ಫ್ಯಾಕ್ಟರಿಯಲ್ಲಿ ಐಸ್‌ಕ್ರೀಂ ಹೇಗೆ ತಯಾರಿಸ್ತಾರೆ ಗೊತ್ತಾ, ನೋಡಿದ್ಮೇಲೆ ಬೇಕು ಅಂತ ಯಾವತ್ತೂ ಕೇಳೋದಿಲ್ಲ!

ವಿವಿಧ ಫ್ಲೇವರ್‌ಗಳಲ್ಲಿ ಬರುವ ಐಸ್ ಕ್ರೀಮ್‌ಗಳನ್ನು ಕಾರ್ಖಾನೆಯಲ್ಲಿ ಹೇಗೆ ತಯಾರಿಸಲಾಗುತ್ತದೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?.

ಬಾಲ್ಯದ ನೆನಪುಗಳನ್ನು ಮರಳಿ ತರುವ ಅನೇಕ ವಿಷಯಗಳಿವೆ. ಅವುಗಳಲ್ಲಿ ಒಂದು ಐಸ್ ಕ್ರೀಮ್. ಅದು ಕೂಡ ಬಾರ್. ನಾವೆಲ್ಲರೂ ಕೇವಲ 2 ರೂಪಾಯಿಗೆ ಖರೀದಿಸುತ್ತಿದ್ದ ಆ ಐಸ್ ಕ್ರೀಮ್ ಬೆಲೆ ಈಗ ಹೆಚ್ಚಾಗಿದೆ. ಇಂದು ಅದು 5-10 ರೂಪಾಯಿಗಳಿಗೆ ಲಭ್ಯವಿದೆ. ಈಗ್ಯಾಕೆ ಆ ವಿಷಯ ಅಂತೀರಾ, ಈ ಐಸ್ ಕ್ರೀಮ್ ಹೇಗೆ ತಯಾರಿಸುತ್ತಾರೆಂದು ನಿಮಗೆ ತಿಳಿದಿದೆಯೇ? . ಏಕೆಂದರೆ ಯಾರೂ ಐಸ್‌ಕ್ರೀಮ್ ತಯಾರಿಸುವ ಪ್ರಕ್ರಿಯೆಯನ್ನು ಸಾಮಾನ್ಯವಾಗಿ ನೋಡಿರಲಿಕ್ಕಿಲ್ಲ. ಹಾಗಾದರೆ, ಇಂದು ನಾವು ನಿಮಗೆ 5-10 ರೂಪಾಯಿ ಬೆಲೆಯ ಈ ಐಸ್ ಕ್ರೀಮ್ ಅನ್ನು ಕಾರ್ಖಾನೆಯಲ್ಲಿ ಹೇಗೆ ತಯಾರಿಸಲಾಗುತ್ತದೆ ಎಂಬುದನ್ನು ತೋರಿಸುತ್ತೇವೆ. ಇಡೀ ಪ್ರಕ್ರಿಯೆಯನ್ನು ನೋಡಿದ ನಂತರ, ನೀವು ಅದನ್ನು ತಿನ್ನುವ ಮೊದಲು 100 ಬಾರಿ ಯೋಚಿಸುತ್ತೀರಿ. ಮತ್ತೇಕೆ ತಡ, ಈ ವಿಡಿಯೋ ನೀವೇ ನೋಡಿ...

ಐಸ್ ಕ್ರೀಮ್ ತಿನ್ನಲು ಯಾರು ಇಷ್ಟಪಡುವುದಿಲ್ಲ ಹೇಳಿ. ವಿಶೇಷವಾಗಿ ಕಿತ್ತಳೆಯಿಂದ ಮಾವಿನ ಹಣ್ಣಿನವರೆಗೆ ವಿವಿಧ ಫ್ಲೇವರ್‌ಗಳಲ್ಲಿ ಬರುವ ಐಸ್ ಕ್ರೀಮ್‌ಗಳನ್ನು ಕಾರ್ಖಾನೆಯಲ್ಲಿ ಹೇಗೆ ತಯಾರಿಸಲಾಗುತ್ತದೆ ಗೊತ್ತಾ?.

ಪ್ರಸ್ತುತ ಐಸ್ ಕ್ರೀಮ್ ಕಾರ್ಖಾನೆಯೊಂದರ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದ್ದು, ಅದರಲ್ಲಿ ತುಂಬಾ ಕೊಳಕು ರೀತಿಯಲ್ಲಿ ತಯಾರಿಸಲಾಗುತ್ತಿರುವುದನ್ನು ತೋರಿಸಲಾಗಿದೆ. ಕಾರ್ಮಿಕರು ಕೈಗವಸುಗಳಿಲ್ಲದೆ, ಕೊಳಕು ಬಕೆಟ್‌ಗಳಲ್ಲಿ ಮತ್ತು ನೈರ್ಮಲ್ಯವಿಲ್ಲದ ನೀರಿನಿಂದ ಐಸ್ ಕ್ರೀಮ್ ತಯಾರಿಸುತ್ತಿರುವುದನ್ನು ನೋಡಿ ಜನರು ಶಾಕ್ ಆಗಿದ್ದಾರೆ.

