ವಾಟ್ಸಪ್ನಿಂದ ಈ ಫೀಚರ್ ಮಾಯ! ಟೆನ್ಶನ್ನಲ್ಲಿ ಬಳಕೆದಾರರು
ಸಾರಾಂಶ
ವಾಟ್ಸಪ್ ತನ್ನ ಬಳಕೆದಾರರಿಗೆ ಹೊಸ ಫೀಚರ್ಗಳನ್ನು ನೀಡುತ್ತಾ ಬರೋದು ವಾಡಿಕೆ. ಆದ್ರೆ ಇದ್ದಕ್ಕಿಂದ್ದಂತೆ ಮಹತ್ವದ ಫೀಚರ್ ಮಾಯವಾಗಿಬಿಟ್ರೆ ಹೇಗೆ? ಅಂತಹದ್ದೇನಾಗಿದೆ ಈಗ? ಇಲ್ಲಿದೆ ವಿವರ...
ಜನಪ್ರಿಯ ಮೆಸೇಜಿಂಗ್ ಸೇವೆ ವಾಟ್ಸಪ್ ತನ್ನ ಬಳಕೆದಾರರ ಅವಶ್ಯಕತೆಗೆ ತಕ್ಕಂತೆ ಬದಲಾವಣೆಗಳನ್ನು ಮಾಡುತ್ತಾ ಬಂದಿದೆ. 10 ವರ್ಷಗಳ ಹಿಂದೆ, ಕೇವಲ ಮೆಸೇಜ್ ವಿನಿಮಯ ಮಾಡುವುದರಿಂದ ಆರಂಭವಾದ ವಾಟ್ಸಪ್ನಲ್ಲಿ ಇಂದು ಎಂತೆಂಥಾ ಸೌಲಭ್ಯಗಳಿವೆ ಎಂಬುವುದು ಬಳಸುವವರಿಗೆ ಚೆನ್ನಾಗಿ ಗೊತ್ತಿದೆ. ತಂತ್ರಜ್ಞಾನ ಅಭಿವೃದ್ಧಿಯಾದಂತೆ, ಅನುಕೂಲಕ್ಕೆ ತಕ್ಕಂತೆ ಹೊಸ ಹೊಸ ಫೀಚರ್ಗಳನ್ನು ವಾಟ್ಸಪ್ ನೀಡುತ್ತಾ ಬಂದಿದೆ.
ಆದರೆ ಕೆಲವೊಮ್ಮೆ ಬಳಕೆದಾರರಿಗೆ ಬಗ್ಸ್ಗಳದ್ದೇ ಕಾಟ. ಈಗ ಅಂತಹದ್ದೊಂದು ಬೆಳವಣಿಗೆ ಘಟಿಸಿದೆ. ವಾಟ್ಸಪ್ ಪ್ರೊಫೈಲ್ನಲ್ಲಿ ತಮ್ಮ ಹೆಸರನ್ನು ಅಪ್ಡೇಟ್ ಮಾಡುವಾಗ ತೊಂದರೆಯಾಗುತ್ತಿದೆ ಎಂದು ಕೆಲವು ಬಳಕೆದಾರರು ಅವಲತ್ತುಕೊಂಡಿದ್ದಾರೆ.
ಇದನ್ನೂ ಓದಿ: ಕೊನೆಗೂ 48 ಮೆಗಾಪಿಕ್ಸೆಲ್ ಕ್ಯಾಮೆರಾದ Redmi Note 7 Pro ಬಿಡುಗಡೆ; ಹೆಂಗೈತೆ? ಎಷ್ಟು ರೊಕ್ಕಾ ?
ಈ ಬಗ್ಗೆ ಟ್ವೀಟ್ ಮಾಡಿರುವ ಬಳಕೆದಾರರು, ಪ್ರೊಫೈಲ್ ಹೆಸರು ಬರೆಯುವಲ್ಲಿ ಕೀಬೋರ್ಡ್ ಚಿಹ್ನೆ ಕಾಣಿಸುತ್ತಿದೆ. ಈ ಮುಂಚೆ ಅದಿರಲಿಲ್ಲ. ಅಲ್ಲಿ ಇಮೋಜಿಗಳ ಚಿಹ್ನೆಯ ಆಯ್ಕೆ ಇತ್ತು. ಯಾವುದಾದರು ಹೊಸ ಫೀಚರ್ ಪರಿಚಯಿಸಲಾಗಿದೆಯೇ? ಎಂದು ಬಳಕೆದಾರರು ಕೇಳುತ್ತಿದ್ದಾರೆ.
ಅದಕ್ಕೆ ಉತ್ತರಿಸಿರುವ WABetaInfo, ಅದೇನು ಹೊಸ ಫೀಚರ್ ಅಲ್ಲ, ಅದೊಂದು ಬಗ್ ಆಗಿದೆ ಎಂದು ಹೇಳಿದೆ. ಅದಕ್ಕೆ ಇನ್ನೂ ಪರಿಹಾರ ಸಿಕ್ಕಿಲ್ಲ. ಕೆಲ ಆ್ಯಂಡ್ರಾಯಿಡ್ ಫೋನ್ ಮತ್ತು ಆವೃತ್ತಿಗಳಲ್ಲಿ ಮಾತ್ರ ಈ ಸಮಸ್ಯೆ ಉಂಟಾಗಿದೆ ಎಂದು ಹೇಳಿದೆ.
ಈ ಕೆಳಗೆ ಕೊಟ್ಟಿರುವ ಚಿತ್ರದಲ್ಲಿ ಸಮಸ್ಯೆ ಏನೆಂಬುವುದನ್ನು ತಿಳಿದುಕೊಳ್ಳಬಹುದಾಗಿದೆ. ಬಲಭಾಗದಲ್ಲಿ ಇಮೋಜಿ ಕಾಣುತ್ತಿರುವ ಚಿತ್ರ, ವಾಟ್ಸಪ್ನ ಫೀಚರ್. ಎಡಭಾಗದಲ್ಲಿ ಕೀಬೋರ್ಡ್ ಕಾಣುತ್ತಿರುವುದು ಬಗ್ ಆಗಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.