ದಂಪತಿ ನಡುವೆ ಶೃಂಗಾರದಲ್ಲಿ ಕೊರತೆ, ಪ್ರೇಮಕ್ಕೆ ಸಮಯದ ಅಭಾವ, ಮಿಲನಕ್ಕೆ ಮೂಡ್‌ನ ಅಭಾವ ಇತ್ಯಾದಿಗಳನ್ನು ಎದುರಿಸುತ್ತಿದ್ದರೆ ಬೆಡ್‌ರೂಮಿನ ಗೋಡೆಗಳಲ್ಲಿ ಯಾವ ಬಣ್ಣವಿದೆಯೆಂದು ಪರಿಶೀಲಿಸಿ, ಸರಿಪಡಿಸಿ.
ಮನುಷ್ಯ ತನ್ನ ಕಣ್ಣುಗಳನ್ನು ತೆರೆದ ಕೂಡಲೇ ಅವನ ಮುಂದಿನ ಪ್ರಪಂಚ ಬಣ್ಣಗಳಿಂದಲೇ ಕಾಣಿಸಿಕೊಳ್ಳುತ್ತದೆ. ಈ ಬಣ್ಣಗಳ ಪ್ರಭಾವ ನಮ್ಮ ಜೀವನದ ವಿವಿಧ ಭಾವನಾತ್ಮಕ, ಬೌದ್ಧಿಕ, ಭೌತಿಕ ಅಂಶಗಳ ಮೇಲೆ ಆಗುತ್ತದೆ. ಇದು ಏಕೆಂದರೆ ಪ್ರತಿಯೊಂದು ಬಣ್ಣವೂ ನಿರ್ದಿಷ್ಟ ಗುಣಲಕ್ಷಣಗಳನ್ನು ಹೊಂದಿದೆ ಮತ್ತು ನಮ್ಮ ಮನಸ್ಥಿತಿ, ನಡವಳಿಕೆ ಮೇಲೆ ಪ್ರಭಾವ ಬೀರುತ್ತದೆ.
ಪ್ರಾಚೀನ ಕಾಲದಲ್ಲಿ ವಿದ್ವಾಂಸರು ವಿವಿಧ ಬಣ್ಣಗಳ ಪ್ರಾಮುಖ್ಯತೆ, ಅವುಗಳಿಗೆ ಸಂಬಂಧಿಸಿದ ಗ್ರಹಗಳು, ನಮ್ಮ ದೇಹದಲ್ಲಿರುವ ಏಳು ಪ್ರಮುಖ ಚಕ್ರಗಳು (ಶಕ್ತಿಕೇಂದ್ರಗಳು), ವಾರದ ಏಳು ದಿನಗಳು ಇವುಗಳ ಸಂಬಂಧ ಕಂಡುಕೊಂಡಿದ್ದರು. ಬಣ್ಣಗಳು ಮೂಲತಃ ಕಂಪನಗಳು ಎಂಬುದು ಎಲ್ಲರಿಗೂ ತಿಳಿದಿರುವ ಸತ್ಯ. ಬಿಳಿಯ ಬೆಳಕೇ ಒಡೆದು ಏಳು ಬಣ್ಣಗಳಾಗುತ್ತದೆ. ನಮ್ಮ ಜೀವನ ಮತ್ತು ವಾಸ್ತುವಿನಲ್ಲಿ ಸಾಮರಸ್ಯವನ್ನು ತರಲು
ಪರಿಸರದ ಬಣ್ಣದ ಗುಣಲಕ್ಷಣಗಳನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ.
ಗುಲಾಬಿ (Pink) ಬಣ್ಣ
ವಾಸ್ತು ಪ್ರಕಾರ ಮಲಗುವ ಕೋಣೆಯ ಬಣ್ಣದ ಸಂಯೋಜನೆ ಹೇಗಿರಬೇಕು? ಮಲಗುವ ಕೋಣೆಗೆ ಗುಲಾಬಿ ಕೆಂಪು ಅಥವಾ ಗುಲಾಬಿ ಛಾಯೆಗಳನ್ನು ಮಲಗುವ ಕೋಣೆಯಲ್ಲಿ ಬಳಸಬಹುದು. ಇದು ಆಳವಾದ ಪ್ರೀತಿಯನ್ನು ಸಂಕೇತಿಸುತ್ತದೆ. ಗುಲಾಬಿ ಬಣ್ಣ ಪ್ರೀತಿಗೆ ಸೂಕ್ತವಾದ ಬಣ್ಣವಾಗಿದೆ. ನವವಿವಾಹಿತರು, ದಂಪತಿಗಳು ಇದನ್ನು ಬಳಸಬೇಕು.
