ರಿಯಲ್ ಸ್ಟಾರ್ 'ಕಬ್ಜ' ಸಿದ್ಧಪಡಿಸಿದ್ದು ಹೇಗೆ? ಶ್ರೀಯಾ ಶರಣ್ಗೆ ಚಂದ್ರು ಕಥೆ ಒಪ್ಪಿಸಿದ್ದೇಗೆ?
ಸ್ಯಾಂಡಲ್ ವುಡ್ ರಿಯಲ್ ಸ್ಟಾರ್ ಉಪೇಂದ್ರ ಈಗ ಇಂಡಿಯನ್ ರಿಯಲ್ ಸ್ಟಾರ್ ಉಪೇಂದ್ರ ಆಗೋ ಟೈಮ್ ಹತ್ತಿರ ಆಗಿದೆ. ಕಬ್ಜ ಸಿನಿಮಾ ಸಿನಿಮಾದ ಟೀಸರ್ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಟೀಸರ್ ರಿಲೀಸ್ ಈವೆಂಟ್ ನಲ್ಲಿ ಆರ್ ಚಂದ್ರು ಕಬ್ಜ ಸಿನಿಮಾ ಪ್ರಾರಂಭವಾಗಿದ್ದು ಹೇಗೆ ಎಂದು ರಿವೀಲ್ ಮಾಡಿದರು.
ಸ್ಯಾಂಡಲ್ ವುಡ್ ರಿಯಲ್ ಸ್ಟಾರ್ ಉಪೇಂದ್ರ ಈಗ ಇಂಡಿಯನ್ ರಿಯಲ್ ಸ್ಟಾರ್ ಉಪೇಂದ್ರ ಆಗೋ ಟೈಮ್ ಹತ್ತಿರ ಆಗಿದೆ. ಯಾಕಂದ್ರೆ ನಿರ್ದೇಶಕ ಆರ್ ಚಂದ್ರು ಕಲ್ಪನೆಯಲ್ಲಿ ಮೂಡಿ ಬರುತ್ತಿರೋ ಕಬ್ಜ ಸಿನಿಮಾದ ಸೌಂಡ್ ಈಗ ಇಡೀ ದೇಶವನ್ನ ಆವರಿಸಿಕೊಂಡಿದೆ. ಎಲ್ಲಾ ಕೊನೆಯಲ್ಲೂ ಒಂದು ಆರಂಭ ಇರುತ್ತೆ ಅನ್ನೋ ಹಾಗೆ ಕೆಜಿಎಫ್-2 ಸಿನಿಮಾದ ಹವಾ ಮುಗಿಯುತ್ತಿದ್ದಂತೆ ಈಗ ಕಬ್ಜ ಜಮಾನ ಆರಂಭ ಆಗಿದೆ. ಕಬ್ಜ ಟೀಸರ್ ಸೂಪರ್ ಡೂಪರ್ ಹಿಟ್ ಆಗುತ್ತಿದೆ.
ಆರ್ ಚಂದ್ರು ಸಿನಿಮಾ ಕಾರ್ಯಕ್ರಮ ಅಂದ್ಮೇಲೆ ಅಲ್ಲಿ ಲವ ಲವಿಕೆಗೆ ಸಾಸುವೆಷ್ಟು ಕಡಿಮೆ ಇರೋಲ್ಲ. ಕಬ್ಜ ಟೀಸರ್ ನೋಡಿದ್ಮೇಲೆ ಅಲ್ಲಿದ್ದವರ ಮುಖದಲ್ಲಿ ಪಾಸಿಟೀವ್ ವೈಬ್ ಎದ್ದು ಕಾಣುತ್ತಿತ್ತು. ಅದರಲ್ಲೂ ಕಬ್ಜದ ಟೀಸರ್ಅನ್ನ ಬಿಡುಗಡೆ ಮಾಡೋದಕ್ಕೆ ಬಾಹುಬಲಿಯ ಬಲ್ಲಾಳದೇವ ರಾಣಾ ದಗ್ಗುಭಾಟಿ ಬಂದಿದ್ರಿಂದ ಇಡೀ ಆಡಿಟೋರಿಯಂ ಫುಲ್ ಜೋಶ್ನಲ್ಲಿತ್ತು. ಇದೇ ಜೋಶ್ನಲ್ಲಿ ಕಬ್ಜ ಟೀಸರ್ ಅನಾವರಣಕ್ಕೆ ರಾಣಾ ಗ್ರೀನ್ ಸಿಗ್ನಲ್ ಬಟನ್ ಬತ್ತಿದ್ರು. ಆ ನಂತ್ರ ನಡೆದಿದ್ದೆಲ್ಲಾ ಮನೊರಂಜನೆಯ ಮಹಾಪೂರ. ಅದೆ ಸಮಯಕ್ಕೆ ಆರ್ ಚಂದ್ರು ಮಾತನಾಡಿ ಕಬ್ಜ ಸಿನಿಮಾ ಹುಟ್ಟಿದ್ದು ಹೇಗೆ ಮತ್ತು ಶ್ರೀಯಾ ಶರಣ್ ಗೆ ಕಥೆ ಒಪ್ಪಿಸಿದ್ದು ಹೇಗೆ ಎಂದು ರಿವೀಲ್ ಮಾಡಿದರು.
