ಪುಟ್ಟಕ್ಕನ ಮಕ್ಕಳು ಸೀರಿಯಲ್ನಲ್ಲಿ ಜೀವ ಕಳೆದುಕೊಂಡಿರೋ ಸ್ನೇಹಾ ಅರ್ಥಾತ್ ಸಂಜನಾ ಬುರ್ಲಿ ಶೂಟಿಂಗ್ ಸಮಯದ ಒಂದು ಸೀಕ್ರೇಟ್ ಹೇಳಿದ್ದಾರೆ. ಏನದು?
ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಶುರುವಾಗಿ ಮೂರು ವರ್ಷವಾಗಿದೆ. ಈ ಮೂರು ವರ್ಷಗಳ ಸುದೀರ್ಘ ಅವಧಿಯಲ್ಲಿ ಈಗ ಸೀರಿಯಲ್ಗೆ ಪ್ರೇಕ್ಷಕರು ಎಂದೂ ನಿರೀಕ್ಷೆ ಮಾಡದ ಆಘಾತಕಾರಿ ಟ್ವಿಸ್ಟ್ ಸಿಕ್ಕಿದೆ. ಅದೇನೆಂದರೆ ಸ್ನೇಹಾ ಪಾತ್ರ ಕೊನೆಗೊಂಡಿದೆ. ಈಗಷ್ಟೇ ಜಿಲ್ಲಾಧಿಕಾರಿಯಾಗಿ ತನ್ನ ಬಾಲ್ಯದ ಕನಸನ್ನು ನನಸು ಮಾಡಿಕೊಂಡಿರೋ ಸ್ನೇಹಾ, ಅಪಘಾತದಲ್ಲಿ ಮೃತಪಟ್ಟಿದ್ದಾಳೆ. ಈ ಅನಿರೀಕ್ಷಿತ ತಿರುವು ಸೀರಿಯಲ್ನಲ್ಲಿ ಯಾಕೆ ತಂದಿದ್ದಾರೆ ಎನ್ನುವ ಬಗ್ಗೆ ಪ್ರೇಕ್ಷಕರಿಗೆ ಚಿಂತೆ ಶುರುವಾಗಿದೆ. ಸ್ನೇಹಾ ಪಾತ್ರಧಾರಿ ಸಂಜನಾ ಬುರ್ಲಿ ಸೀರಿಯಲ್ ಬಿಡುವ ಕಾರಣದಿಂದ ಏನೇನೋ ಕಥೆ ತಿರುವು ಪಡೆದುಕೊಂಡಿತಾ ಎಂಬ ಪ್ರಶ್ನೆಯನ್ನೂ ಪ್ರೇಕ್ಷಕರು ಕೇಳುತ್ತಿದ್ದಾರೆ. ಮನೆಗೆ ಬಂದಿರುವ ಸ್ನೇಹಾಳಿಗೆ ಈ ಸ್ನೇಹಾ ಹೃದಯವನ್ನು ನೀಡುತ್ತಾಳೆ ಎನ್ನುವುದು ಎಲ್ಲರಿಗೂ ಅರ್ಥವಾಗಿದೆ. ಆದರೆ ಸೀರಿಯಲ್ ಉದ್ದೇಶವನ್ನೇ ಬುಡಮೇಲು ಮಾಡಿರುವ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿಯೂ ಭಾರಿ ಟೀಕೆ ವ್ಯಕ್ತವಾಗುತ್ತಿದೆ.
ಅದೇನೇ ಇರಲಿ, ಕಥೆ ಏನೇ ಇರಲಿ... ಅಸಲಿ ವಿಷಯಕ್ಕೆ ಬರುವುದಾದರೆ, ಸ್ನೇಹಾ ಪಾತ್ರಧಾರಿ ಸಂಜನಾ ಬುರ್ಲಿ ಅವರು ಸೋಷಿಯಲ್ ಮೀಡಿಯಾದಲ್ಲಿಯೂ ಆ್ಯಕ್ಟೀವ್ ಆಗಿದ್ದು, ಇದೀಗ ಯೂಟ್ಯೂಬ್ನಲ್ಲಿ ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಸೆಟ್ ತೋರಿಸಿದ್ದಾರೆ. ಅಷ್ಟಕ್ಕೂ, ಪ್ರತಿಯೊಬ್ಬ ನಟ-ನಟಿಯರು ಅವರ ಮನೆಗಿಂತಲೂ ಹೆಚ್ಚಾಗಿ ಶೂಟಿಂಗ್ ಸ್ಪಾಟ್ನಲ್ಲಿಯೇ ಇರುತ್ತಾರೆ. ಸಿನಿಮಾಗಳಲ್ಲಿ ಈ ಸ್ಪಾಟ್ ವಿಭಿನ್ನ ಪ್ರದೇಶಗಳಲ್ಲಿ ನಡೆದರೆ, ಸಾಮಾನ್ಯವಾಗಿ ಸೀರಿಯಲ್ಗಳಲ್ಲಿ ಒಂದೇ ಕಡೆ ಸೆಟ್ ಮಾಡಿ ಅಲ್ಲಿಯೇ ಸಂಪೂರ್ಣ ಚಿತ್ರೀಕರಣ ನಡೆಯುತ್ತದೆ.
