ಬಾಕ್ಸಾಫೀಸ್ ಮೂನ್ ಸ್ಟಾರ್ ಯಶ್, ಮೊದಲ ದಿನದ KGF 2 ಗಳಿಕೆ ಎಷ್ಟು ಗೊತ್ತಾ.?

ಬೆಂಗಳೂರು (ಏ. 16): ರಾಕಿ ಭಾಯ್ (Yash) ಅಬ್ಬರಕ್ಕೆ ಬಾಲಿವುಡ್ ಗಲ್ಲಾಪಟ್ಟಿಗೆ ಶೇಕ್ ಆಗಿದೆ. ಕೆಜಿಎಫ್-2 (KGF 2) ಸಿನಿಮಾ ಬಿಡುಗಡೆ ಆಗುತ್ತೆ ಅಂದಾಗ ಬಾಲಿವುಡ್ ಬಿಗ್ ಸ್ಟಾರ್‌ಗಳ ಎದೆಯಲ್ಲಿ ನಡುಕ ಶುರುವಾಗಿತ್ತು. ಹಿಂದಿಯ ಕಲೆಕ್ಷನ್ ವಿಚಾರದಲ್ಲಿ ನಮ್ಮ ಸಿನಿಮಾಗಳನ್ನ ಮೀರಿಸೋಕೆ ಯಾರಿಂದಲೂ ಸಾಧ್ಯವಿಲ್ಲ ಎನ್ನುತ್ತಿದ್ದವರು ಇಂದು ಬಾಯ್ ಮೇಲೆ ಬೆರಳಿಟ್ಟು ಕಣ್ ಕಣ್ ಬಿಡುತ್ತಿದ್ದಾರೆ.

ಜಗ್ಗೇಶ್ 'ರಾಘವೇಂದ್ರ ಸ್ಟೋರ್‌'ನಲ್ಲಿ ಕಾಮಿಡಿ ಕಚಗುಳಿ, ನೋಡಲು ಮರೆಯಬೇಡಿ..!

ಯಾಕಂದ್ರೆ ಯಶ್ (Yash) ಒಂದೇ ಹಡೆತಕ್ಕೆ ಒಂದೇ ದಿನದಲ್ಲಿ ಹಿಂದಿಯಲ್ಲಿ ಬರೋಬ್ಬರಿ 53.95 ಕೋಟಿ ಕಲೆಕ್ಷನ್ ಮಾಡಿದ್ದಾರೆ. ಹಿಂದಿಯಲ್ಲಿ 51.60 ಕೋಟಿ ಕಲೆಕ್ಷನ್ ಮಾಡೋ ಮೂಲಕ ಅತಿ ಹೆಚ್ಚು ಗಳಿಸಿದ ಸಿನಿಮಾ ಹೃತಿಕ್ ರೋಷನ್ ಹಾಗು ಟೈಗರ್ ಶ್ರಾಫ್ ನಟಿಸಿದ್ದ ವಾರ್ ಚಿತ್ರವಾಗಿತ್ತು. ಆದ್ರೆ ಈಗ 53.95 ಕೋಟಿ ಗಳಿಸೋ ಮೂಲಕ ಹಿಂದಿಯಲ್ಲಿ ಫಸ್ಟ್ ಡೇ ಅತಿ ಹೆಚ್ಚು ಗಳಿಸಿರೋ ಮೊದಲ ಸಿನಿಮಾ ಅನ್ನೋ ರೆಕಾರ್ಡನ್ನು 2 ತನ್ನ ಹೆಸರಿಗೆ ಬರೆದುಕೊಂಡಿದೆ. 

ಕೆಜಿಎಫ್-2 ಚಿತ್ರ ಕನ್ನಡ, ತೆಲುಗು, ತಮಿಳು, ಹಾಗು ಮಲೆಯಾಳಂನಲ್ಲಿ ಒಟ್ಟು 81 ಕೋಟಿ ಕಲೆಕ್ಷನ್ ಮಾಡಿದೆ. ಹೊರ ದೇಶದಲ್ಲೂ ಕೆಜಿಎಫ್-2 ಬಹು ದೊಡ್ಡ ಕಲೆಕ್ಷನ್ ಮಾಡಿದೆ. ಭಾರತದಲ್ಲಿ 134.5 ಕೋಟಿ ಗಳಿಸಿರೋ ಕೆಜಿಎಫ್-2 ಹೊರ ದೇಶದಲ್ಲಿ 90 ಕೋಟಿ ಕಲೆಕ್ಷನ್ ಮಾಡಿದೆ ಅಂತ ಅಂದಾಜಿಸಲಾಗಿದೆ. ಹೀಗಾಗಿ ಫಸ್ಟ್ ಡೇ ಕೆಜಿಎಫ್-2 ಸಿನಿಮಾದ ಒಟ್ಟು ಗಳಿಕೆ 224 ಕೋಟಿ ಆಗುತ್ತೆ. ಹೀಗಾಗಿ ಈಗ ವಿಶ್ವದಾದ್ಯಂತ ರಾಕಿ ದರ್ಬಾರ್ ನಡೆಯುತ್ತದೆ..