May 10, 2021, 11:26 AM IST
ಚೆನ್ನೈ(ಮೇ.10): ಕೇರಳ ಪೊಲೀಸರ ಬಳಿಕ ಇದೀಗ ಚೆನ್ನೈ ರೈಲ್ವೇ ಪೊಲೀಸರು ದೇಶದ ನಾಗರಿಕರು ಹಾಗೂ ರೈಲು ನಿಲ್ದಾಣಕ್ಕೆ ಬರುವ ಪ್ರಯಾಣಿಕರಲ್ಲಿ ಕೊರೋನಾ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ನೃತ್ಯ ಪ್ರದರ್ಶನ ನೀಡಿದ್ದಾರೆ. ಈ ಡಾನ್ಸ್ ಮೂಲಕ ಚೆನ್ನೈ ರೈಲ್ವೇ ಪೊಲೀಸರು ಜನರಿಗೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಜೊತೆ ಮಾಸ್ಕ್ ತಪ್ಪದೇ ಬಳಸುವ ಸಂದೇಶ ನೀಡಿದ್ದಾರೆ.
ಯಮುನಾ ನದಿಯಲ್ಲಿ ತೇಲಿ ಬಂತು ಸೋಂಕಿತರ ಅರೆಬೆಂದ ಮೃತದೇಹಗಳು
ಕಠಿಣ ಪರಿಸ್ಥಿತಿಯಲ್ಲೂ ಹೇಗೆ ಧೈರ್ಯದಿಂದ, ಖುಷಿ ಹಾಗೂ ತಾಳ್ಮೆಯಿಂದಿರಬೇಕೆಂದೂ ಈ ನೃತ್ಯದ ಮೂಲಕ ತಿಳಿಸಿದ್ದಾರೆ. ಯೂನಿಫಾರಂನಲ್ಲಿರುವ ಚೆನ್ನೈ ಸೆಂಟ್ರಲ್ ರೈಲ್ವೇ ಸ್ಟೇಷನ್ನ ಮಹಿಳಾ ಪೊಲೀಸರು ಸುರಕ್ಷತೆ ನಿಟ್ಟಿನಲ್ಲಿ ಕೈಗಳಿಗೆ ಗ್ಲೌಸ್ ಕೂಡಾ ಧರಿಸಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿರುವ Enjoy Enjaami ಹಾಡಿಗೆ ಪೊಲೀಸರು ಹೆಜ್ಜೆ ಹಾಕಿದ್ದಾರೆ. ಸದ್ಯ ಈ ಜನರ ಫೇವರಿಟ್ ಸಾಂಗ್ಗೆ ಮಾಡಿದ ಡಾನ್ಸ್ ಕೂಡಾ ಭಾರೀ ವೈರಲ್ ಆಗಿದೆ.