ಹೌದು, ಇತ್ತೀಚಿನ ದಿನಗಳಲ್ಲಿ ಐಸ್ ಕ್ರೀಮ್ ಕಾರ್ಖಾನೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಕಾರ್ಮಿಕರು ಐಸ್ ಕ್ರೀಮ್ ತಯಾರಿಸುವ ವಿಧಾನವನ್ನು ನೀವು ನೋಡಿದರೆ, ಬಹುಶಃ ನೀವು ಇಂದೇ ಐಸ್ ಕ್ರೀಮ್ ತಿನ್ನುವುದನ್ನು ನಿಲ್ಲಿಸಬಹುದು.

ವಿಡಿಯೋದಲ್ಲಿ ಕೆಲಸಗಾರರು ಮೊದಲು ಪ್ಲಾಸ್ಟಿಕ್ ಬಕೆಟ್‌ಗಳಲ್ಲಿ ನೀರನ್ನು ತುಂಬುತ್ತಾರೆ. ನಂತರ ಅವರು ನೀರನ್ನು ನೀಲಿ ಡ್ರಮ್‌ನಲ್ಲಿ ಹಾಕಿ ಅದಕ್ಕೆ ಬಣ್ಣ ಮತ್ತು ಸುವಾಸನೆಯನ್ನು ಸೇರಿಸುತ್ತಾರೆ. ಇದಾದ ನಂತರ, ಅವರು ನೀರನ್ನು ಪಾಪ್ಸಿಕಲ್ ಅಚ್ಚಿನಲ್ಲಿ ತುಂಬುತ್ತಾರೆ, ಅದು ಐಸ್ ಕ್ರೀಂನ ಆಕಾರವನ್ನು ನೀಡುತ್ತದೆ.  ಅವರು ಆ ಪಾತ್ರೆಗಳನ್ನು ಫ್ರೀಜ್ ಮಾಡುತ್ತಾರೆ,  ಕೊನೆಗೆ ಐಸ್ ಕ್ರೀಮ್ ಫ್ರೀಜ್ ಆಗುತ್ತದೆ ಮತ್ತು ಸಿದ್ಧವಾಗುತ್ತದೆ. 

ಈಗ ಅವರು ಅದನ್ನು ಬುಟ್ಟಿಯಲ್ಲಿ ತುಂಬಿಸಿ ಪ್ಯಾಕ್ ಮಾಡುತ್ತಾರೆ. ತದನಂತರ, ಐಸ್ ಕ್ರೀಮ್ ನಿಮ್ಮ ಮನೆಗಳಿಗೆ ಬರಲು ಸಿದ್ಧವಾಗುತ್ತದೆ. ಆದರೆ ನೀವು ವಿಡಿಯೋವನ್ನು ಎಚ್ಚರಿಕೆಯಿಂದ ನೋಡಿದರೆ, ಸ್ಥಳೀಯ ಕಾರ್ಖಾನೆಯಲ್ಲಿ ತಯಾರಿಸಲಾಗುತ್ತಿರುವ ಈ ಐಸ್ ಕ್ರೀಮ್ ನಮ್ಮ ಆರೋಗ್ಯಕ್ಕೆ ಎಷ್ಟು ಅಪಾಯಕಾರಿ ಎಂದು ನಿಮಗೆ ತಿಳಿಯುತ್ತದೆ.

ಕಾರ್ಖಾನೆಯ ಈ ವಿಡಿಯೋವನ್ನು @alim_uddin_04 ಎಂಬ ಬಳಕೆದಾರರು Instagram ನಲ್ಲಿ ಹಂಚಿಕೊಂಡಿದ್ದಾರೆ, ಇದು 7 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಹೊಂದಿದೆ. ವಿಡಿಯೋ ವೈರಲ್ ಆದ ತಕ್ಷಣ, ಅದು X ನಂತಹ ಇತರ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗಲು ಪ್ರಾರಂಭಿಸಿತು.

ವಿಡಿಯೋ ನೋಡಿ ಜನರು ಶಾಕ್ ಆದರು. ಭಾರತೀಯ ಸ್ಟ್ರೀಟ್ ಫುಡ್ ಮತ್ತು ಅನೈರ್ಮಲ್ಯ ಆಹಾರ ಸಂಗ್ರಹಣೆಯನ್ನು ಪ್ರಪಂಚದಾದ್ಯಂತ ಅಪಹಾಸ್ಯ ಮಾಡಲಾಗುತ್ತದೆ ಎಂಬುದಕ್ಕೆ ಇದು ಜೀವಂತ ಪುರಾವೆಯಾಗಿದೆ ಎಂದು ಕೆಲವರು ತಮ್ಮ ಅನಿಸಿಕೆ ವ್ಯಕ್ತಪಡಿಸಿದರೆ, ಮತ್ತೆ ಕೆಲವರು 'ಲೋಕಲ್ ಬಗ್ಗೆ ಮರೆತುಬಿಡಿ, ಈಗ ನನಗೆ ದುಬಾರಿ ಐಸ್ ಕ್ರೀಮ್ ತಿನ್ನಲು ಭಯವಾಗುತ್ತಿದೆ' ಎಂದಿದ್ದಾರೆ. ಮತ್ತೊಬ್ಬರು '5-10 ರೂಪಾಯಿಗೆ ಲಭ್ಯವಿರುವ ಈ ಅಗ್ಗದ ಐಸ್ ಕ್ರೀಮ್ ಅನ್ನು ಕಾರ್ಖಾನೆಯಲ್ಲಿ  ಎಷ್ಟು ಕೊಳಕು ರೀತಿಯಲ್ಲಿ ತಯಾರಿಸಲಾಗುತ್ತದೆ.' ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.