ಯಾರಿಗೂ ತಿಳಿಯದಂತೆ Incognitoನಲ್ಲಿ ಪ್ರೈವೇಟ್ ವಿಡಿಯೋ ನೋಡ್ತೀರಾ? ಕೂಡಲೇ ಈ ಸೆಟ್ಟಿಂಗ್ಸ್ ಚೇಂಜ್ ಮಾಡ್ಕೊಳ್ಳಿ
ಸಾರಾಂಶ
Incognito ಮೋಡ್ನಲ್ಲಿ ಸರ್ಚ್ ಹಿಸ್ಟರಿ ಸೇವ್ ಆಗದಂತೆ ತಡೆಯಲು ಸೆಟ್ಟಿಂಗ್ಸ್ ಬದಲಾಯಿಸಿ. ಬ್ರೌಸಿಂಗ್ ಹಿಸ್ಟರಿ, ಕುಕೀಸ್, ಮತ್ತು DNS ಕ್ಯಾಶ್ ಡಿಲೀಟ್ ಮಾಡುವ ವಿಧಾನ ತಿಳಿಯಿರಿ.
Incognito Mode ಅನ್ನೋದು ಇಲ್ಲಿ ನಿಮ್ಮ ಯಾವುದೇ ಸರ್ಚ್ ಹಿಸ್ಟರಿ ಸೇವ್ ಆಗಲ್ಲ. Incognito Modeನಿಂದ ಹೊರ ಬರುತ್ತಿದ್ದಂತೆ ನೀವು ಮೊಬೈಲ್ನಲ್ಲಿ ಏನು ಸರ್ಚ್ ಮಾಡಿದ್ದೀರಿ ಅನ್ನೋದು ಯಾರಿಗೂ ಗೊತ್ತಾಗಲ್ಲ ಎಂಬ ನಂಬಿಕೆ ಬಹುತೇಕ ಎಲ್ಲ ಬಳಕೆದಾರರಲ್ಲಿದೆ. Incognito Mode ಅನ್ನೋದು ಬಳಕೆದಾರರ ಪ್ರೈವೇಸಿಯನ್ನು ಕಾಪಾಡುತ್ತದೆ. Incognito Mode ಬಳಕೆಯಿಂದ ನಿಮ್ಮ ಎಲ್ಲಾ ಆನ್ಲೈನ್ ಹಿಸ್ಟರಿ ಅಥವಾ ನಿಮ್ಮ ಬ್ರೌಸರ್ ಎಲ್ಲವೂ ಅಳಿಸಿ ಹೋಗುತ್ತದೆ ಅನ್ನೋದು ಸುಳ್ಳು. ಆದ್ರೆ ಕೆಲವು ಸರ್ಚ್ ಹಿಸ್ಟರಿ ನಿಮ್ಮ ಸಿಸ್ಟಮ್ DNS ಕ್ಯಾಶ್ ಅಥವಾ ಅಪ್ಲಿಕೇಶನ್ ಸ್ಟೋರೇಜ್ನಲ್ಲಿ ಕೆಲವೊಮ್ಮೆ ಉಳಿದಿರೋ ಸಾಧ್ಯತೆಗಳಿರುತ್ತವೆ. ಹಾಗಾಗಿ ಸೆಟ್ಟಿಂಗ್ಸ್ನಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಇದರಿಂದ ಸರ್ಚ್ ಹಿಸ್ಟರಿ ಸೇವ್ ಆಗಿರಲ್ಲ.
Incognito ಅನ್ನೋದು ಪ್ರೈವೇಟ್ ಮೋಡ್ ಆಗಿದೆ. Google Chrome, Safari, Mozilla Firefox ಮತ್ತು Microsoft Edge ಸೇರಿದಂತೆ ಹಲವು ಸರ್ಚ್ ಎಂಜಿನ್ಗಳಲ್ಲಿ Incognito ಮೋಡ್ ಆಯ್ಕೆಯನ್ನು ನೀಡಲಾಗಿದೆ. ಈ ಮೋಡ್ ಬಳಕೆಯಿಂದಾಗಿ ಬ್ರೌಸರ್ನಲ್ಲಿ ಬ್ರೌಸಿಂಗ್ ಹಿಸ್ಟರಿ, ಕುಕೀಸ್ ಮತ್ತು ಸೈಟ್ ಡೇಟಾ ಸೇರಿದಂಝತೆ ಫಾರ್ಮ್ ಇನ್ಪುಟ್ ಮತ್ತು ಆಟೋಫಿಲ್ ಡೇಟಾ ಸೇವ್ ಮಾಡೋದನ್ನು ನಿಲ್ಲಿಸುತ್ತದೆ. Incognito ಮೋಡ್ ಬಳಕೆ ಒಂದೆಡೆ ನಿಮ್ಮೆಲ್ಲಾ ಡೇಟ್ ಸೇವ್ ಆಗೋದನ್ನು ತಡೆಯುತ್ತದೆ. ಆದ್ರೂ ನೀವು ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ಕೆಲ ಸೆಟ್ಟಿಂಗ್ಸ್ಗಳನ್ನು ಬದಲಾವಣೆ ಮಾಡಿಕೊಳ್ಳೋದು ಉತ್ತಮ.
