ಡ್ರಗ್ಸ್, ರೇವು ಪಾರ್ಟಿ, ಆಡಿಶನ್ ಚಾನ್ಸ್, ಕಾಂಪ್ರಮೈಸ್ ಬಗ್ಗೆ ಕರಾಳ ಮುಖ ಬಿಚ್ಚಿಟ್ಟ ನಟಿ!

ಬೆಂಗಳೂರು (ಆ. 31): 'ಸ್ಯಾಂಡಲ್‌ವುಡ್‌ನಲ್ಲಿ ಡ್ರಗ್ಸ್ ಇರುವುದು ನಿಜ' ಎಂದು ನಟಿ ಚಿತ್ರಲ್ ರಂಗಸ್ವಾಮಿ ಬಾಂಬ್ ಸಿಡಿಸಿದ್ದಾರೆ. 

ನಟಿಯರಿಗೆ ಚಾನ್ಸ್ ಸಿಗಬೇಕೆಂದರೆ ರೇವು ಪಾರ್ಟಿ, ಪಬ್‌ಗಳಲ್ಲಿ ಕಾಣಿಸಿಕೊಳ್ಳಬೇಕು. ಇಲ್ಲದಿದ್ದರೆ ಚಾನ್ಸ್ ಸಿಗಲ್ಲ. ಇದು ನನ್ನ ಅನುಭವಕ್ಕೂ ಬಂದಿದೆ. ನಾವು ಚೆನ್ನಾಗಿ ಆಡಿಶನ್ ಕೊಟ್ಟರೂ ಸಹ ನಮಗೆ ಅವಕಾಶವೇ ಸಿಗುವುದಿಲ್ಲ. ದೊಡ್ಡ ದೊಡ್ಡ ಬ್ಯಾನರ್‌ಗಳಲ್ಲಿ ಕೆಲಸ ಮಾಡಲು ಆಗುವುದಿಲ್ಲ. ಮಧ್ಯವರ್ತಿಗಳೇ ಹೆಚ್ಚಾಗಿರುತ್ತಾರೆ. ಇದನ್ನೆಲ್ಲಾ ದಾಟಿ, ಪಾರ್ಟಿಗಳನ್ನು, ಪಬ್‌ಗಳನ್ನು ಅಟೆಂಡ್ ಮಾಡಿದರೆ ಮಾತ್ರ ಅವಕಾಶ ಸಿಗುತ್ತದೆ. ಕೋ ಆರ್ಡಿನೇಟರ್‌ಗಳನ್ನು ಚೆನ್ನಾಗಿಟ್ಟುಕೊಂಡರೆ ಮಾತ್ರ ಬೇಗ ರೀಚ್ ಆಗಬಹುದು' ಎಂದು ಚಿತ್ರಲ್ ಹೇಳಿದ್ದಾರೆ. 

ಇಂದ್ರಜಿತ್ ಲಂಕೇಶ್ ಅವರ ಹೇಳಿಕೆಯಲ್ಲಿ ಶೇ. 80 ರಷ್ಟು ಸತ್ಯವಿದೆ. ನನ್ನ ಕೋ ಆರ್ಟಿಸ್ಟ್‌ಗಳು ಡ್ರಗ್ಸ್‌ ತೆಗೆದುಕೊಳ್ಳುವುದನ್ನು ನಾನು ನೋಡಿದ್ದೇನೆ. ಸ್ಯಾಂಡಲ್‌ವುಡ್‌ನಲ್ಲಿ ಡ್ರಗ್ಸ್‌ ಇರುವುದು ನಿಜ' ಎಂದಿದ್ದಾರೆ. ಚಿತ್ರರಂಗದಲ್ಲಿ ನಡೆಯುವ ಡ್ರಗ್ಸ್, ರೇವು ಪಾರ್ಟಿ, ಆಡಿಶನ್ ಚಾನ್ಸ್, ಹುಡುಗಿಯರ ಶೋಕಿ ಇರುವ ನಿರ್ಮಾಪಕರು, ಕಾಂಪ್ರಮೈಸ್ ಇವೆಲ್ಲರ ಬಗ್ಗೆ ಚಿತ್ರಲ್ ಮಾತನಾಡಿದ್ದಾರೆ.