡ್ ಸ್ಕಾಚ್ ಒಟ್ಟಾರೆ ಉತ್ತಮ ರುಚಿ ಹೊಂದಿದೆ ಎಂದು ಆಯೋಜಕರು ಹೇಳಿದ್ದಾರೆ.
Good News: ಮದ್ಯ ಪ್ರಿಯರೇ ಇಲ್ ಕೇಳಿ, ಸ್ಕಾಚ್ ವಿಸ್ಕಿ ಮೇಲೆ ಶೇ.50 ಸುಂಕ ಕಟ್!
ಬಿಯರ್‌ ಬ್ರ್ಯಾಂಡ್‌ನಲ್ಲಿ ಧೋನಿ ಹಣ ಹೂಡಿಕೆ
ಟೀಂ ಇಂಡಿಯಾ ಹಾಗೂ ಚೆನ್ನೈ ಸೂಪರ್‌ ಕಿಂಗ್‌್ಸ ಮಾಜಿ ನಾಯಕ ಎಂ.ಎಸ್‌.ಧೋನಿ ‘ಕಾಪ್ಟರ್‌ 7’ ಹೆಸರಿನ ಬಿಯರ್‌ ಮಾರುಕಟ್ಟೆಗೆ ತಂದಿದ್ದಾರೆ. ಅಕಾರ್ಡ್‌ ಸಂಸ್ಥೆ ಜೊತೆ ಕೈಜೋಡಿಸಿರುವ ಧೋನಿ, ಬಿಯರ್‌ ವ್ಯಾಪಾರದಲ್ಲಿ ಪಾಲುದಾರಿಕೆ ಹೊಂದಿದ್ದಾರೆ ಎಂದು ತಿಳಿದುಬಂದಿದೆ. ಕಾಪ್ಟರ್‌ 7 ಬ್ರ್ಯಾಂಡ್‌ ಬಿಯರ್‌ಗಳು ಈಗಾಗಲೇ ಬೆಂಗಳೂರು, ಮುಂಬೈ, ಗೋವಾ, ಪಂಜಾಬ್‌, ಜಾರ್ಖಂಡ್‌ನಲ್ಲಿ ಲಭ್ಯವಿದ್ದು, ಶೀಘ್ರದಲ್ಲೇ ಚೆನ್ನೈನಲ್ಲಿ ಅಧಿಕೃತವಾಗಿ ಬಿಡುಗಡೆಗೊಳ್ಳಲಿದೆ.