Androidನಲ್ಲಿ ಪ್ರೈವೇಟ್ ಸರ್ಚ್ ಹಿಸ್ಟರಿ ಡಿಲೀಟ್ ಮಾಡೋದು ಹೇಗೆ?
ಆಂಡ್ರಾಯ್ಡ್ ಡಿವೈಸ್ನಲ್ಲಿ Incognito ಮೋಡ್ ಬಳಕೆ ಮಾಡುವ ಸಂದರ್ಭದಲ್ಲಿ ಕೆಲ ಬ್ರೌಸಿಂಗ್ ಹಿಸ್ಟರಿ ಆಪ್ ಸ್ಟೋರೇಜ್ ಮತ್ತು DNS ಕ್ಯಾಶ್ನಲ್ಲಿ ಸೇವ್ ಆಗಿರುತ್ತದೆ. ಈ ರೀತಿ ಸೇವ್ ಅಗೋದನ್ನು ತಡೆಯಲು ಈ ಸೆಟಿಂಗ್ಸ್ ಬದಲಿಸಿಕೊಳ್ಳಿ.
1.ಬ್ರೌಸ್ ಡೇಟಾ ಕ್ಲಿಯರ್ ಮಾಡುವ ವಿಧಾನ
- ಮೊದಲು ನಿಮ್ಮ ಡಿವೈಸ್ನಲ್ಲಿರುವ Settings ಆಪ್ ಓಪನ್ ಮಾಡಿ.
- ನಂತರ Privacy or Security ಮೇಲೆ ಕ್ಲಿಕ್ ಮಾಡಿ.
- ನಿಮಗೆ Browser Setting ಕಾಣುತ್ತೆ. ಅಲ್ಲಿ Clear Browsing Data ಮೇಲೆ ಕ್ಲಿಕ್ ಮಾಡಿ.
- ನಂತರ Advanced ಆಪ್ಷನ್ ಆಯ್ಕೆ ಮಾಡಿ. ಆ ನಂತರ ಟೈಮ್ ಲಿಮಿಟ್ ಆಯ್ಕೆ ಮಾಡಿಕೊಳ್ಳಿ.
- ಬ್ರೌಸಿಂಗ್ ಹಿಸ್ಟರಿ, ಕುಕೀಸ್ ಮತ್ತು ಸೈಟ್ ಡೇಟಾ, ಕ್ಯಾಶ್ ಮಾಡಿರುವ ಫೋಟೋಜ್ ಮತ್ತು ಫೈಲ್ಸ್ ಚೆಕ್ ಮಾಡಿ.
- ಎಲ್ಲಾ ರೆಕಾರ್ಡ್ ಡಿಲೀಟ್ ಮಾಡಲು Clear Data ಮೇಲೆ ಕ್ಲಿಕ್ ಮಾಡಿದ್ರೆ ಎಲ್ಲವೂ ಅಳಿಸಿ ಹೋಗುತ್ತದೆ.
ಇದನ್ನೂ ಓದಿ: ಕೇವಲ ಒಂದು ಸಣ್ಣ ಸೆಟಿಂಗ್ನಿಂದ ಸ್ಮಾರ್ಟ್ಫೋನ್ನಲ್ಲಿ ಪಡೆದುಕೊಳ್ಳಿ ಸೂಪರ್ಫಾಸ್ಟ್ 5G ಇಂಟರ್ನೆಟ್
2.ಆಪ್ ಡೇಟಾ ಡಿಲೀಟ್ ಮಾಡುವ ವಿಧಾನ
- Settingsನಲ್ಲಿ ಹೋಗಿ Apps ಓಪನ್ ಮಾಡಿ.
- ನಂತರ Browser ಚೆಕ್ ಮಾಡಿ. ( ಉದಾಹರಣೆಗೆ, Google Chrome, Mozilla Firefox)
- ತದನಂತರ Storage & Cacheಗೆ ಹೋಗಿ. ಈಗ Clear Storage or Clear Data ಮೇಲೆ ಟ್ಯಾಪ್ ಮಾಡಿದ್ರೆ ಎಲ್ಲವೂ ಅಳಿಸುತ್ತದೆ.
3.DNS ಕ್ಯಾಶ್ ಕ್ಲಿಯರ್ ಮಾಡುವ ವಿಧಾನ
- Google Chromeನಲ್ಲಿ ಬ್ರೌಸರ್ ಓಪನ್ ಮಾಡಿ.
- ಅಡ್ರೆಸ್ ಬಾರ್ ನಲ್ಲಿ chrome://net-internals/#dns ಎಂದು ಟೈಪ್ ಮಾಡಿ ಎಂಟರ್ ಒತ್ತಿ.
- ಯಾವುದೇ ಸಂಗ್ರಹಿಸಲಾದ DNS ದಾಖಲೆಗಳನ್ನು ಅಳಿಸಲು ಹೋಸ್ಟ್ ಸಂಗ್ರಹವನ್ನು ತೆರವುಗೊಳಿಸಿ ಕ್ಲಿಕ್ ಮಾಡಿ.
ಇದನ್ನೂ ಓದಿ: ಇಂಟರ್ನೆಟ್ ಇಲ್ಲದೇ ಯುಟ್ಯೂಬ್ನಲ್ಲಿ ವಿಡಿಯೋ ನೋಡುವ ಸೂಪರ್ ಟ್ರಿಕ್ಸ್
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.