ಒಂದೇ ದಿನ ತೆರೆ ಮೇಲೆ ದರ್ಬಾರ್ ಮಾಡ್ತಾರೆ 'ತ್ರಿ' ಸ್ಟಾರ್ಸ್.!

ರಾಜ್ ಬಿ ಶೆಟ್ಟಿ.. ಸ್ಯಾಂಡಲ್ವುಡ್ ಬಾಕ್ಸಾಫೀಸ್ಅನ್ನ ಸೈಲೆಂಟ್ಗೇ ದೋಚೋ ಬೆಸ್ಟ್ ಆ್ಯಕ್ಟರ್.. ಡಾರ್ಲಿಂಗ್ ಕೃಷ್ಣ.. ಲವ್ ನಲ್ಲಿ ನಿಮ್ಮನ್ನ ಲಾಕ್ ಮಾಡಿ ಗಲ್ಲಾಪೆಟ್ಟಿಗೆ ಕೊಳ್ಳೆ ಹೊಡೆಯೋ ಹೀರೋ.. ಇನ್ನು ಅಭಿಷೇಕ್ ಅಂಬರೀಶ್.. ರೆಬೆಲ್ ಆಗಿ ಬಂದು ದರ್ಬಾರ್ ಮಾಡೋ ಸ್ಟಾರ್ ಕಿಡ್.. ಈಗ ರಾಜ್ ಬಿ ಶೆಟ್ಟಿ, ಡಾರ್ಲಿಂಗ್ ಕೃಷ್ಣ, ಅಭಿಶೇಕ್ ಅಂಬರೀಶ್ ಒಂದೇ ದಿನ ಬೆಳ್ಳಿತೆರೆ ಮೇಲೆ ದರ್ಬಾರ್ ಮಾಡೋಕೆ ಬರ್ತಿದ್ದಾರೆ. ಸ್ಯಾಂಡಲ್ವುಡ್ನ ಭರವಸೆಯ ಸ್ಟಾರ್ಸ್ ರಾಜ್ ಬಿ ಶೆಟ್ಟಿ, ಅಭಿಷೇಕ್ ಅಂಬರೀಶ್, ಹಾಗು ಡಾರ್ಲಿಂಗ್ ಕೃಷ್ಣ  ಸಿನಿಮಾಗಳಿಗೆ ಮಾರ್ಕೆಟ್ನಲ್ಲಿ ಭಾರಿ ಭೇಡಿಕೆ ಇದೆ. ಈ ಮಾರ್ಕೆಟ್ನಲ್ಲಿ ಈಗ ಗೆಲ್ಲೋದ್ಯಾರು ಅನ್ನೋದೆ ಕುತೂಹಲ. ಯಾಕಂದ್ರೆ ರಾಜ್ ಬಿ ಶೆಟ್ಟಿ ನಟಿಸಿ ನಿರ್ದೇಶಿಸಿರೋ ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾ ಟ್ರೈಲರ್ನಿಂದಲೇ ನಿರೀಕ್ಷೆ ಹೆಚ್ಚಿಸಿದೆ. 

ರಮ್ಯಾ ನಿರ್ಮಾಣ ಮಾಡಿರೋ ಈ ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿಗೆ ಸಿರಿ ರವಿ ಕುಮಾರ್ ನಾಯಕಿಯಾಗಿದ್ದಾರೆ. ಇನ್ನು ಶುಗರ್ ಫ್ಯಾಕ್ಟರಿ. ದೀಪಕ್ ಅರಸ್ ನಿರ್ದೇಶನದ ಸಿನಿಮಾದಲ್ಲಿ ಯುತ್ಫುಲ್ ಸ್ಟೋರಿ ಇದೆ. ಈಗಿನ ಪಬ್ ಕಲ್ಚರ್ ಸುತ್ತ ಕತೆ ಹೆಣೆದಿರೋ ನಿರ್ದೇಶಕ ದೀಪಕ್ ಅರಸ್, ಡಾರ್ಲಿಂಗ್ ಕೃಷ್ಣ ಹಿಂದೆಂದೂ ಮಾಡದ ಪಾತ್ರದಲ್ಲಿ ತೋರಿಸಿದ್ದಾರೆ. ಕೃಷ್ಣ ಇಲ್ಲಿ ಸೋನಲ್ ಮಂಥೋರ, ಅದ್ವಿತ ಶೆಟ್ಟಿ, ರುಹಾನಿ ಶೆಟ್ಟಿ ನಟಿಸಿದ್ದಾರೆ. ಅಭಿಷೇಕ್ ಅಂಬರೀಸ್ ನಟನೆಯ ಬ್ಯಾಡ್ ಮ್ಯಾನರ್ಸ್ ಸಿನಿಮಾ ಕೂಡ ನಾಳೆ ತೆರೆ ಕಾಣುತ್ತಿದೆ. ಸುಕ್ಕ ಸೂರಿ ನಿರ್ದೇಶನದ ಈ ಸಿನಿಮಾದಲ್ಲಿ ಅಭಿ ಟಫ್ ಪೊಲೀಸ್ ಕಾಪ್ ರೋಲ್ ಮಾಡಿದ್ದಾರೆ. ಸುದೀರ್ ನಿರ್ಮಾಣದ ಈ ಸಿನಿಮಾದಲ್ಲಿ ಡಿಂಪಲ್ ಕ್ವೀನ್ ರಚಿತಾ ರಾಮ್ ಹೀರೋಯಿನ್. ಚರಣ್ ರಾಜ್ ಮ್ಯೂಸಿಕ್ ಸಿನಿಮಾಗಿದೆ. ಸಿನಿಮಾ ರಾಜ್ಯದ 300 ಚಿತ್ರಮಂದಿರಗಳಲ್ಲಿ ತೆರೆ ಕಾಣುತ್ತಿದೆ.