ಪುಟ್ಟಕ್ಕನ ಮಗಳು ಸ್ನೇಹಾ ಹಾಟ್ ಫೋಟೋಶೂಟ್: ಜಿಲ್ಲಾಧಿಕಾರಿ ಘನತೆ ಕಾಪಾಡಿ ಪ್ಲೀಸ್ ಅನ್ನೋದಾ ಫ್ಯಾನ್ಸ್?
ಇದೇ ಕಾರಣಕ್ಕೆ ಸಂಪೂರ್ಣ ವಾತಾವರಣವನ್ನೇ ಬದಲಾಯಿಸಲಾಗುತ್ತದೆ. ಒಂದು ಸೀರಿಯಲ್ ಐದಾರು ವರ್ಷಗಳು ನಡೆಯುವ ಕಾರಣ, ಇಲ್ಲಿ ಸೆಟ್ ಅತ್ಯಂತ ಪ್ರಾಮುಖ್ಯತೆ ವಹಿಸುತ್ತದೆ. ಬೆಂಗಳೂರಿನಂಥ ನಗರಗಳಲ್ಲಿ ಶೂಟಿಂಗ್ ಮನೆಗಳನ್ನು ಕಟ್ಟಿ ಅದನ್ನು ಬಾಡಿಗೆಗೆ ಕೊಡುವುದು ಇದೆ. ಇನ್ನು ಕೆಲವು ಸೀರಿಯಲ್ಗಳಲ್ಲಿ ತಮಗೆ ಬೇಕಾದಂತೆ ಹಳ್ಳಿಯ ವಾತಾವರಣ ನಿರ್ಮಾಣ ಮಾಡಿಕೊಂಡೋ ಅಥವಾ ಓಣಿ, ವಠಾರದ ರೀತಿಯಲ್ಲಿ ನೈಜ ಚಿತ್ರಣ ಬರುವಂತೆ ಶೂಟಿಂಗ್ ಮನೆಗಳನ್ನು ನಿರ್ಮಿಸಿಕೊಂಡಿರುತ್ತಾರೆ.
ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಮಾಡುವ ಮನೆ ಹೇಗಿದೆ ಎಂಬ ಬಗ್ಗೆ ಸಂಜನಾ ತೋರಿಸಿದ್ದಾರೆ. ಇವರಿಗೆ ಜತೆಯಾಗಿದ್ದವರು ಸುಮಾ ಪಾತ್ರಧಾರಿ ಶಿಲ್ಪಾ. ಇಬ್ಬರೂ ಸೇರಿ ಮನೆ ಹೇಗಿದೆ ಎನ್ನುವ ಬಗ್ಗೆ ತೋರಿಸಿದ್ದು, ಸೀರಿಯಲ್ ಕಲಾವಿದರನ್ನೂ ಮಾತನಾಡಿದ್ದಾರೆ. ಇದೇ ವೇಳೆ ಒಂದು ಸೀಕ್ರೇಟ್ ಅನ್ನು ಸಂಜನಾ ತಿಳಿಸಿದ್ದಾರೆ. ಅದೇನೆಂದರೆ, ಸಂಜನಾ ಕಾಲೇಜಿಗೆ ಹೋಗುತ್ತಿದ್ದು, ಪ್ರಾಜೆಕ್ಟ್ ವರ್ಕ್, ಹೋಮ್ ವರ್ಕ್ ಎಲ್ಲಾ ಹೇಗೆ ಮ್ಯಾನೇಜ್ ಮಾಡುತ್ತಿದ್ದೆ ಎಂದು ತಿಳಿಸಿದ್ದಾರೆ. ದಿನಪೂರ್ತಿ ಶೂಟಿಂಗ್ ಸೆಟ್ನಲ್ಲಿ ಇರುವಾಗ ಕಾಲೇಜು ವರ್ಕ್ ಎಲ್ಲಾ ಮಾಡೋದು ಕಷ್ಟ. ಆದ್ದರಿಂದ ಈ ಸಮಯದಲ್ಲಿ ತಮಗೆ ಸಹಾಯ ಮಾಡ್ತಿದ್ದುದು ಶಿಲ್ಪಾ ಎಂದು ಹೇಳಿದ್ದಾರೆ. ಶಿಲ್ಪಾಗೂ, ಸಂಜನಾಗೂ ಇರುವ ಸಂಬಂಧ ಸಹ ಕಲಾವಿದರಾಗಿ ಮಾತ್ರ. ಇದರ ಹೊರತಾಗಿಯೂ ತಮಗೆ ಈ ಪರಿ ಸಹಾಯ ಮಾಡಿರುವ ಶಿಲ್ಪಾ ಕುರಿತು ಸಹನಾ ಹೊಗಳಿಕೆಯ ಮಾತನಾಡಿದ್ದಾರೆ. ತಮ್ಮ ಉಪನ್ಯಾಸಕರು ಇದನ್ನು ನೋಡಿದರೆ ಕಷ್ಟ ಎಂದೂ ಇದೇ ವೇಳೆ ಅವರು ತಮಾಷೆ ಮಾಡಿದ್ದಾರೆ.
ಪುಟ್ಟಕ್ಕನ ಮಕ್ಕಳು ಸ್ನೇಹಾ ಭರ್ಜರಿ ರೀಲ್ಸ್: ದೂರು ದಾಖಲಿಸಲು ಮುಂದಾದ ನೆಟ್ಟಿಗರು!