ಇಸ್ರೋ ವಿಜ್ಞಾನಿಗಳ ಸಾಧನೆ ನೆನೆದು ಪ್ರಧಾನಿ ಮೋದಿ ಭಾವುಕ !

ಬೆಂಗಳೂರು: ಇಸ್ರೋ ವಿಜ್ಞಾನಿಗಳನ್ನು ಉದ್ದೇಶಿಸಿ ಮಾತನಾಡುತ್ತಿರುವಾಗ ಪ್ರಧಾನಿ ನರೇಂದ್ರ ಮೋದಿ(Narendra Modi), ಅವರ ಸಾಧನೆ ನೆನೆದು ಭಾವುಕರಾದರು. ವಿಜ್ಞಾನಿಗಳ ಮುಂದೆ ಕಣ್ತುಂಬಿಕೊಂಡು ಪ್ರಧಾನಿ ಮೋದಿ ಕೈ ಮುಗಿದರು. ಇದೇ ವೇಳೆ ವಿಜ್ಞಾನಿಗಳ ಸಾಧನೆ ಕೊಂಡಾಡಿ, ಇಸ್ರೋಗೆ(ISRO) ಶಹಬ್ಬಾಸ್‌ ಎಂದಿದ್ದಾರೆ. ನನ್ನ ತನು-ಮನ ಖುಷಿಯಿಂದ ತುಂಬಿ ತುಳುಕುತ್ತಿದೆ. ನಾನು ದಕ್ಷಿಣ ಆಫ್ರಿಕಾದಲ್ಲಿ ಇದ್ದರೂ, ನನ್ನ ಮನಸ್ಸುಇಲ್ಲೇ ಇತ್ತು. ನನಗೆ ಒಂದೊಂದು ಸಾರಿ ಅನಿಸುತ್ತದೆ. ನಾನು ನಿಮಗೆ ಮೋಸ ಮಾಡುತ್ತಿದ್ದೇನೆಂದು ಎಂದು ಮೋದಿ ಹೇಳಿದರು. ನಿಮ್ಮ ಪರಿಶ್ರಮ, ಧೈರ್ಯ ನಾನು ಸೆಲ್ಯೂಟ್‌ ಹೊಡೆಯುತ್ತೇನೆ. ಜಗತ್ತು ಭಾರತದ ವೈಜ್ಞಾನಿಕ ಮನೋಭಾವ ಗೌರವಿಸಿದೆ. ಚಂದ್ರಯಾನ 3(chandrayaan 3) ಕೇವಲ ಭಾರತದದ್ದಲ್ಲ, ಮನುಕುಲದ ಯಶಸ್ಸು. ಭಾರತ ವಿಶ್ವಕ್ಕೆ ಚಂದ್ರನ ಹೊಸ ರಸ್ತೆ ತೋರಿಸಿದೆ ಎಂದು ಪ್ರಧಾನಿ ಮೋದಿ ಹೇಳಿದರು. 

ಇದನ್ನೂ ವೀಕ್ಷಿಸಿ: ಚಂದ್ರಯಾನ -2 ತಲುಪಿದ ಸ್ಥಳ ಇನ್ಮುಂದೆ ತಿರಂಗಾ ಪಾಯಿಂಟ್‌: ಮೋದಿ ಘೋಷಣೆ