ಗರ್ಭಧರಿಸಲು ಬಯಸುವ, ಶೃಂಗಾರದಲ್ಲಿ ಹೆಚ್ಚಿನ ಸುಖವನ್ನು ಪಡೆಯಬಯಸುವವರು ಈ ಬಣ್ಣವನ್ನು ಬಳಸಬೇಕು. ತಮ್ಮ ಸಂಬಂಧದಲ್ಲಿ ಸಂಘರ್ಷವನ್ನು ಎದುರಿಸುತ್ತಿರುವ ದಂಪತಿಗಳು ಸಹ ಇದರ ಪ್ರಯೋಜನ ಪಡೆಯಬಹುದು. ವಾಸ್ತವವಾಗಿ, ಗುಲಾಬಿ ವರ್ಣವನ್ನು ಮನೆಯ ಎಲ್ಲಿ ಬೇಕಾದರೂ ಬಳಸಬಹುದು.
undefined
ಕೆಂಪು (Red) ಬಣ್ಣ
ಇದು ರಕ್ತದ ಬಣ್ಣವಾಗಿದೆ ಮತ್ತು ನಮ್ಮ ದೇಹದ ಜತೆಗೆ ಸ್ಪಷ್ಟವಾದ ಸಂಬಂಧವನ್ನು ಹೊಂದಿದೆ. ಕೆಂಪು ಕಾಮ, ಉತ್ಸಾಹವನ್ನು ಸಂಕೇತಿಸುತ್ತದೆ. ಭೌತವಾದ ಮೂಲ ಶಕ್ತಿಗಳು ಕೆಂಪಿನೊಂದಿಗೆ ಸಂಬಂಧಿಸಿವೆ. ಹಾಗೆಯೇ ಕೆಂಪು ಬೆಂಕಿಯೊಂದಿಗೆ ಸಂಬಂಧಿಸಿದೆ. ಇದು ಚಟುವಟಿಕೆ, ಶಕ್ತಿ ಮತ್ತು ಇಚ್ಛೆಯನ್ನು ಒದಗಿಸುತ್ತದೆ. ಹೀಗಾಗಿ, ಬೆಡ್‌ರೂಂ ಗೋಡೆಗೆ ಕೆಂಪು ಬಣ್ಣವನ್ನೂ ಹಚ್ಚಬಹುದು. ಆದರೆ ಎಲ್ಲ ಗೋಡೆಗಳಿಗೂ ಹಚ್ಚಬಾರದು. ಒಂದು ಕಡೆಯ ಗೋಡೆಗೆ ಮಾತ್ರ ಇದು ಸಾಕು. ಒಂದು ಕಡೆ ಕೆಂಪು ಇದ್ದರೆ ಇನ್ನೊಂದು ಕಡೆ ತಿಳಿಯಾದ ಬಣ್ಣಗಳು ಇರಬೇಕು.
ದಕ್ಷಿಣ ದಿಕ್ಕಿಗೆ ಎದುರಾಗಿರುವ ರಚನೆಗಳ ಮುಂಭಾಗಕ್ಕೆ ಕೆಂಪು ಬಣ್ಣ ಬಳಿಯಬೇಕು. ಜೀವಶಕ್ತಿಯನ್ನು ಪ್ರತಿನಿಧಿಸಲು ಲಿವಿಂಗ್ ರೂಮ್‌ನಲ್ಲಿ ಕೆಂಪು ತರಬಹುದು. ಆಳವಾದ ಅಥವಾ ಗಾಢ ಕೆಂಪು ಛಾಯೆಗಳು ಕೋಪವನ್ನು ಸೂಚಿಸುತ್ತವೆ. ಇವು ಇರಬಾರದು.
Best Quotes: ಬುದ್ಧ ಹೇಳುವುದನ್ನ ಫಾಲೋ ಮಾಡಿದರೆ ಲೈಫ್ ಬಿಂದಾಸ್!
ಕಿತ್ತಳೆ (Orange) ಬಣ್ಣ
ಕಿತ್ತಳೆ ಬಣ್ಣವು ಹೆಮ್ಮೆ, ಮಹತ್ವಾಕಾಂಕ್ಷೆ ಮತ್ತು ಸಂವಹನವನ್ನು ಪ್ರತಿನಿಧಿಸುತ್ತದೆ. ಇದು ಆರೋಗ್ಯ ಮತ್ತು ಚೈತನ್ಯವನ್ನು ಸಹ ಸೂಚಿಸುತ್ತದೆ. ಇನ್ನೂ ತಮ್ಮ ಗುರಿಗಳನ್ನು ಸಾಧಿಸದ ಯುವ, ಮಹತ್ವಾಕಾಂಕ್ಷಿಗಳು ಮನೆಯ ದಕ್ಷಿಣದ ಗೋಡೆಯ ಮೇಲೆ ಕಿತ್ತಳೆ ಛಾಯೆಗಳನ್ನು ಬಳಸಬೇಕು. ಇದು ಉರಿಯುವ ಬಣ್ಣವಾಗಿರುವುದರಿಂದ, ಮಲಗುವ ಕೋಣೆಯಲ್ಲಿ ಇದನ್ನು ಬಳಸಬಾರದು. ಅಡುಗೆಮನೆಗಳಲ್ಲಿ ಕಿತ್ತಳೆ ಛಾಯೆಗಳನ್ನು ಬಳಸಬಹುದು. ಪೂಜಾ ಕೋಣೆಯಲ್ಲಿ ಕಿತ್ತಳೆ ಬಣ್ಣದ ಛಾಯೆಗಳನ್ನು ಸಹ ಬಳಸಬಹುದು.
