Jan 3, 2025, 12:21 PM IST
ಬೆಂಗಳೂರು(ಜ.03): ಹೊಸ ವರ್ಷದ ಸಂಭ್ರಮದಲ್ಲಿದ್ದ ಅಮೆರಿಕದಲ್ಲಿ 3 ಸರಣಿ ಭಯೋತ್ಪಾದಕ ದಾಳಿಗಳು ನಡೆದಿವೆ. ಒಂದರ ಮೇಲೊಂದರಂತೆ ಮೂರು ಘಟನೆಗಳಿಂದ ಅಮೆರಿಕ ಜನತೆ ತತ್ತರಿಸಿದ್ದಾರೆ. ಒಂದೇ ದಿನ ಟ್ರಕ್ ದಾಳಿ, ಕಾರ್ ಸ್ಫೋಟ, ಗುಂಡಿನ ದಾಳಿಗಳು ನಡೆದಿವೆ. ಡೊನಾಲ್ಡ್ ಟ್ರಂಪ್ ಹೋಟೆಲ್ ಮುಂದೆ ಕಾರ್ ಬಾಂಬ್ ಸ್ಫೋಟಗೊಂಡಿದೆ. ಲಾಸ್ವೆಗಾಸ್ನ ಟ್ರಂಪ್ ಹೋಟೆಲ್ ಮುಂದೆ ಟೆಸ್ಲಾ ಕಾರ್ ಸ್ಫೋಟಗೊಂಡಿದೆ. ಟ್ರಕ್ ದಾಳಿಗೂ, ಕಾರ್ ಬಾಂಬ್ ಸ್ಫೋಟಕ್ಕೂ ಸಂಬಂಧ ಇರೋ ಶಂಕೆ ವ್ಯಕ್ತವಾಗಿದೆ.
23 ವರ್ಷದ ನಂತರ ಅಮೆರಿಕದಲ್ಲಿ ಭೀಕರ ಭಯೋತ್ಪಾದಕ ದಾಳಿ
ಅಮೆರಿಕದ ಲೂಸಿಯಾನ ರಾಜ್ಯದ ನ್ಯೂ ಓರ್ಲಿಯನ್ಸ್ನಲ್ಲಿ ಟ್ರಕ್ ದಾಳಿ ನಡೆದಿದೆ. ಬೌರ್ಬನ್ ರಸ್ತೆಯಲ್ಲಿ ಸಂಭ್ರಮಿಸುತ್ತಿದ್ದ ಜನರ ಮೇಲೆ ಟ್ರಕ್ ದಾಳಿ ನಡೆದಿದ್ದು ರಸ್ತೆ ಮಧ್ಯೆ ಸಂಭ್ರಮಿಸುತ್ತಿದ್ದವರ ಮೇಲೆ ಟ್ರಕ್ ನುಗ್ಗಿದೆ. ಟ್ರಕ್ ಬಂದ ಸ್ಪೀಡ್ಗೆ 15 ಜನರು ಸಾವನ್ನಪ್ಪಿ 30ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಟ್ರಕ್ನಲ್ಲಿ ಐಸಿಸ್ ಉಗ್ರ ಸಂಘಟನೆಯ ಧ್ವಜ ಪತ್ತೆಯಾಗಿದೆ. ಇದು ಭಯೋತ್ಪಾದಕ ಕೃತ್ಯ ಎಂದು ಎಫ್ಬಿಐ ಟೀಂ ತನಿಖೆಗೆ ಇಳಿದಿದೆ.
ಟ್ರಕ್ ದಾಳಿ ಹಿಂದೆ ಐಸಿಸ್ ಉಗ್ರ ಸಂಘಟನೆಯ ಕೈವಾಡ ಇರುವ ಶಂಕೆ ವ್ಯಕ್ತವಾಗಿದೆ. ನ್ಯೂ ಓರ್ಲಿಯನ್ಸ್ ದಾಳಿ ಟ್ರಕ್ನಲ್ಲಿ ಐಸಿಸ್ ಧ್ವಜ ಪತ್ತೆಯಾಗಿದೆ. ಟ್ರಕ್ನಲ್ಲಿದ್ದ ಸ್ಫೋಟಕಗಳು, ಗನ್ ಅನ್ನು ಎಫ್ಬಿಐ ವಶಕ್ಕೆ ಪಡೆದಿದೆ.