ಹಳದಿ (Yellow) ಬಣ್ಣ
ವಾಸ್ತು ಪ್ರಕಾರ ಈ ಬಣ್ಣವನ್ನು ಪೂಜೆ ಮತ್ತು ಸ್ಟಡಿ ರೂಮ್‌ಗಳಲ್ಲಿ ಹಚ್ಚಬಹುದು. ಈ ಬಣ್ಣವು ಪ್ರಕಾಶ, ಬೆಳಕು, ಬುದ್ಧಿಶಕ್ತಿ ಮತ್ತು ಆಧಿಕ್ಯವನ್ನು ಸೂಚಿಸುತ್ತದೆ. ಇದು ಮಾನಸಿಕ ಚಟುವಟಿಕೆಗೆ ಸಂಬಂಧಿಸಿದೆ. ಇದು ದೇವಿಯ ಬಣ್ಣವೂ ಹೌದು. ಈ ಬಣ್ಣವನ್ನು ಮಹಾಲಕ್ಷ್ಮಿ ದೇವಿಯು ಇಷ್ಟಪಡುತ್ತಾಳೆ. ಹಳದಿಯು ಅಧ್ಯಯನ, ಏಕಾಗ್ರತೆ ತರುವುದು ಮತ್ತು ಮನಸ್ಸನ್ನು ಸ್ಥಿರಗೊಳಿಸುವುದು. ಕಟ್ಟಡದ ಉತ್ತರ ಗೋಡೆಗಳ ಮೇಲೆ ಇದು ಸೂಕ್ತ.
ಹಸಿರು (Green) ಬಣ್ಣ
ವೈವಾಹಿಕ ಜೀವನದಲ್ಲಿ ತೊಡಕು ಅನುಭವಿಸುತ್ತಿರುವ ದಂಪತಿಗಳು ಹಸಿರು ಬಣ್ಣವನ್ನು ಪರಿಹಾರವಾಗಿ ಬಳಸಬಹುದು. ವೈವಾಹಿಕ ಜೀವನದಲ್ಲಿ ಘರ್ಷಣೆಗಳಿದ್ದರೆ, ನೀಲಿ ಮತ್ತು ಹಸಿರು ಛಾಯೆಗಳನ್ನು ಮಲಗುವ ಕೋಣೆಯ ಆಗ್ನೇಯ ದಿಕ್ಕಿಗೆ ಬಳಸುವುದು ಹಿತವಾದ ಪರಿಣಾಮವನ್ನು ಕೊಡುತ್ತದೆ. ಹಸಿರು ಪೂರ್ವಕ್ಕೆ ಸಾಮರಸ್ಯದ ಬಣ್ಣ. ಈ ದಿಕ್ಕಿನಲ್ಲಿ ಹಸಿರು ಅಂಶವಿರಬೇಕು. ವೃತ್ತಿ ಸಲಹೆಗಾರರು, ವಾಸ್ತುಶಿಲ್ಪಿಗಳು, ವಿನ್ಯಾಸಕರು,
ಫ್ಯಾಷನ್ ವಿನ್ಯಾಸಕರು, ಸಲಹಾ ವೃತ್ತಿಯಲ್ಲಿರುವ ಇತರರು ಇದನ್ನು ಬಳಸಬಹುದು.
ನೀಲಿ (Blue) ಬಣ್ಣ
ಇದು ಆಕಾಶದ ಬಣ್ಣ, ಮತ್ತು ನೀರನ್ನು ಪ್ರತಿನಿಧಿಸುತ್ತದೆ. ಇದು ಭಾವನೆಗಳು, ಸ್ಫೂರ್ತಿ, ಭಕ್ತಿ ಮತ್ತು ಸತ್ಯವನ್ನು ಸೂಚಿಸುತ್ತದೆ. ನೀಲಿ ಬಣ್ಣದ್ದು ಸಹ ಗುಣಪಡಿಸುವ ಮತ್ತು ಕರುಣಾಮಯಿ ಬಣ್ಣ. ಮತ್ತು ನೋವುಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಕಾಸು ಕೈಯಲ್ಲಿ ನಿಲ್ಲುತ್ತಿಲ್ಲವೇ? ಮನೆಯಲ್ಲಿ ಚೈನೀಸ್‌ ಕಪ್ಪೆ ತಂದಿಟ್ಟುಕೊಳ್ಳಿ!